1 Samuele 25:31 - Ma Jou ai Demo-demo o Totobelohoka

³¹ Ho ufa hiadono ani hidee naa inihirehene hiadono nahowono. Abe nako ahi rokata ai nyawa ona ko iwa manga howono, de nako nahohonenge ahao gea imaketero hoka nomahihowono Ma Jouika de ani hiningaka duru nomatoduba. Masara mangale ma titi ani hidee gea ko idadiuali ho ngaro ufa dika ani hininga ihuha hokogea de ka idadi ani hininga iuwini dika. De naa tomagahoko moi ngonaika. Abe ahao ma oraha Ma Jou o Yawe wonihiowa hiadono ani kuaha ilamoko, tomagahoko la gea ko nohiwohangua ngohi naa masara nohinganono de ani hininga ma owa.”

1 Samuele 25:31 ပူးပေါင်းရင်းမြစ်များ

Dodadi 40:14

Masara naa moi tonihibehehongo ngonaika, abe ma oraha nodadiokali nileleani o Firaunika, de togahoko la ahi duduhunu naa ngonaika nohibalaha de ma owa ngohino. De hokonaa nohiduhunu, toigo la nihingahu o Firaunika nato, ‘Ahi koano, naga womatengo abe wohiduhunu o bui ma tau ma goronaka abe wato ko iwa ai howono.

2 Samuele 22:48

O dutu ma nyawa gea abe ihihikangela ngohino, Una duru wohihibalaha de wahohowono onangika gea! De ona mata-mata Una wahikala hiadono wahigutiuku, de ahao wahihidadi la ona ahi giama ma hoatoka.

Lukasa 23:42

De ahao witemo o Yesusika wato, “Yesusu, duru togahoko la ma oraha Ngona nahikoano ani nyawaika de nohihininga de nohidafongo ngohi naa.”

Roma 12:19

De ahi gogianongoru abe duru tinidora nginika, ngaro o nyawa inihikangela nginika masara ufa nimahibalaha onangika, ma koaho niwihidoaka Ma Jouika la Una dika ai hohowono o ngamoino itagi onangika. Angamoi ma dodihiraino de naga ihitulihukuoka Ma Jou ai demo abe Una wotemo wato, “Nako o hibalaha, gea to Ngohi naa ahi kuahaka. De Ngohi naa ahao tahibalaha o nyawaika ma titi to ona manga datoro ma dorou.” Hokogea to ngone nanga Baluhu idodutu wotemo.

Roma 14:21

Ho koaho ufa ngini niaolomo o roehe de ufa niaokere o angguru ma gohaka ma teongo, abe nako genangino de ahao niahiruba nia gogianongoru o howonuku. De ngaro nia datoro o kia dika utuoli abe genangino ma titi hiadono nia gogianongoru yoruba, masara enangoo ibootohi nianiiki done niahiruba onangika.

2 Korintusu 1:12

De ma titi o kia hiadono ngomi mimagahoko ti ngini nia niniata de duru mionganono abe ka ihikaika nimiduhunu nia niniatino? De gea ma titi abe to ngomi mia hininga mimatailakoka de gea ko imakalawanua de Ma Jou ai mau masara mia hininga gea imakiniiki dika de to Unangoli ai hininga. Abe ma titi to ngomi mia wowango ma datorino de miwango mitotiai, abe ngaro o dunia ma nyawa masara ona miao irahai, de hongoli ngini, duru miniao irahai nginika. De gea ko iwa mia hiningaka mia hidee o dorouika, masara gea duru mimahingahu mia hininga ma dola ma gahumu nginika la ngini nihioriki mia hininga ma dumutu hokokia. De ngomi ko mimahinganonua o dunia ma sosawaroika la imihihira-hira, masara ngomi mimahinganono ka Ma Jou ai hininga ma owaika dika. Ho mangale ma titi to ngomi mia hininga ma rorahai gea hiadono duru mionganono abe ngini ka ihikaika nimigahoko Unangika ma titi ngomi.

1 Samuele 24:15

Ho ngaro Ma Jou o Yawe wonaboritailako ngona de ngohi la waputuhu onaguna wahowono de hiadono kiani wihohowono abe itaana. De Una abe wohidemo ngohi, gea Ma Jou abe Una ahao wohihihupu ani kuaha ma buturungino!” Hokogea o Dautu wihingahu ai hininga o Saulika.

1 Samuele 25:30

De Una o Yawe ahao duru watobagou-goungu ai behehongo ma demoika ma titi ngona naa, ho Una wonigoraka ngona la ka idadi nahikoano o Isiraele ma nyawaika.

1 Samuele 25:33

Abe to Una ai romanga tagorakiye ma titi to ngona ani hininga ma sosawaro, angamoi mangale ma titi ngona naa ani demo hiadono ngohi ko todiaiuali o doma. De ahi hidee la tomahibalaha onangika, gea ko idadiuali.

1 Samuele 25:40

De to una ai nyawa yomahiadono o Karamelika de imidofanga ai demo munangika yato, “Mia baluhu o Dautu womihidingoto ngonaika angamoi wonganono la ngona nominiiki de homakutuono holio unangika. Abe una woigo la ngona de una niilaka.”

1 Samuele 26:23

De abe ma titi ngone o nyawa nako nanga datoro itotiai de hitobagou-goungu Ma Jou o Yaweika, gea de ahao Una wonahibalaha de ma rorahai ngoneino. De igoungu kangano Una wonihidoaka ngona to ngohi ahi giamino masara ngohi ka toluku todiai itorou ngonaika, angamoi tohioriki abe Ma Jou wonigoraka ngona la nodadi nanga koano.