1 Samuele 9:15 - Ma Jou ai Demo-demo o Totobelohoka

¹⁵ De abe kanugonino de Ma Jou o Yawe wihingahuokau o Samuelika abe ahao hokonaa idadi, wato,

1 Samuele 9:15 ပူးပေါင်းရင်းမြစ်များ

2 Samuele 7:27

“De hokogea ngohi ihimoroini tomagahoko Ngona Ma Jou o Yaweika, o Isiraele ma nyawa manga Jouika, angamoi hokogea Ngona nohihimatokoka ngohi ani gilaongino. Ngona nohihimatokoka ani behehongino abe to ngohi ahi tau nairikoka la ka hiado-adonika naga ahi totoforauku abe wohikoano.

Hidingoto 13:21

De ma oraha gea de nanga totofora duru yomagaho-gahoko la ka idadi naga manga koano abe wahikoano onangika. De Ma Jou wohimoteke to ona manga hininga de wihidoaka onangika o Saulusu abe una o Kisi ai ngofaka abe womahidutu o Benyamini ma dutuika. Ho Ma Jou wigoraka o Saulusu gea la wodadi manga koano de una wahihira-hira o taongo moruata ma dekanino.

Hidingoto 27:23

De hokogea tinihingahu angamoi o futuika de ahi Jou ai malaekata womatengo woboa ngohino. Abe to ngohi ahi Jou abe titobaleleani Unangika, Una gea wihidingoto ai malaekata ngohino de woboa womaokoino duru ahi datekoka.

1 Samuele 15:1

De o wange moiuku de o Samuele wihingahu o Saulika wato, “Ma dihira Ma Jou o Yawe wohihidingoto ngohi la tonihitunguu de o minya tonidogopoa abe genangoka de tonihidadi o Isiraele ma nyawa manga koano angamoi Una hokogea wohihibehehongo ngohino. Ho naa naga Ma Jou o Yawe ai behehongo moioli ngonaika abe kiani duru nohigihene enangika.

1 Samuele 20:2

De o Yonatana wato, “Duru hokogenangua! Ngona ko nohonengua! Marai ahi baba ai hidee hokogea ko iwa angamoi ngaro ai hidee o kia dika naga de ko wodiaiuahi de wohihingahuoka ngohino. Ho nako naga ai hidee hokogea de duru ngohi tihioriki abe una ko wagogonua la ufa tohioriki. Ho ko igoungua!” Hokogea o Yonatana widemo ai baba.

1 Samuele 3:21

De Ma Jou o Yawe ka ihikaika womahimatoko o Samuelika o Silo ma kotaka abe genangoka ma dihira womahimatoko unangika. De ka ihikaika Ma Jou wihingahu ai demo o Samuelika ho ai tobahioriki ma titi Ma Jou ai hininga ka idogo-dogo ka hiadono o Samuele duru wihioriki Ma Jou ai hininga.

1 Samuele 9:14

Ho ka de o Saulu de ai dodiawo yomahiadono o kota ma ngoranika de yomakamake de o Samuele genangoka angamoi ahao gea una o kotaino wohupu la ka idadi wodoa manga huhuba ma ngiiye.

1 Samuele 9:17

Ho ipahaino de o Samuele wimake o Saulu woboa unangino de Ma Jou o Yawe witemoli o Samuele ai hiningaika, wato, “Naa una abe kanugono tonihingahuoka tato una ahao wapareta ahi nyawa.”