Abe nako o nyawa yomagoraka, naa dika ma titi hiadono ka idadi itiai yomagoraka. Mangale ma titi ona duru ihihioriki Ngohi Ma Jou o Yawe, de hiadono ngaro ahi hininga ma dodagi ma enangoo ihioriki. Ho nako igoungu naga o nyawa abe manga tobahioriki duru ihititi Ngohino dika de ona ka idadi yomagoraka. Abe ona gea ihihioriki abe hokokia ahi dora ko itoa-toakua, de ahi totiai, de ahi hohowono itiai enangoo gea ka ihikaika tohidagi o dunia ma nyawaika. De ena mata-mata tohidagi de ahi sosanangi ilamoko. Hokogea totemoka, Ngohi Ma Jou o Yawe!”
1 Samuele 3:7 - Ma Jou ai Demo-demo o Totobelohoka7 De hokogea o Samuele wodiai mangale ko wohiorikuahi gea Ma Jou o Yawe abe wiahoko angamoi ko ma moiuahi naga Ma Jou o Yawe ai hingahu unangika. အခန်းကိုကြည့်ပါ။ |
1 Samuele 3:7
5 ပူးပေါင်းရင်းမြစ်များ
De ona ma oraha yomakoketemo de o Paulusu waleha onangika wato, “Sarakia, nengokadau ma oraha niongaku o Abari ma Rorahaiika de niwimakeoka Ma Jou o Womaha ma oraha gea?” De iwipaluhu ato, “Koua. Abe ngomi tanu ko mihiorikua ani demo ma dumutu hokokia! Angamoi ko kia-kiauahi miihene abe ma titi Ma Jou o Womaha Una naga eko koua!”
Abeika tomahiketero hokonaa. Nengokadau ngohi ka o ngofakohi, de ma oraha gea totemo-temo hoka o ngofaka, de doka ahi hiningaka itemo hoka o ngofaka yotemo, de ngaro ngohi ahi hininga ma dodagi ma, enangoo hoka o ngofaka dika, angamoi gea ngohi ka o ngofakohi. Masara ka de ngohi tobaluhoka de o ngofaka ma hininga mata-mata gea tanoaka. Ho gea imaketero de ngone ma oraha naa naga. Abe Ma Jou ai gou-goungu ka ma dobiki dika ngone hataoko, angamoi nanga hininga ko apouahi genangika adono.
De ahao Ma Jou o Yawe wiahokoli unangika wato, “Samuele!” De ma moioli o Samuele womataiti womomiki de womapopaatoli o Eli ai kamarika de ma moioli wotemo, wato, “Ngohi naga! Ahi baluhu nohiahokino la ka idadi toniduhunu de o kia?” De o Eli wipaluholi unangika wato, “Ahi ngofaka, ngohi ko toniahokua, nolio nomaidu dika ani ngioka.” Hokogea o Eli wihuloko dika ho naa o Samuele wolioli ai ngiika de womaiduokali.
Ho Ma Jou o Yawe wohigalioli o Samuele wiahoko de naa ma hangeou wiahoko. De ma moioli o Samuele womataiti womomiki de womapopaata o Eli ai kamarika de ma moioli wotemo imakadaene, wato, “Ngohi naga! Ahi baluhu nohiahokino la ka idadi toniduhunu de o kia?” De naa o Eli womafikiri marai gea Ma Jou o Yawe abe wiahoko o Samuelika.
ကြော်ငြာတွေ