1 Samuele 7:7 - Ma Jou ai Demo-demo o Totobelohoka

⁷ De ma oraha o Filistina ma nyawa yoihene abe o Isiraele ma nyawa yokokitoomuinoka o Misapa ma kotaka de ona yofikiri duru youtumu nako o Isiraele ma nyawa yaparangi genangoka ho manga tentara yakokitoomuino de yoiki la yaparangi onangika. Ho ka de o Isiraele ma nyawa ihioriki o Filistina manga tentara ko manga ngoe yoboa de duru yamodongo onangika.

1 Samuele 7:7 ပူးပေါင်းရင်းမြစ်များ

2 Tawari 20:3

Ka de o Yosafata manga hingahu gea woihene de ai hawana ipuda de womaputuhu abe duru ihira wodiai kiani womaniata Ma Jou o Yaweika la wamake to Una ai ngekomo. De kiani ai kokawaaha to onangoo manga hininga ma dumutu moi dika de gea la ona mata-mataika iwiniiki yomagahoko Ma Jouika. Ho o Yosafata wahibehehongo la ona o Yehuda ma tonakoka mata-mataika ufa yolomo ka hiadono yamake Ma Jou ai hininga onangika.

Huhupu 14:10

De ahao o Firaunu de ai tentara gea yomahitigioka o Isiraele ma nyawaika. Ho o Isiraele ma nyawa ka de yamake yoboaino de ona duru yohawanoka. De yomulaengoka ihiboa-boaka yomagaho-gahoko o duduhunu Ma Jou o Yaweino.

1 Samuele 13:6

Ho ka de o Isiraele manga tentara yamake manga musu yowoeholi hokogea de duru manga domoroini ko iwaka hiadono ona homoi-homoiika yomalingiri manga gogogono ma ngi. De o tentara utu yomamake manga gogogono ma ngi o arukoka, utu o hakaru o bilatuoka, de utu o hakaru ma ago-agomo ma hidogoronaka. De manga tentara utu yowohama o lungu-lungunu ma ngiika, de utu yomagogono dau o humu-humu ma baitoka.

1 Samuele 17:11

De o Saulu de ai tentara yokokihawana o Goliata ai demoika abe ka de yoihene de manga hawana gea yakokilufungoka.