1 Samuele 30:6 - Ma Jou ai Demo-demo o Totobelohoka

⁶ De mangale ma titi o Dautu ai nyawa manga fekata de manga ngofaka o Amaleke ma nyawa yataokino de ko yaiwaka hiadono manga hiningaka de yajanggutu ho duru iwingamo unangika. Ho ona yomakoketemo ma titi gea de yomahikokagaro la iwihohakaru o Dautika hiadono wohonenge. De ngaro hokogea masara Ma Jou o Yawe wihiputurungu o Dautu ai hiningaika la ka idadi ai hininga iriidi.

1 Samuele 30:6 ပူးပေါင်းရင်းမြစ်များ

Dodadi 32:7

Ka de gea woihene de o Yakubu duru wohawana. Ho ai nyawa de ai kiahonanga wakokiregu la idadi o doomu hinooto abe ngoi feka-fekata de ai ngofa-ngofaka de ai duduono de ai unta mata-mata wakokiregu hinooto de ahao wahikatingaka o doomu hinooto gea.

2 Kokoano 4:27

Masara ka de muna momahiadonoka o Elisaika o lokuoka de muna momarubauku o tonakuku ai himangoka de duru ai lou arihononga masoika. De o Gehasi una waika munangika la womihirehene o Elisaino, masara Ma Jou ai nyawa gea wato, “Nominoaika dika, naga ami huha moi kohadubuho de Ma Jou o Yawe ko wohihingahuahi ami huha ma titi ngohino.” Hokogea o Elisa wotemo.

Higiriiri 18:2

Ngona o Yawe duru nomaketero hoka ahi loku ma tubu angamoi ko nokelu-kelua. Abe ngona nodadioka ahi dadatoko ma ngi abe genangoka duru ko idadiua ihihikala! De Ngona dika abe nohiduhunu hiadono o bodito ko ihidaenua, de gea ma titi abe Ngona duru de ani bobuturungoka, ho ngohi ka idadi tomahitatoko Ngonaka!

Higiriiri 18:6

Ho ahi kangela ma goronaka de o duduhunu tomagahoko o Yaweika, abe to ngohi ahi Jouiye ahi gogahoko idoaiye. De Una gea daku ai Tau o Horogaka de wohigihene, ho Una wohibaluhu ahi gogahoko de wohiduhunu ngohi!”

Huhupu 17:4

De o Musa womahiboaka ai gogahoko Ma Jou o Yaweika wato, “Ma Jou, ka o kiahi todiai la hiadono ona naa tahiriidi? Abeika manga ngamo ngohino hiadono ngade-ngade ihihakaru naa!” Hokogea una womahingahu ai hininga Ma Jouika.

Yunusu 2:2

“Ngohi naga ahi huha ma goronaka de ahao tomagahoko Ma Jou o Yaweiye de Una wohipaluhu. Ngohi tomahingahu tato, Ngohi naa imaketero hoka naga yohone-honenge manga ngi ma goronaka, ma ka de o duduhunu tomagahoko Ngonaiye de nohihigihene.

Gegetongo 14:10

Masara o Isiraele manga doomu ma amokika yomakoketemo ato, “To ona manga demo ngaro ufa dika de hohigihene abe utuohi irahai hahohowono onangika! Kiani o Kalebe de o Yosua hakokihakaru ka hiadono ona yokokihonenge!” Hokogea ka yomahiketehigarohi de duru ka itodokanino ona yatodokana de o dararono ma amoko. Abe Ma Jou o Yawe wohimatoko ai medebini ma dararono ai Tau o Ngoeroka abe ihiromanga o Hikamake ma Tau. De hokogea ma amoko ai dararono hiadono o Isiraele ma nyawa mata-mataika ka idadi yamake.

Matiusu 21:9

Ho o Yesusu wobarenuku de ma keledai ma ngofaka iwihidagi-dagi o Yerusaleemika de o nyawa naga utu ai himangokahi, masara naga utu iwihidoduru ai poretino. De o nyawa ko manga ngoe gea duru yogogarago hiadono yokokipoaka ato, “Hihigogiriiri Una woboaino naa, nanga tofora o Dautu ai totoforaukuino abe ma dodihiraino de Ma Jou wonahibehehongo wato ahao wonahikoano! De naa adonoka ma oraha abe Una naa wonahikoano hoka ma dodihiraka abe nanga tofora o Dautu wonahikoano! Hihigogiriiri nanga Jou o Horogaka!”

Matiusu 27:22

De o Pilatusu wotemo wato, “De nako o Barabasa tihiluasa nginika, gea ahao done sarakia todiai o Yesusika naa abe iwihiromanga ato ti ngini nia Koano abe nia Jou winihibehehongoka?” De ona mata-mata yopaluhu ato, “Nihohonenge dika o gota isosalioaka!”

