1 Samuele 24:11 - Ma Jou ai Demo-demo o Totobelohoka

¹¹ Ahi baba, nomalega ngohino, naa o kia tasoino ahi giamoka? Nenanga ani baju ma guru-gurutu ma dobiki moi abe ahao kangano taluitino masara ko tonitomaua. Naa ma dodunguu abe ihihitaana abe ngohi ko iwa ahi hidee la tonihikangela. Abe ngohi duru ko tahowonua ngonaika ngaro ngona ka ihikaika nohilingiri la nato nohitoma ngohi.

1 Samuele 24:11 ပူးပေါင်းရင်းမြစ်များ

2 Samuele 1:14

Ho o Dautu witemoli wato, “Ho done adodoa ho ngona nomoroiniholi hiadono nihohonenge ma koano abe Ma Jou o Yawe Una ma hirete wigoraka la wokoano?”

2 Kokoano 5:13

Masara naga o Naamana ai tentara ma hidimono yamuruono ihitaili iwihiriidi ai ngamoino de yotemo unangika ato, “Mia baluhu, nako Ma Jou ai uru ma dodofanga abe gea wonihuloko kiani nodiai abe ihuha o nyawa yodiai de sarakia ngona ko nodiaiua? Marai ngona nodiai gea ena abe wonihulokoka ngaro o karajaanga ma dubuho! Ho to una ai huhuloko ma demo nenanga kiani enangoo nohingounu. Una wato ka de ai hingahu naniiki gea, abe noiki nomaohiki, de ahao ngona notogumokau!”

Sosawaro 15:1

Nako idadi abe o nyawa inangamo ngoneino, ahao ma titi nanga babaluhu ma bole-boleino de ka idadi manga hininga imaata. Masara nako hapaluhu de nanga demo ma hauku, utuohi manga ngamo ihidafaeiye!

Yohanese 15:25

Ma kiani hokogea la idadi duru imaketero hoka itemo Ma Jou ai Behehongo ma Bukuoka abe naga moi itemo ato, ‘Ona ihidohata Ngohino ngaro duru ko iwa ma titi Ngohioka.’”

1 Samuele 12:3

De ngohi naa duru Ma Jou o Yawe ai himangoka de o Saulu ai himangoka, abe Ma Jou wihitunguuoka wihidadi ti ngini nia koano, de naga abe ngohi tinileha ngini mata-mataika. Sarakia, naga o nyawa nginioka abe tinidohiki hiadono nia hapi eko nia keledai tomale? Eko naga nginioka abe niato ngohi tinirusi? Eko naga nginioka abe niato ngohi tiniribuutu de ma dubuho? Eko naga ma oraha tinitailako nia howono de todafongo o hewaino ma tiwi la gea taniiki to ona dika manga mau? Ma oraha naa de ka idadi nihihingahu ngohino ahi howono o kia dika abe niamakeoka de tahowonoka. De ngohi tomahidiaioka la ma howono gea tomangaku de tohitiai ahi howono nginika hiadono nisanangioka.” Hokogea o Samuele ai leleha ona mata-mataika.

1 Samuele 18:27

Abe una de ai tentara yoiki de yatoma manga musu o nau-nauru ko yaratuhu moiua dika masara yaratuhu hinooto abe yakokitomaka. De manga mamaleke ma kai abe o Saulu womagahoko ka idadi o Dautu wihidoaka ma koanoika. Ho o Saulu kiani ai behehongo waniiki ho ngoi ora o ngo Mikala o Dautika wihidoaka la womihidadi ngoi fekata.

1 Samuele 23:14

De ma oraha gea o Dautu de ai nyawa yomanoa-noa o loku-lokuoka abe naga o Sifi ma tonaka ma kakaahaka. De ngaro o Saulu ka ihikaika wilingiri ma tonakoka gea masara Ma Jou widuhunu o Dautika ho ko idadiua widaene.

1 Samuele 23:23

Ho ngini kiani niatotailako ai dogogono ma ngi mata-mataika de ahao nilio ngohino la nia demo duru itaana ma titi una gea. De gea ahao ka idadi hosobo homakiniiki unangika. De ngaro una wato womagogono o kia-kiaka dika o Yehuda ma tonaka ma amokika masara ka idadi ngohi timake de titaokino.”

1 Samuele 25:28

De tomagahokoo la ngona ka idadi naofi ahi howono o kia dika abe namake ngohioka. Abe nako hoka ani hininga ieteke ma titi ahi demo eko ahi datoro, ngohi duru tomahilooa ma titi ena gea. De ngohi duru tonganono la Ma Jou o Yawe wonihibalaha de ma rorahai ngonaika ma titi ngini naa ka ihikaika nimakalawana de to Una ai musu. De tohioriki abe ani hininga ma datoro ka ma rorahai dika ani wowangoka. Ho Una ahao kiani wonihibalaha de ma rorahai ngonaika la hiadono duru ma dekana ngona de ani ngofa-ngofakukuoli niahikoano to Una ai nyawaika.

1 Samuele 26:18

Ho naa tonileha dika ngonaika, ma titi o kia hiadono ngona ahi baluhu ka ihikaika nohinii-niiki? De done ahi howono o kia naga ngohioka?

1 Samuele 26:20

Ho naa ahi koano tonileha, done sarakia ma titi hiadono ngohi kiani ahi awunu ikopoa o homoa ma tonakuku? Gea duru ko itiaiua! Koaho irahai ngohi tohonenge duru Ma Jou o Yawe ai himangoka, abe ma titi to ngone nanga tonakoka! De adodoa ho ngona ahi koano abe ani gogere duru ikokurutiye de nohilingiri ngohi naa abe ko kia-kiaua ihidaene? Abe ngohi naa tomaketero hoka o giliili dika ho done ma titi o kia nohilingi-lingiri? De ngohi hoka o totaleo abe o nyawa yokangela yataokino, ho done o kia ma titi ngona ka ihikaika nohinii-niiki o loku-lokuoka naa?”

1 Samuele 26:23

De abe ma titi ngone o nyawa nako nanga datoro itotiai de hitobagou-goungu Ma Jou o Yaweika, gea de ahao Una wonahibalaha de ma rorahai ngoneino. De igoungu kangano Una wonihidoaka ngona to ngohi ahi giamino masara ngohi ka toluku todiai itorou ngonaika, angamoi tohioriki abe Ma Jou wonigoraka ngona la nodadi nanga koano.