1 Samuele 7:15 - Ma Jou ai Demo-demo o Totobelohoka

¹⁵ De o Samuele una o Isiraele ma nyawa manga hihira ka hiadono ai wowango ma bahaika.

1 Samuele 7:15 ပူးပေါင်းရင်းမြစ်များ

Hihira 2:16

Ngaro Ma Jou o Yawe hokogea wangamo o Isiraele ma nyawaika masara ahao wahidailako manga hihira abe wahiakunu ona yomakoketemomoi abe ka idadi manga kokawaaha yahihupu manga musu ma kuahaino abe yatobaora de yatobadohiki.

1 Samuele 12:1

De ma oraha gea o Samuele wahingahu o Isiraele ma nyawa manga doomu ma amokika, wato, “Ngohi naa ti ngini nia hihira duru ma dekanoka de gea abe duru nimagahoko ngohino tinihigihene de tinihidoaka o koano.

1 Samuele 12:11

Hokogea ngini nihigali-gali niwihibehehongo Ma Jouika masara ahao ipahaika nia behehongo gea ko nianiikokauali! De abeika Ma Jou o Yawe ai duduhunu nginika abe wahidingoto o Gideono, de o Baraka, de o Yefata la inihihupu nia kangelaino hiadono nisosanangiokali. De naa ma bahaino, gea ngohi o Samuele abe Una Ma Jou wohipake ngohi la ka idadi nigogere nisosanangi to Una ai baliara ma goronaka.”

1 Samuele 25:1

De ipaha ahao o Samuele wohonenge de o Isiraele ma nyawa mata-mataika yomatoomuino iwihininga una ai dekana wahihira. De iwigari abe ihitunguu manga huha de manga horomati unangika de ahao iwilungunu o ngi moioka abe duru itigioka de ai tau abe o Rama ma kotaka. De o Samuele wopahaka de ahao o Dautu wosobo la womanoali o Parana ma tonaka ma kakaahaka.

1 Samuele 7:16

De o tao-taongiye una wotagi-tagi o kota utuika la ma kotaka gea de ka idadi o Isiraele ma nyawa watobauru-urusu. Abe manga howono watailako de ona abe itaana yahowonoka gea una manga hohowono waputuhu. Ho ihira woiki o Betele ma kotaika de waurusu ai gogianongoru genangoka, de ahao womaturuuruoli o Gigala ma kotaikali de genangoka ai nyawa waurusu, de ipaha ahao womaturuuruoli o Misapa ma kotaikali de genangokali ai karajaanga imaketero dika.

1 Samuele 7:6

De ona o Samuele iwihigihene ho duru ko manga ngoe yokokiboa o Misapa ma kotaino de genangoka yomatoomuino la yodiai o huhuba duru ma amoko. De manga huhubaino gea de ona ihitunguu Ma Jou o Yaweika manga toduba. Ho yomagui-guiti o akere o humuino de ma akere gea yakopoa Ma Jou o Yawe ai himangoka. De o wange moi ma gahumu duru ko yolo-olomua bowahu ka yomangaku dika manga howo-howono abe Ma Jou o Yaweika. De genangoka o Samuele o Isiraele ma nyawa waurusu abe manga howono watailako de ona abe itaana yahowonoka gea una dika manga hohowono waputuhu.