1 Samuele 26:24 - Ma Jou ai Demo-demo o Totobelohoka

²⁴ De mangale ma titi kanganoino de ngona ani wowango togoana hiadono ko tonihikangelaua, ho ngohi tonganono la Ma Jou o Yawe Unangoli ka idadi wohigoana to ngohi ahi wowango. De ngaro o kangela o kia dika taohana ahi wowangoka masara tonganono la Una dika wohiduhunu de wohihupu genangino.”

1 Samuele 26:24 ပူးပေါင်းရင်းမြစ်များ

Dodadi 48:16

De Una gea o Malaekata abe watobabangu o nyawa, Hiadono ngohi wohidatoko o boditoino ka ihikaika. Ho ahi ngofa-ngofaka naa, ngaro onangoo Una wahiowa. La ona gea yahiromanga o Isiraele ma nyawa ka ihikaika. De ka ma moi ihidefetongo o Abarahaama de o Isaka manga romangika. De ngaro yongofa-ngofakuku de yodano-danonguku ona naa, Hiadono manga totofora duru yowoe-woeuku o duniaka.” Hokogea o Yakubu ai hiowa ma demo o Manase de o Efaraimika.

2 Samuele 4:9

De ahao o Dautu wapaluhu ona yahinootoika wato, “Marai Ma Jou o Yawe Una gea dika abe ka ihikaika wohidatoko la ufa ahi musu ihibodito. De naa ngohi ahi demoino de duru tagou-goungu angamoi totemo-temo duru to Una gea ai himangoka.

Higiriiri 18:1

O Dautu ai nyanyianga ma demo Ma Jouika hokonaa, wato, “Ahi Jou o Yawe, duru tonidora Ngonaika! Angamoi Ngona dika ahi buturungu ma titi!

Higiriiri 18:25

De ahao o Dautu wohigila-gila ai higiriiri ma demo Ma Jouiye wato, “Iti o nyawa yatobaniiki ani mau de gea Ngona duru natobagou-goungu nao itiai onangika. De onangika abe manga datoro irahai de Ngona duru nao irahai onangika gea.

Higiriiri 18:48

Ho igoungu Una wohiduhunu ahi musu manga giamoka de aino, de wohidatoko la ibootohi ona ihihikangela ngohi. Abe ngaro ahi musu gea duru yotualono, masara Una wohiduhunu la ka idadi tahikala onangika.

Higiriiri 34:20

Mangale ma titi Ma Jou o Yawe woigo la ona wadatoko o kangelaino, Ka hiadono ngaro manga kobongo moioo de ko itobikua.

Matiusu 5:7

De abe o nyawa manga dora ma hiokoo itagi o nyawa utuika, onangoo gea yamake ma hiowa Ma Jouino abe to Unangoli ai dora ma hiokoo ahao itagi onangika.

Matiusu 7:2

Angamoi nako ngone hahohowono o nyawa utuika gea, de ahao Ma Jou Unangoo wonahohowono ngone. De abe ma oraha niatailako de niahohowono o nyawa utuika de nia hininga ma duduga o kia dika ngini niapake la niato ka idadi niahohowono ona gea, duru nia hininga ma duduga ena gea abe Una ma oraha nginika winitailako de wapake winihohowono.”

Hidingoto 14:22

De ma kota-kotaka gea de duru yahipoputurungu o ngongaku ma nyawa manga hininga mata-mataika. Abe ona yahitobahigaro la ka ihikaika o ngongaku ma dodotoko yatobanii-niiki enangika. De yahihohininga onangika ato, “Ngone hingaku-ngakuoka ko ma titiua nanga wowango ma goronaka de ma rorahai dika ka ihikaika hamake. Masara kiani nagaoo o kokangela abe haohana. De abe ma kokangela hohimangoka de ahao ika-ika hohapongo dakuiye la Una ka idadi wonahikoano ngone ai nyawa.” Hokogea manga higaro onangika.

2 Tesalonika 3:2

De gea nimigahokoo la Una ahao womidatoko o nyawaino abe manga hininga itorou de ko imakataanua de Ma Jou ai mau, done ona gea manga hidee ahao ilaku de gea ngomi ahao mibodito. Angamoi igoungu o nyawa ko mata-mataikaua yangaku o Abari ma Rorahaiika masara o nyawa naga utu imihidee itorou ngomino.

Himatoko 7:14

De gea ngohi topaluhu tato, “Ahi dimono, ngohi ko tahiorikua, ho marai ngona nahioriki.” De ahao ma dimono gea wohihitararono ngohino wato, “Ona gea abe o kokangela duru kohagiria ma gogoronaka de aino yokokihupu. De to ona manga howo-howono akokiofioka ma titi o Domba ma Ngofaka ai awunino ho hiadono ona gea duru yotebi-tebinoka, de gea imaketero abe hoka o baju yafokaka ho duru iarehoka o baju gea.

1 Samuele 18:30

De ngaro o Filistina ma nyawa manga tentara ihigali-gali yangino o Isiraele ma nyawaino yaparangi masara ka ihikaika o Dautu de ai tentara duru yahikala hiadono nako una de o Isiraele ma tentara manga hihira utu ka o Dautohi wotobalaku. Ho o Dautu o Isiraele ma tonaka ma amokika o nyawa iwifetongo ai romanga duru de manga horomatioka.

1 Samuele 24:16

De o Saulu wipaluhu de ai ilingi ma amokiye wileha wato, “Igoungu, ngona ahi ngofaka o Dautu?” Hokogea o Saulu wiboaka o Dautika de womulaenge woari.