De o Midiana ma nyawa duru de manga buturungu de manga dohata yahikangela o Isiraele ma nyawa. De angamoi o Midiana ma nyawa duru ka ihikaika yahikangela hiadono o Isiraele ma nyawa yomadiai manga gogogono ma ngi o loku-lokuoka de yapake o bilatu de o aruku ma ngoe. De manga gogogono ma ngi gea utu yakurunga de ma dadaduhu la ka idadi yoara genangika ma oraha o Midiana ma nyawa yoboa.
1 Samuele 31:7 - Ma Jou ai Demo-demo o Totobelohoka7 De o Isiraele ma nyawa abe yogogere o Yisereele ma dolaka de ona utu abe yogogere doka o Yorodani ma akere ma honongaka yamake manga tentara duru ko iwaka de manga koano o Saulu de ai ngofaka yahange gea yokokihonengoka. Ho ka de yamake hokogea idadi de duru yohawanoka hiadono yokokiloara de manga kota-kota de manga kapo-kapongo yakokinoaka. Ho o Filistina ma nyawali yomahituruuru de onangoli yogogere o Isiraele ma nyawa manga kota de manga kapongo mata-mataika abe ma dutu yakokinoaikaka. အခန်းကိုကြည့်ပါ။ |
1 Samuele 31:7
8 ပူးပေါင်းရင်းမြစ်များ
Ho ka de o Isiraele manga tentara yamake manga musu yowoeholi hokogea de duru manga domoroini ko iwaka hiadono ona homoi-homoiika yomalingiri manga gogogono ma ngi. De o tentara utu yomamake manga gogogono ma ngi o arukoka, utu o hakaru o bilatuoka, de utu o hakaru ma ago-agomo ma hidogoronaka. De manga tentara utu yowohama o lungu-lungunu ma ngiika, de utu yomagogono dau o humu-humu ma baitoka.
De manga ngoe yoara o Yorodani ma akerika de yomahihora doka ma honongaika de yogila-gila o Gaada ma nyawa de o Gileada ma nyawa manga tonakika. Masara manga koano o Saulu ko woarua, una de ai tentara abe ko yoarua yomanoa manga ngioka o Gigaloka masara ai tentara ma hou gea manga hawana yahifafara.
ကြော်ငြာတွေ