1 Samuele 30:10 - Ma Jou ai Demo-demo o Totobelohoka

¹⁰ De genangoka ai nyawa yaratuhu hinooto duru yalolamaanoka de yomahingahu unangika ato ko iwaka manga buturungu ho ko idadiokauali yotagi-tagi, kiani yomahiainohi. Ho ona yomahiainohi dika genangoka masara manga hou abe yaratuhu iata, ona de o Dautu ka yogila-gilahi yahidoduru manga musuika.

1 Samuele 30:10 ပူးပေါင်းရင်းမြစ်များ

Yesaya 40:30

De ngaro o nyawa ko yaperekiuahi masara ka idadi yalolamaana de manga pea ifefele. De hongoli ngaro o goduuru abe manga roehe itotoomu masara onangoo ka idadi yaboleoka hiadono yolebo-leboto de yopeleke o hakaruika.

1 Samuele 14:20

De ahao o Saulu de to una ai tentara yagihene manga gigoro de yomataiti yadoara de yamake o Filistina ma tentara gea ka yomahikokoona yomaketeparangi de yomakokotoma. De duru mata-mataika o kapusaka dika yahipareta. Ho duru o Saulu de ai tentara yolaku yaparangi.

1 Samuele 14:31

De ma wange gea ona duru yanii-niiki o Filistina ma nyawaika abe o Mikamasoka ka hiadono o Ayalonika, ho manga musu gea onagona dika yadaene de yahohonenge onangika. Masara o Isiraele ma nyawa ona ka yodogo-dogo yabole.

1 Samuele 30:11

De manga dodagi ma gogiriaka abe yotagi-tagi o dumuleoka de yomakamake de o Mesiiri ma goduuru womatengo. Ho iwiao o Dautino masara una duru ai badanga ilamaanoka angamoi gea ai futu hangeino o akere ko wokerua de o inomo ko wolomua. Ho iwihidoaka unangika o roti de o akere, de nagali o angguru ma hofoko ma doolenge o hahaku hinooto, de o roti ma hohutulu abe naga o gogilioro ma hofoko doka ma roti ma goronaka. De gea mata-mata waolomo de waokere de ko itedekanuahi de wowangoroli angamoi ai buturungu ilioino.

1 Samuele 30:21

De ipahaino o Dautu ona mata-mata yomahiadono o Besoro ma akerika abe genangoka ai nyawa yaratuhu hinooto yomagoo-gogerohi angamoi ma dihiraino de manga badanga ilolamaanoka. De ona yaratuhu hinooto yamake o Dautu de ona abe yomakiniiki de una yoboaino ho yoiki yabuhuku. De o Dautu wotemo onangika wato, “Ahi gogianongoru, duru tosanangi homakamakeoli!”

1 Samuele 30:9

De o Dautu woihene Ma Jou ai demo gea ho una de ai nyawa yaratuhu butaanga gea yomataiti yosobo la yahidoduru manga musuika. De ipahaino ona yomahiadono o Besoro ma akerino.