1 Samuele 25:17 - Ma Jou ai Demo-demo o Totobelohoka

¹⁷ Masara naa ahi dutu una wahibalaha to ona manga rorahai de ma dorou dika angamoi duru ko wotobagihenua o nyawa manga demo. De ma titi ai hininga ma dorou gea hiadono tohawanoka tato bote o Dautu de ai nyawa yoboaino de iwitoma, de marai ngoneoo mata-mata inahidotadaene de ma bodito gea. Ho naa ma titi gea ngohi toniade-ade ngonaika la marai ngona ka idadi nahiriidi o Dautu de ai nyawa la ufa ngone hobodito.”

1 Samuele 25:17 ပူးပေါင်းရင်းမြစ်များ

1 Kokoano 21:10

De ngini o kota ma dimo-dimono kiani o nauru nialingiri yatobahowo-howono yahinooto abe ko yopusingua yodiai itorou, de ona yahinooto gea niahewa. De niahikarajaanga la o doomu ma goronaka de ona yomaokoino de duru iwitae o Nabotika de yoade-ade abe yoihene una widoana Ma Jouika. De abe ngohioo, nia koano, o Naboto wohidoana o nyawa manga himangoka. De ngini o kota ma dimo-dimono ahao kiani niwiao o Naboto ma hoanika de genangoka ngini o doomuoka ka hiadono niwihakaru ka hiadono una wohonenge.” Hokogea o ngo Isebele ami ngeluku ma hurata ma hingahu abe motulihi mapake o koano ai kuaha.

1 Kokoano 21:13

De ahao ona yotobadiai o demo ma dorou yahinooto gea abe yahewaka, ona yogogeruku la yomarihimanga de o Naboto. De ona iwitae ho iwihiade-ade o nyawa mata-mata manga himangoka ato iwimake abe Ma Jou widoana de ai koanoo ma, widoana. Ho ona o doomuoka gea o Naboto iwiao iwiliara iwihihupuoka o kota ma poretika de genangoka iwihakaru ka hiadono wohonenge.

Estere 7:7

De o koano ai ngamo duru ifae hiadono ngade-ngade ko womatongohonua ho womaokoino ai angguru ma gohaka wanoaika o inomo ma ngioka de woiki o tau ma ngoranika de wohupu ma hoanika o bunga-bunga ma redioka abe o koano ai tau ma loaka. Masara o Hamana ai hiningaka wihiorikoka abe o koano wingamo de marai ahao wihohowono ho ai koano ko winii-niikua ma oraha wohupu o bunga-bunga ma redika. De naa o Hamana una ka idadi womahingano-nganono ka o ngo Esterika dika ho duru womagahoko munangika, wato, “O koano ngoi fekata, duru ahi wowango to ngona ani giamoka ho tomagahoko nohidemo ngohi o koanoika la ufa tohonenge!” Hokogea ai gari ma demo o Hamana.

1 Samuele 10:27

Masara naga o nau-nauru utu abe manga wowango ma datoro itotorou iwihigurubungu ato, “O nauru nenanga ko kia-kiaua iwidaene ho done sarakia wonaduhunu nanga musu manga giamino?” De ona iwidohata de yoluku la manga hadia iwihidoaka unangika. Masara o Saulu ko wapusingua onangika.

1 Samuele 2:12

O Eli ai ngofaka yahinooto, o Hofini de o Pinehasa, to ona manga karajaanga yahidemo o Isiraele ma nyawa Ma Jou o Yaweika. Masara ona gea o nau-nauru abe manga datoro itorou dika de ko iwa manga horomati Ma Jou o Yaweika.

1 Samuele 20:7

Abe nako ani baba wotemo, wato, ‘Ka idadi waniiki dika, adodoaua.’ Nako hokogea ai demo de gea hihioriki ai hininga ma hohailoa dika. Masara nako wongamo hiadono ai hininga ko wohiorikokaua de gea womahitunguu ai hidee ma dorou naga ngohino.

1 Samuele 20:9

De o Yonatana wato, “Duru ko ma iwa ma oraha abe ko toniduhunua! Olo, ngona nohihioriki ngohi, abe ngaro duru ma hohutulu dika tamake ahi baba ai hidee wonitoma de ngohi duru tomataiti tonihingahu ngonaika!”

1 Samuele 25:16

Abe ona duru imiduhunu angamoi o futu de o wange ona hoka o dadaduhu moi imihigilolitino la ko kia-kiaua ma dorou idadi ngomino.

1 Samuele 25:18

De ma huhuloko gea ai demo moihene de ahao o ngo Abi momataiti matoomuino o inomo de o ngokere ma amoko la ahao mahidoaka o Dautu de ai nyawaika. Abe matoomuino ma roti o ratuhu hinooto de o ngi hinooto abe aomanga de o angguru ma gohaka ma teongo de o domba ma gahumu motoa abe ma tomara yaluitoka. De nagali maleino o gandumu abe aharongoka o kilo ngimoi de tumidi, de o angguru ma hofoko ma doolenge o hahaku o ratuhu moi, de o gogilioro ma hofoko o okutu o ratuhu hinooto. Ho gea mata-mata matoomuinoka de ahao ihibarenuku o keledai muruono ma pore-poretuku.

1 Samuele 25:25

Nako ahi rokata o Nabala, gea tomangaku dika abe una o nyawa ma dorou, ho koaho to una ai demo ngonaika ngona naofi dika ani hiningaino de ko nolegaikaua. Angamoi bote nohioriki to una ai romanga o Nabala gea ma titi o bodo ma nyawa, de hiokoo abe ai romanga duru imakataana de ai hininga. Ho duru tonganono la ngona ka idadi naofi dika to una ai demo gea. De nako ngohi ma hirete, ngohi ko ihiwa ma oraha ani hidingoto ma nyawa yangimoi yoboaino, ho duru ko tamakeua de ahi lako. Ona yomakoketemo de ahi rokata dika.