1 Tawari 23:1 - Ma Jou ai Demo-demo o Totobelohoka

¹ De ma oraha o Dautu duru ai dekanoka o duniaka abe una iwiperekioka de ahao ai ngofaka o Saloomo gea wihidadi ai duruuru, ho o Saloomoli wodadi o Isiraele ma nyawa manga koano.

1 Tawari 23:1 ပူးပေါင်းရင်းမြစ်များ

Dodadi 25:8

Hokogea ai wowango ma dekana de ahao o Abarahaama wohonenge ho gea duru iwiperekioka ma oraha wohonenge.

Dodadi 35:29

Hokogea duru o Isaka iwiperekioka de ahao ai ngomaha itoaka ho unangoo wohonenge ho wahidotoomuino ai totoforaka manga jiwa ma ngioka abe ona yododihiraika yohonenge. De o Isaka ai ngofaka o Esau de o Yakubu yomakuduhunu iwilungunu manga baba.

1 Kokoano 1:1

De ipahaino de o Dautu duru iwiperekioka ho ka ihikaika wamao iwimaata. De ngaro iwitamunu de o ngoere ma biri-birini masara gea parahaja dika angamoi ai badangoka ka iwimaa-maatohi.

1 Kokoano 1:27

Ho gea ma titi hiadono kiani tonileha, marai ma datoro gea imakiniiki de to ngona ahi koano ani pareta eko koua? Abe nako hokogea ani putuhu ma titi ani duruuru, done sarakia ma titi hiadono ngomi utu ani duduhunu ko nomihingahua ngomino?” Hokogea o Natana ai demo o Dautika.

1 Kokoano 1:30

Ho naa tonihibehehongoli ngonaika tato ko tawohangua ahi behehongo ma demo abe ma dihiraino totemoka. Abe duru tagou-goungu ma titi ani ngofaka o Saloomo una ahao wohituruuru ngohi naa de wodadi o koano de wogogere ahi kaderaka.”

1 Kokoano 2:12

Ho una wopahaka de ahao ai ngofaka o Saloomo wituruuru de wodadi manga koano. De ona mata-mata naga manga horomati manga koano ma hungi o Saloomoika hiadono ai kuaha onangika duru ko idomo-domoua.

1 Tawari 28:5

De Ma Jou o Yawe wohihiowa de o ngofaka o nau-nauru ko manga ngoe de onangino wiiriki ahi ngofaka o Saloomo la una wohituruuru. Ho o Isiraele ma nyawa, abe Ma Jou o Yawe wonahikoano ngoneino, ngone mata-mata ahao o Saloomo ai kuahaka abe una Ma Jou wiirikoka la wogogere o Isiraele ma nyawa nanga koano ma kaderaka.

1 Tawari 29:28

De ma oraha una wohonenge una duru iwiperekioka de ai sanangi nagahi abe ai wowango ma dekanino de naga ai utumu. De una wokaya de o kiahonanga, de nagali o nyawa manga horomati duru itagi ma amoko unangika. Ho wopahaka de ahao ai ngofaka o Saloomo wituruuru ho unangoli wokoano.