1 Samuele 24:16 - Ma Jou ai Demo-demo o Totobelohoka

¹⁶ De o Saulu wipaluhu de ai ilingi ma amokiye wileha wato, “Igoungu, ngona ahi ngofaka o Dautu?” Hokogea o Saulu wiboaka o Dautika de womulaenge woari.

1 Samuele 24:16 ပူးပေါင်းရင်းမြစ်များ

Dodadi 16:5

De o ngo Sarai ami huha gea momahingahu ami rokatika mato, “Ma titi ngona ho abe naa ahi huha tamake. Muna gea ngohi tomihidoaka ngonaika de abeika, ka de muna de ami badangoka de mohidohata ngohino. De gea ma titi to ngona ani howono. Marai Ma Jou unangoo wato nako ngona de ngohi ma ka ngonahi de ani howonoka.” Hokogea o ngo Sarai ami howono midaparihi ami rokatika.

Dodadi 2:2

De gea ma wange butaanga dika de wabootoka ai karajaanga wotulaada ho ahao o wange ma tumidi de Ma Jou womahiaini wotulaada angamoi wakokibootokau mata-mata abe wotulaada.

Dodadi 33:4

Ma, ka de gea wimake de o Esau duru womapopaata wibuhuku ai dodoto de wikooino de wibounu de ona o ria-dodoto yoari.

Sosawaro 15:1

Nako idadi abe o nyawa inangamo ngoneino, ahao ma titi nanga babaluhu ma bole-boleino de ka idadi manga hininga imaata. Masara nako hapaluhu de nanga demo ma hauku, utuohi manga ngamo ihidafaeiye!

Lukasa 21:15

Gea koua, masara ma oraha adonoka de ahao Ngohi tinihidoaka nginika la nia uru ma demoino de duru isosawaro. La gea nitemo ipaha de ko moiua abe inilawa-lawana ka idadi yopaluhu nia demoika ho ko idadiua inihikala nia demoino gea.”

Hidingoto 6:10

De ngaro yomaketeribuutu masara moioo de ko iwa abe ka idadi iwihikala o Setefanusu ma titi ai demoino angamoi una iwihipareta de Ma Jou o Womaha ho duru wososawaro wotemo.

Hihira 11:27

Ngohi, o Yefata naa, ko ma moiuahi tahowono ngonaika masara ngona, o koano, nahowonoka abe nato nohiparangi ngohi abe tahihira o Isiraele ma nyawa. Naga Ma Jou o Yawe abe ngone o nyawa mata-mataika ai kuahaka de Una wonahohowono itiai ho kiani ngone mata-mata hihigunoa la ka Una dika waputuhu onagona yolaku ma oraha homaketeparangi, o Amono ma nyawa eko o Isiraele ma nyawa.” Hokogea o Yefata ai demo o Amono ma nyawa manga koanoika.

1 Samuele 26:17

De ai demo gea woihene de ahao o Saulu wohioriki ai ilingi ho wotemo waamokiye wato, “Ngona gea bote ahi ngofaka o Dautu, eko sarakia?” De gea wipaluhu wato, “Ahi koano, ngona nagoungu. Ngohi naa ani duduhunu o Dautu.

1 Samuele 26:24

De mangale ma titi kanganoino de ngona ani wowango togoana hiadono ko tonihikangelaua, ho ngohi tonganono la Ma Jou o Yawe Unangoli ka idadi wohigoana to ngohi ahi wowango. De ngaro o kangela o kia dika taohana ahi wowangoka masara tonganono la Una dika wohiduhunu de wohihupu genangino.”