Yohanese 8:59

Ka de hokogea o Yesusu wotemo de o Yahudi ma nyawa gea manga hakaru yomulaenge yomagoraka ato iwihohonenge. Masara ka de hokogea yomagoraka o hakaru de ka itodokanino de o Yesusu ko iwimakeokaua angamoi woiki, Ma Jou ai Tau ma loaka de waino wohupuoka.

Roma 4:20

De ngaro hokogea masara to Abarahaama ai ngongaku Ma Jou ai behehongika gea ko idomo-domoua masara ka idogo-dogo iputurungu. De ngaro ma oraha gea ko womamakeuahi ai ngofaka abe ma behehongino, masara ka idadiohi una wohitarimakase de wihigiriiri Ma Jouika abe ma titi ai ngongakuino.

Roma 8:31

De naa abeika honganonoli abe ma titi Ma Jou ai duduhunu kohaamoko de kohangoe abe ngoneino. De ai duduhunu gea mata-mata duru itaana abe Una ai hiningaka de duru wosanangi wonaduhunu ngone naa. De naa tonaleha, nako Ma Jou Una ma hirete wonatobaduhunu de ai hiowa gea mata-mata, done ka onagona yakunu inalawana de hiadono inahikala?

2 Korintusu 1:6

Ho ngaro ngomi naa imihikangela de ngaro imilaru, masara ma bahauku de ngini niamake ma utumu genangino! Angamoi nako ma oraha imihikangela de gea ngini niamake to ngomi mia wowango ma datoro ma rahai dika abe ma oraha mia kangela ma goronaka, de genangino ahao inihigaro de iniduhunu nia wowangoka. De nako ahao ma oraha imilaru ma enangoo idadi o lalaru nginikali, angamoi gea de ngini ka idadi niamake abe hokokia Una womilaru ngomino. Ho gea de ahao nginioo ka idadi nimatongohono nia kangela ma goronaka abe imaketero hoka ngomioli mimatongohono ma oraha o kangela miaohana.

2 Korintusu 4:8

Ho Ma Jou wapake ai kuahaino la ngomi womiduhunu mia kangela ma goronaka. Abe ngomi naa duru imihigororomino arihonongaka de o kokangela masara ko imihikalaua. De ma moi ma moi mia hiningaka duru miamao mililifanga masara ko milutua genangoka.

2 Korintusu 7:5

De igoungu ngaro ngomi duru o kangela ma dodubuho ma goronaka masara ngini gea ka idadi nimihiputurungu de nimihigarago. Abeika toade-ade abe hokokia ngini nimihigarago ngaro homakitingakokahi ma gurutika. Abe kangano tinihingahuoka ma titi nengokadauino ma oraha mimahiadono naa o Makedonia ma tonakino de nenangoka o kangela irupa-rupa miaohana hiadono mia badanga duru ko iwa ma hiaini. De gea naga o liliara ngomi de o nyawa utuika, de nagali doka mia hiningaka mia hawana angamoi ko mihiorikua hokokia ahao idadi mia gogianongoruika.

Ibarani 13:6

De mangale ma titi ai demoino gea ho duru inahiputurungu nanga hiningaka hiadono ngone ka idadi hotemo hato, “Nanga Baluhu idodutu Una gea to ngohi ahi Duduhunu ho ngaro ufa dika de ngohi tohawana. Angamoi mode sarakia hiadono o nyawa dika de ka akunu ihiruwae ngohino? Duru ko idadiua ihiakunu!”

1 Samuele 1:10

De o ngo Hana moboa motigino de ami hininga ihuhaholi de momaniata de ami gari Ma Jou o Yaweiye.

1 Samuele 23:16

De ahao nagali o Saulu ai ngofaka o Yonatana una woiki la ka idadi witutumu o Dautu o Horesoka gea. De wiadono de o Yonatana wihigaro o Dautika de wihiputurungu ai ngongaku Ma Jouika.

1 Samuele 28:15

De gea o Samuele wotemo o Saulika wato, “Ho naa done ma titi o kia ngona nohiruwae de nohiahoko la toboaino?” De o Saulu wipaluhu wato, “Ngohi naa duru tokangelaka ho ahi hininga duru ihuha, angamoi o Filistina ma nyawa yoboaino la imiparangi ngomino. De ahao ngohi tileha Ma Jouika la ka idadi tohioriki to Una ai hininga, masara Una gea duru ko wohipaluhua. Abe ko wohidoakua o himatoko o nyawaika la genangino de ngohi ka idadi tohioriki ai hininga. De ngaro ma oraha Ma Jou ai uru ma dodofanga ahi leleha gea iwidofanga Unangika masara ko wopaluhua. Ho gea ma titi hiadono naa toniahokino, la ka idadi ngona nohihingahu koaho hokokia todiai.”