Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Samuele 9:6 - Ma Jou ai Demo-demo o Totobelohoka

6 Masara ai duduhunu gea wopaluhu wato, “Ahao naa ipuda ahi hiningaka abe tonganono naga womatengo wogogere nenangoka duru witobaleleani Ma Jou. De o nyawa mata-mata duru manga horomati ilamoko unangika angamoi ato bari mata-mata wotemo ma gou-goungu dika hiadono wato o kia dika ahao idadi, de igoungu, ahao idadi. Abeika una hilingiri. De marai una ka idadi wonahingahu o kiaika ma ngekomo la ka idadi nanga keledai hamake.” Hokogea ai dodiawo wihigaro o Saulika.

အခန်းကိုကြည့်ပါ။ ကော်ပီ




1 Samuele 9:6
16 ပူးပေါင်းရင်းမြစ်များ  

“Ho o wange naa ti ngini nia humuino toboa de ngohi tomaniata tato, ‘Ma Jou o Yawe, Ngona ahi dutu o Abarahaama ai Jou, ngohi togahoko nohiduhunu la o Isaka ngoi fekata nohihimatoko ngohino la ahi dodagi de ma hasiloka.


De duru ma oraha gea Ma Jou o Yawe ai hohowono ma hingahu wihidoaka ai uru ma dodofanga womatengoika, abe ai hohowono ma demo gea kiani wapake o Yerobeama ai huhuba ma ngi iharo-harongika. De kiani ma hingahu ma demo gea wohidemo duru o huhuba ma ngi ma himangoka abe naga o Yerobeama wodiai o Betele ma kotaka. De gea Ma Jou ai uru ma dodofanga naga o Yehuda ma tonakoka ho wosobo woiki o Betele ma kotaika. De ka de womahiadono o huhuba ma ngiika o Beteloka gea de o Yerobeama naga womahigokoino genangoka duru ai huhuba iharo-harongo ma ngi ma himangoka abe una womahidiaioka o huhuba abe bootino ahao wahihuba.


Masara ahao o Elisa, Ma Jou ai uru ma dodofanga, woihene abe o koano ai huha ilamoko gea, de wohidingoto ai hingahu unangika, wato, “O koano, adodoa ngona ho hiadono ani hininga duru ihuha? O Naamana gea nihidingoto ngohino la una ahao wohioriki naga Ma Jou ai uru ma dodofanga ma gou-goungu o Isiraele ma tonakoka.” Hokogea o koano woihene de ahao wihingahu o Naamanika abe o Elisa o kiaka wogogere la ka idadi woiki unangika.


De Ma Jou ai uru ma dodofanga, o Elisa gea, wileha unangika, wato, “Ahi dodiawo, ka idadi nohihidumutu abe o kiauku itubuku?” Hokogea wileha de una wihidumutu abe o kiauku itubuku. De ahao o Elisa o gota ma jaga moi ma eteteke waotoino de o gota ma jaga ma dobiki waumo o bahuku ma dingiiuku. Ka de o gota ma dobiki gea waumo de itubuku ma bahuku ma dingiiuku ma akeruku de ka itodokanino de ma bahuku daukiye ipuda! De duru o akere ma lokuoka dika ipudaiye o bahuku o behino gea abe ko ilutuokaua.


“De mangale ma titi to Ngohi ahi Demo-demo duru ko iwa ma baha, ho ka idadi nihioriki abe gea ahi demo nginika duru igou-goungu ka hiado-adonika. Angamoi ahao naga ma oraha abe igoungu o dunia naa de o dihangoo duru ko iwaka, masara ahi Demo-demo duru itongohono ka hiado-adonika.”


Masara ko wopahauahi de Ma Jou ai uru ma dodofanga o Musa wahiowa o Isiraele ma nyawaika. De hokonaa to una ai hiowa ma demo onangika, wato,


De gea ngini nihiorikoo to ngomi mia hininga de mia wowango ma oraha abe ngomi ka nginiokahi. Abe gea miniao ngini niwingaku-ngakuoka gea de mia hininga ma medebini, de itaana de to Una ai mau hiadono moioo de ko iwa abe ka idadi o nyawa imitae ngomino de hiadono imihitaana. De gea ngaro ngini eko ngaro Ma Jouoo ma hirete masara ngini de Una mata-mata nihikokioriki abe ahi hininga ma dumutu de ahi demoo ma nihioriki gea ma gou-goungu.


De onangika ngini kiani duru niahayanga de niadora ma titi ona manga karajaanga ma amoko nginioka la ato iniduhunu nginika. De ngini mata-mata genangoka kiani nimakao irahai de nia hininga ma rorahai dika.


Masara ngona, o Timotiusu, ngona nitobaleleani Ma Jouika. Gea ho kiani ma dorou mata-mataika abe ahao kangano tafetongo ahi huratoka naa nodokaowara done nahowono Unangika. Ma koaho ma rorahai dika nanii-niiki. Abe Ma Jou ai totiai de ai hininga kiani nomahinoauku, de ani ngongaku de ani dora o nyawaika, de ani dongohono, de ani hininga ibole-bole o nyawaika, gea mata-mata kiani naniiki la hiadono gea mata-mata naga ani wowangoka.


Ka de uku de naga womatengo Ma Jou o Yawe ai uru ma dodofanga woboa witutumu o Eli de Ma Jou ai hingahu wadofanga unangika wato, “Eli, ngona nohioriki abe ma dihira Ngohi, Ma Jou o Yawe tomahimatoko to ngona ani totoforaika ma oraha o Isiraele ma nyawa mata-mata yodadioka o Mesiiri ma koano ai huhuloko o Mesiiri ma tonakoka.


De ai dodiawo wato, “Naga ngohioka o tiwi o se-senge moi ho sarakia ka idadi de gea ena dika wosanangi? Abeika hilingiri de hihidoaka ahi tiwi nenanga bote una ka idadi wonahidumutu nanga ngekomo abe kiani haniiki.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