1 Samuele 24:17 - Ma Jou ai Demo-demo o Totobelohoka

¹⁷ De witemoli wato, “Dautu, nako ngona de ngohi ka ngonahi ani datoro itiai angamoi ngaro ngohi ahi hidee ma dorou ngonaika masara ngona nomahibalaha de ma owa dika ngohino.

1 Samuele 24:17 ပူးပေါင်းရင်းမြစ်များ

Dodadi 38:26

De ona yoiki de iwihimatoko o Yehudaika ma kiahonanga gea. Ka de yoade-ade unangika abe ngoi hunungu ami hingahu de duru womangaku ai howono wato, “Muna gea itiai minihuloko ngohino la niboa. Igoungu, nako muna de ngohi marai ka ngohiohi tahowono de munangohi ami datoro itiai angamoi ahi behehongo ma dihira munangika ko taniikua. De gea tomihibehehongoka tato ka idadi muna de o Siela yoilaka masara ngohi tomieluku munangika.” Hokogea o Yehuda womangaku ai howono ho ngoi hunungu gea ko imihohowonuali.

Higiriiri 37:6

De ngaro o nyawa utu initae ato ngini nidiai ihowono, Masara Ma Jou de ahao ngini winihitaana abe ngini ko niahowonua. Angamoi nidiai de ma dumutu Unangika ho wosanangi enangika. Ma Jou wahiree-reeika wahitararono onangika abe nia howono ko iwa, Imaketero hoka o wange ma dararono yodararonuku o wange ikorona.

Huhupu 9:27

De ka ipurarahohi de o Firaunu wabehehongo la o Musa de o Harunu yoboali unangino. Ho ka de yomarihimanga de o Firaunu una womahingahu onangika wato, “Naa de ahao igoungu ngohi tahowonoka. Ma Jou o Yawe wagoungu wotiai de ngohi de ahi kokawaaha midiai itorou abe ko itiaiua.

Matiusu 27:4

De womahiadono onangika de womahingahu wato, “Ngohi tahowonoka, angamoi Una abe tihidoakoka nginika, Una gea ko iwa ai howono.” Masara ona yopaluhu ato, “Ho? Gea to ngona dika ani tagongo de ko to ngomiua. Ho ufa nomiruwae de to ngona ma hirete ani howono gea!”

Matiusu 5:44

Masara Ngohi naa tato ngaro ti ngini nia musu ma onangikaoo ngini kiani niadora onangika! De nako naga abe inihikokangela, ngini niagahoko ma owa ma titi ona gea Ma Jouiye la ona ahao yamake o hiowa Ma Jouino!”

1 Samuele 26:17

De ai demo gea woihene de ahao o Saulu wohioriki ai ilingi ho wotemo waamokiye wato, “Ngona gea bote ahi ngofaka o Dautu, eko sarakia?” De gea wipaluhu wato, “Ahi koano, ngona nagoungu. Ngohi naa ani duduhunu o Dautu.

1 Samuele 26:21

De o Dautu ai demo gea woihene ipaha de ahao o Saulu wotemo wato, “Marai ngohi naa tahowonoka. Ho naa togahoko la ngona ahi ngofaka o Dautu nolioino dika, de ngohi ko tonihikangelakaua. Angamoi o wange naa tamakeoka ani dora ma hiokoo ngohino. Abe kanganoino gea de tanu ka idadi nohitoma masara hokogenangua ani datoro. Ho naa itararono abe ma dihiraino de ahi hiningaka tolilifangoka hiadono ahi datoro ngonaika duru itorou. De ma oraha naa duru tomatoduba ma titi ahi hininga gea.”