1 Samuele 27:11 - Ma Jou ai Demo-demo o Totobelohoka

¹¹ De gea ma oraha ma getongo abe o Dautu de ai nyawa yabaata manga musuika de duru ko moi-moiokaua o nyawa gea manga hou angamoi yakokihohonengoka. Ho ko iwa o nyawa abe wataokino dika de wao manga ngango ma oraha yolio o Gaata ma kotaika. Angamoi o Dautu womahitiari ai hiningaka wato, “Done ahao naga abe ihikalaki o Akisika de una wohioriki ma gou-goungu abe o kiaka tatobabaata ahi musuika!” De hokogea ihigali-galioli idadi abe ma oraha o Dautu womanoahi o Filistina ma nyawa manga tonakoka gea.

1 Samuele 27:11 ပူးပေါင်းရင်းမြစ်များ

Sosawaro 29:25

Nako ngone ka ihikaika hohawana abe ma titi o nyawa utu inamake sarakia, gea imakadaene dika hoka ngone homahidilikoka o modoioka. Masara ngone abe homahingano-nganono ka Ma Jou o Yaweika dika, gea Una ahao wonadatoko ho duru ko idadiua o bodito inadaene.

1 Samuele 22:22

Gea woihene ipaha de o Dautu wato, “O Doege gea tanu tihiorikoka ai hininga! Abe nengokadauino ma oraha una naga ani babaka de timake de ngohi tato maraioka una ahao wihingahu o Saulika. Ho ngohi naa duru tamao abe ngohi ma hirete tahowonoka! Abe to ngona ani baba de ani dutu mata-mata manga hohonenge imaketero hoka ihitapaluku ngohiuku!

1 Samuele 27:10

De gea yomarihimanga de o Akisi ma moi ma moi wileha o Dautika wato, “Ho ngini kangano o kiaika niloiki, de onagonaika niabaata?” De gea o Dautu wipaluhu wato, “Marai miabaata onangika abe manga gogere dakuiye.” Abe ma titi ma moi o Dautu wihingahu abe yabaata o Yehuda ma nyawaika abe dakuiye yogogere, de ma moioli una wato yabaata daku o Yerameele ma nyawaika, de nagahi ma moioli abe wato yabaata daku o Keni ma nyawaikali. De ma nyawa gea abe wafeto-fetongo ona mata-mata tanu o Isiraeloka ma nyawa! Hokogea o Dautu ai hingahu ma demo o Akisika.

1 Samuele 27:12

Ho ma koano o Akisi una wingaku o Dautika de wato bote una wabaata de wahohonenge to una ma hirete ai nyawaika! Ho ma koano womatemo ai hiningaka wato, “Maraioka o Isiraele ma nyawa duru iwidohata o Dautika ma titi ai doma gea. De gea irahai, angamoi naa bote una kiani womanoahi ahi tonakoka dika ho ka ihikaika una ka idadi wohileleani ngohi!”