1 Samuele 30:23 - Ma Jou ai Demo-demo o Totobelohoka

²³ Masara o Dautu woihene manga demo gea de wotemo wato, “Koua, ahi gogianongoru, ufa hokogea hodiai! Abe koaho ufa nanga horoodo ilaku nanga hiningaka, angamoi ma aewani de ma kiahonanga gea Ma Jou o Yawe Una ma hirete wonahidoaka ngoneino. De Una gea abe wonadatoko de wonaduhunu hiadono ka idadi hahikala nanga musu gea abe ma dihiraino inabaata ngoneino.

1 Samuele 30:23 ပူးပေါင်းရင်းမြစ်များ

Dodadi 19:7

De wataere onangika wato, “Ahi dodiawo, ngone duru homahikogogere moi nenangoka, ho ngohi togahoko ufa ngini niahidee duru itorou onangika hokogea!

Habaku 1:16

De gea manga lolakuino de yomahitoona to ngomi mia kiahonanga de mia aewani mata-mata hiadono ona manga inomo duru ifoloiholi de ko iwa manga kuranga. Ho mangale ma titi manga kaya gea hiadono manga huhuba ma ngoe yomahihuba manga jou-jouika.

Hidingoto 22:1

De o Paulusu watemo yowoe-woeika wato, “Ahi gogianongoru de ahi balu-baluhu, naa ngohi tomagahoko la ngini nitotoihene ahi demoino angamoi naa tomademo nginika.”

Hidingoto 7:2

De hokonaa o Setefanusu ai bobaluhu unangika, wato, “Ahi gogianongoru de ahi balu-baluhu abe duru tinihoromati, abeika nitotoihene ahi demo naa. Abe duru ma dodihiraka de nanga Jou abe Una duru de ai medebini ma dararonoka, Una womahimatoko nanga tofora o Abarahaamika abe ma oraha ka wogogerohi o Mesopotamia ma tonakokahi. De ai tonaka gea naga ma romanga moioli, abe ihiromanga o Kasidimi ma tonaka. Abe ma oraha gea ko womaturuuruahi o Harana ma tonakika.

1 Samuele 2:7

Ma Jou o Yawe wohiaturu la o nyawa utu yohuha o kiahonanga, De o nyawa utu wodiai la yokaya de o kiahonanga. Naga o nyawa abe Una wahitipokouku, Naga o nyawa utu abe wagorakiye.

1 Samuele 30:22

Masara naga ai nyawa yamuruono abe iwinii-niiki abe manga hininga itorou dika, de ona gea yahigurubungu ato, “Ona naa ko inaniikua ma oraha haparangi nanga musuika, ho ko itiaiua hahikodoku onangika nanga parangi ma lolaku ma kiahonanga. Ho koaho hahigilio dika manga feka-fekata de manga ngofa-ngofaka onangika de ahao hahuloko dika la yosobo inanoaika de yomaturuuru o ngi moiikali!”

1 Samuele 30:24

Ho ti ngini nia hininga gea duru ko itiaiua. Angamoi nanga gogianongoru abe ko inaniikua ma oraha hoparangi, ona yomagoo-gogerohi naangoka de yagoa-goana to ngone nanga kiahonanga abe hanoaikahi onangoka. Ho mangale ma titi gea ngohi tato irahai la ma oraha hahikokodoku nanga parangi ma lolaku ma kiahonanga de ngone homoi-homoi nanga regu imakoketero dika.”

1 Samuele 30:8

De gea o Dautu wileha Ma Jou o Yaweika wato, “Sarakia, koaho ngohi tahidoduru mia musu gea? De nako tahidoduruika ka idadi tadaene?” De Una wipaluhu wato, “Irahai la ngona nahidoduruika angamoi ahao ka idadi nadaene, de hongoli ka idadi naduhunu ani nyawa mata-mata nia musu manga giamoka de yaino!”