1 Samuele 25:41 - Ma Jou ai Demo-demo o Totobelohoka

⁴¹ De manga demo o ngo Abi moihene de ahao muna momaponuku ma tonakuku de mapaluhu mato, “Ngohi naa hoka ti ngini nia duduhunu dika, ho ngohi ka tosanangi tininiiki la homakiniiki o Dautika. De genangoka marai ka idadi tileleani unangika abe to una ai duduhunu manga lou tatobaihoro.”

1 Samuele 25:41 ပူးပေါင်းရင်းမြစ်များ

Dodadi 18:4

De ahi duduhunu womatengo tiahokino de o akere la ka idadi nia lou waihoro, de ahao kiani nimahiainohi o gota ma fofongoka naa.

Maruku 1:7

De o Yohanese wahingahu-ngahu o nyawaika wato, “Ahao naga womatengo woboa wohihidoduruino de ka Unangohi woputurungu ho ngaro ngohi todadi o gilaongo abe totobahupu-huputu o nyawa manga sandaala, ma nako to Una gea ai sandaala, ngohi naa ko tadadiua tahuputu.

1 Timotiusu 5:10

De kiani o nyawa imihayanga munangika ma titi ka ma dodihirainohi de ami wowango ma datoro irahai. Abe to muna ami ngofa-ngofaka mapaliara de madotoko itiai, de ami tauokaoo ngaro o homoa ma nyawa ma madafongo la yomahidodogumu munangoka. De nako ami gogianongoru o Yesusoka manga perelu naga, muna ka idadi momahitipokouku de maleleani onangika la mato maduhunu. De nako hiadono naga o nyawa yohuha eko yapanyakeuku, ma muna gea imimagawe maduhunu onangika. Ho kiani muna gea ka ihikaika ami wowango ma datoro ma hailoa ingodumu naga munangoka. De nako igoungu hokogea momatengo mofao ami wowango ma dihira, gea de ahao ka idadi ami romanga nitulihuku la muna ami tagongo de ami leleani naga o garejaka de hiadono mamake ami hewa ma balaha gea ami leleanioka de aino.

Ruutu 2:10

Ka de ai demo gea moihene de o ngo Ruutu momaponuku ai himangoka hiadono ami pea itiki o tonakuku de motemo mato, “Ahi baluhu, adodoa ho ngona nohilegaika ngohino de ani dora ngaro ngohi o homoaino ma nyawa dika?”

Ruutu 2:13

De o ngo Ruutu motemo mato, “Ahi baluhu, ngohi tamake ngona de ani sanangi nohiduhunu ngohino. De gea ngohi tonganono la ahi datorino ka ihikaika tonihisanangi ngonaika. De gea ngohi naa hoka to ngona ani gilaongo dika masara ngona noboa ngohino de nohilaru ngaro ngohi de o ngo-ngofeka abe yokokarajaanga ngonaka ma ka ngohiohi totipokouku ani himangoka.” Hokogea o ngo Ruutu ami heranga ma demo.

1 Samuele 25:23

Ka de o ngo Abi mimake o Dautu de momataiti mouti ami keledaioka de mauku ma tonakuku. De ahao muna duru momaponuku ai himangoka.

1 Samuele 25:40

De to una ai nyawa yomahiadono o Karamelika de imidofanga ai demo munangika yato, “Mia baluhu o Dautu womihidingoto ngonaika angamoi wonganono la ngona nominiiki de homakutuono holio unangika. Abe una woigo la ngona de una niilaka.”