1 Samuele 24:8 - Ma Jou ai Demo-demo o Totobelohoka

⁸ De o Saulu ko wokurutikauahi de o Dautu unangoo wohupu o arukino de o Saulu wiboaka, wato, “Ahi baluhu, nanga koano!” Ka de ai demo o Saulu woihene de womadogilioro wolega o aruku ma bionika de wimake o Dautu womaponuku o Saulika hiadono ai pea ngade-ngade itiki o tonakuku.

1 Samuele 24:8 ပူးပေါင်းရင်းမြစ်များ

Dodadi 17:3

Ka de Ma Jou ai demo gea woihene de o Abaraama duru ai horomati itagi Ma Jouika hiadono womatilabukuku hiadono ma tonakuku itiki ai pea la gea wohitunguu de ai hininga ma gahumu Ma Jouika wihingounu. De ahao Ma Jou wotemoli o Abaraamika.

1 Kokoano 1:31

De o Dautu wotemo ibooto de ngoi fekata o ngo Baseba momamotumuku ai himangoka de ahao motemo mato, “Ahi baluhu de ahi koano, ngohi tonganono la ka ihikaika to ngona ani wowango naga de ma owaka duru ma hohailoa!”

Huhupu 20:12

“De ngini kiani de nia horomati nia babaika de nia memeika hiadono niahingounu de niao irahai la nia ngumuru ikurutu nia tonakoka abe Ngohi Ma Jou o Yawe ti ngini nia Jou tinihidoaka nginika.”

Roma 13:7

Ho ngini niahidoaka o poparetaika o kia dika abe itiai onangika niahidoaka. Abe o pajaka o kia dika naga abe kiani nifangu, gea nifangu dika. De ngaro nia hingounu de nia horomati, ma enangoo itiai niahidoaka o popareta ma nyawaika angamoi manga tagongo gea Ma Jouoka de aino wahitagongo onangika. Ho irahai la to ngone nanga hingounu de nanga horomati hahidoaka o popareta ma nyawaika.

1 Peturusu 2:17

Ho nako ngini niwango hoka Ma Jou dika ai gogilaongo, gea kiani nia wowango hokonaa. Abe ngini kiani naga nia horomati o nyawa mata-mataika, De kiani nimakodora nia gogianongoru o ngongakuoka, De kiani nia horomati naga duru kohaamoko Ma Jouika, De ngaro ma kokoano o duniaka masara kiani onangikaoo niahoromati.

1 Samuele 20:41

Ho ka de o ngofaka gea woiki ai gurutikaka de o Dautu wohupu ai gogogono ma ngiino abe duru imakadateke de o hakaru ma doomu gea. De o Yonatana ai himangoka ma hange o Dautu womaponuku hiadono ai himanga itiki ma tonakuku. De ona yahinooto duru manga dora itagi hiadono manga koongo itifa angamoi kiani yomakitingaka ho yomakokooino yoari-ari de yomahiketehilooa. Ma nako o Yonatana ai huha de o Dautu ai huha ma ka o Dautohi ai hininga duru ihuha.

1 Samuele 24:7

Hokogea o Dautu wahitiari o nau-naurika abe iwidodiawo de ahao duru wataere wato ona ko idadiua o Saulu iwitoma. De ahao o Saulu o aruku gea wohupuoka de wogila-gila.

1 Samuele 24:9

De o Dautu ahao womaokoinoli de wiboakoli ai toroa o Saulika, wato, “Ahi baluhu, adodoa ho o nyawa nagihene manga demoino, ona abe ato ngohi toigo tonihikangela?

1 Samuele 26:17

De ai demo gea woihene de ahao o Saulu wohioriki ai ilingi ho wotemo waamokiye wato, “Ngona gea bote ahi ngofaka o Dautu, eko sarakia?” De gea wipaluhu wato, “Ahi koano, ngona nagoungu. Ngohi naa ani duduhunu o Dautu.

1 Samuele 28:14

De o Saulu womilehali wato, “Ho nako ngona duru nomalega unangika de hokokia to una ai rupa?” De gea muna mopaluhu mato, “Una gea abe woboaiye marai o nauru abe iwiperekioka, de una womahikorobiti de o baju ma guru-gurutuku!” Ami demo gea o Saulu woihene de ahao una duru wohioriki abe una gea wagou-goungu o Samuele. Ho una womaponuku ka hiadono ai pea itiki ma tonakuku la womahimatoko ai horomati o Samuelika.