1 Samuele 28:10 - Ma Jou ai Demo-demo o Totobelohoka

¹⁰ Masara o Saulu duru womahikoboto munangika de Ma Jou ai romanga wato, “Koua, duru hokogenangua ahi hininga! Abe ngohi naa tofetongo Ma Jou o Yawe ai romanga tato nako ngona nohiduhunu de o hohowono duru ko inidaenua!”

1 Samuele 28:10 ပူးပေါင်းရင်းမြစ်များ

Dodadi 3:5

Ma Jou ko woigoua ngini niaolomo angamoi wohiorikoka ka de niaolomo ma hofoko gea, de inihitararono ti ngini nia hiningaka hiadono nginioo nidadioka nimakadaene hoka Unangoli, ho gea nginioo nihioriki o kia ma owa de o kia ma dorou.” Hokogea o dodiha ma budi ma demo.

Huhupu 20:7

“Ngohi Ma Jou o Yawe ti ngini nia Jou de ngini ko idadiua ahi romanga nimahigogule. Ho ngini abe ahao ahi romanga Ma Jou o Yawe niawea-weara de ahao Ngohi tinihohowono.”

Matiusu 26:72

Masara una ka womahipongonohi de hiadono womahikoboto wato, “Ngohi naa tokoboto moi de nako toeluku ahao ihidaene, ho naa ngohi tomahingahu, o nyawa gea niwifeto-fetongo, ngohi naa duru ko tihiorikua!”

Maruku 6:23

De gea hiadono duru wohibehehongohi munangika wato, “O kia dika nomagahoko ngohino ma ka idadi tonihidoaka, abe ngaro ahi tonaka taregu hinooto de ma regu moi gea tonihidoaka, de ahi kiahonangoo mata-mata taregu hinooto la ma hononga tonihidoaka, masara gea mata-mata ahao tonihidoaka ngonaika.”

1 Samuele 14:39

De ngohi naa tomahikoboto Ma Jou o Yawe ai himangoka, abe tato onagona dika yahowono Unangika, abe ngaro ahi ngofaka o Yonatana de ngaro o nyawa utu, masara naa tomahikoboto tato una wahowo-howono gea kiani iwihohonenge!” Hokogea o Saulu ai demo masara ona mata-mata ka yomarii-riidoka dika, ko moiua yotemo.

1 Samuele 19:6

De o Saulu wihigihene o Yonatanika de wihibehehongo wato, “Ngohi naa tonihibehehongo de ahi behehongo ma demo duru igoungu angamoi tomahikoboto de tapake Ma Jou o Yawe ai romanga, ho duru imaketero hoka Ma Jou igoungu wowango, to ngohi ahi behehongo ma demo nenanga enangoo duru ma gou-goungu. De ngohi naa tonihibehehongo abe o Dautu ahao ko iwitomauali.” Hokogea yomakoketemo ibooto de o Saulu wolio.

1 Samuele 28:11

De ahao muna motemo mato, “Ho to onaguna ai womaha tiahoko naangiye la ngini nimaketemo?” De una wato, “Kiani niahoko o Samuele.”

1 Samuele 28:9

Masara ma ngofeka gea duru moheranga de mipaluhu o Saulika mato, “Ho naa done sarakia? Marai ngonaoo nohioriki ma titi nanga koano o Saulu ai pareta ma demo abe wato onagona dika naga manga hiakunu la yomakoketemo de o hone-honenge ma nyawa manga womaha ona gea kiani yohupu ma tonakoka naa de yaika ma homoaika. Ho gea hiadono ngohi tato bote ngona naa nohitaili nohihihowono hiadono ihitaokino de ihihohonenge! Ho done ma titi o kia noigo nohihidilikoino ahi howono ma gogiriaka?”