1 Samuele 23:5 - Ma Jou ai Demo-demo o Totobelohoka

⁵ Ho o Dautu de ai nyawa ona yosobo de yoiki o Kehila ma kotaika la yomakalawana de o Filistina ma nyawa. De duru igoungu abe ona duru yahikala onangika de nagali abe o Filistina manga hapi mata-mata yomahitoona. De hokogea o Dautu ka idadi waduhunu o Kehila ma nyawa abe manga musu manga giamoka de aino.

1 Samuele 23:5 ပူးပေါင်းရင်းမြစ်များ

2 Samuele 22:40

Angamoi ka Ngona dika nohihiputurungu la ka idadi o lolaku tamake, de Ngona dika ma titi hiadono ka idadi tahikala ahi musu gea.

Higiriiri 18:38

Duru tahikala onangika hiadono ko yomomikokaua, abe ona gea yorubaka ahi louoka de ko yakunokaua yomaokoino.

1 Samuele 19:8

De ipaha de ahao ona de o Filistina ma nyawa ka yomaketeparangiokali de o Dautu ai tentara wahihira-hira la yaparangioli o Filistina ma tentaraika. De una wohiaturu la yangika duru de manga bobuturungu hiadono manga musu manga houohi yokokiloara.

1 Samuele 23:4

O Dautu woihene manga demo gea ho wilehali Ma Jouika ma titi ma hidee gea. Masara Ma Jou o Yawe ai hininga ko watururua ho wato, “Nomasikaa la noikohi o Kehila ma kotaika, angamoi Ngohi naa ka idadi tahidoaka o Filistina ma nyawa gea to ngona ani giama ma hoatika.”

1 Samuele 23:6

De ma dihiraino abe manga hidemo ma nyawa o Abiatara woara o Sauloka de waika la womahidogo o Dautika, ma oraha gea de womagao o efodo abe gea o hidemo ma nyawa manga baju ma rorahai. De ma efodo gea ka nagahi o Abiataroka ma oraha naa abe ona o Kehila ma kotaka.