1 Samuele 30:26 - Ma Jou ai Demo-demo o Totobelohoka

²⁶ De ahao o Dautu de ai nyawa mata-mata yomakiniiki yolio manga kapongo o Sikagika. De yolioino de ahao una wohikeregu ma parangi ma lolaku ma kiahonanga de wohidingoto ma regu gea o Yehuda ma nyawa manga dimono homoi-homoiika abe yomaketedodiawo de una. De nagali o Dautu ai demo ona homoi-homoiika abe imakiniiki de ma kiahonanga gea, abe una wato, “Naa to ngona ani hadia abe nengokadauino ngomi miagoraka Ma Jou o Yawe ai musu ma nyawaka de aino.”

1 Samuele 30:26 ပူးပေါင်းရင်းမြစ်များ

Dodadi 33:11

Ho nako noigo nohihisanangi kiani nodafongo abe ngohi toigo tonihidoaka de angamoi duru Ma Jou wohihiowa de o duduono ma ngoe hiadono ihiwedono ho koaho utu tonihidoaka ngonaika.” Hokogea o Yakubu duru wihigaro ai riakika la wato ai hidoaka wodafongo de ma bahauku o Esau wodafongo.

2 Samuele 1:1

De naa o Isiraele ma nyawa manga koano o Saulu wohonengoka masara ma abari gea o Dautu ko woihenuahi angamoi unangoo de ai tentara manga musu yaparangi o ngi moiikali abe yomakitingaka kohagurutika de o parangi ma ngi abe genangoka o Saulu wohonenge. De o Dautu ai tentara duru yolaku abe o Amaleke ma nyawa yaparangi hiadono duru ko manga ngoe yahibinaahaka. De ahao ona yolio o Sikaga ma kotaika abe ma oraha naa o Dautu wogogere genangoka. Ho gea ona yoboaka de o wange hinooto yomahiaini o Sikaga ma kotaka.

2 Kokoano 5:15

De ahao o Naamana duru woigo la una de Ma Jou ai uru ma dodofanga gea yomakamake ho una de ona abe iwidodiawo mata-mata yomakiniiki yolio o Elisaika. De ahao yotoomuino duru o Elisa ai himangoka de o Naamana wihingahu, wato, “Ahi dimono, de ahi horomati ngonaika tonihingahu abe ma oraha naa ngohi duru tohioriki abe ngaro o dunia ma amokika masara Ma Jou ka womatengo dika de Una wogogere o Isiraele ma tonakoka. De ngohi duru togahoko la naa ahi hidoaka ma hadia ngonaika nodafongo.”

Higiriiri 68:18

De Ngona Ma Jou nolaku-laku nahikalaka ani musuika, De ma oraha Ngona nolioiye ani ngi abe ikokurutiyeoka, De ani musu ko manga ngoe nao abe Ngona nomahitongonaka, Ngaro ona utu duru inilawana masara naa yomanoa Ngonaka, De genangoka nahidoaka ma owa to Ngona ani nyawaika. Hokogea mia Baluhu Ma Jou o Yawe midadi ani lolaku ma hasili, La ka idadi Ngona nogogere to ngomi mia hidogoronaka.

2 Korintusu 9:5

Ho ngohi tato koaho irahai ona yaruange tatihira tahidingoto nginika la inihigaro ka hiadono niabooto nia hiaturu ma titi nia dora ma hidoaka gea abe ma dihirainohi de niahibehehongoka niato ahao nidiai. Abe nako hoka ngini ko nitoomuahi de gea ngohi toboaka nginika de ahao niatoomu nia hidoaka, de gea ahao marai utu yataoko ihowono done ato ngohi tiniribuutu la nihidoaka. De ngohi toigo la nia dora ma hidoaka gea idadi nia hininga ma rorahaiino abe iboa ko o ribuutuinoua.

1 Samuele 18:17

De ahao o wange moiuku o Saulu wihingahu o Dautika wato, “Ahao naa de ahi hininga tomahidiaioka ngohi ora o riaka o ngo Meraba tonihidoaka ngonaika la modadi ngoni fekata. Masara kiani hohitihira Ma Jou ai parangi nanga musuika ho ngohi ko tinihigogilakuahi de kiani ngona nomahitaanohi abe ngona o tentara ma gou-goungu Ma Jou o Yawe ai parangi ma hidogoronaka naa.” Hokogea o Saulu wihuloko angamoi doka ai hiningaka womafikiri, wato, “Ahao ngohi tihidingoto o Filistina manga tentaraika abe duru de manga buturungoka la ona dika o Dautu iwitoma la ngaro ufa ngohi ma hirete titoma.” Hokogea o Saulu wihidee o Dautika.

1 Samuele 25:27

De naa ngohi taoino ti ngini nia inomo de nia ngokere, de ngohi togahoko la ngini niodafongo dika.

1 Samuele 25:28

De tomagahokoo la ngona ka idadi naofi ahi howono o kia dika abe namake ngohioka. Abe nako hoka ani hininga ieteke ma titi ahi demo eko ahi datoro, ngohi duru tomahilooa ma titi ena gea. De ngohi duru tonganono la Ma Jou o Yawe wonihibalaha de ma rorahai ngonaika ma titi ngini naa ka ihikaika nimakalawana de to Una ai musu. De tohioriki abe ani hininga ma datoro ka ma rorahai dika ani wowangoka. Ho Una ahao kiani wonihibalaha de ma rorahai ngonaika la hiadono duru ma dekana ngona de ani ngofa-ngofakukuoli niahikoano to Una ai nyawaika.

1 Samuele 30:20

De nagali o aewani ma duduono ma ngoe genangoka abe o Dautu wataokino, ho to una ai nyawa yao ma aewani gea manga himangoka ma oraha yolio manga kapongika. De ona yomahikangahu ato, “Ma aewani naa mata-mata idadi o Dautu ai parangi ma lolaku ma kiahonanga.”

1 Samuele 30:25

Hokogea o Dautu ai putuhu, de ipahaino de ai demo gea idadi o pareta moi. De ngaro ma oraha gea ka hiadono ma oraha naa naga abe ma ade-ade ihitulihuku masara ngone o Isiraele ma nyawa ka haniikohi ai pareta ma demo gea.