1 Samuele 23:4 - Ma Jou ai Demo-demo o Totobelohoka

⁴ O Dautu woihene manga demo gea ho wilehali Ma Jouika ma titi ma hidee gea. Masara Ma Jou o Yawe ai hininga ko watururua ho wato, “Nomasikaa la noikohi o Kehila ma kotaika, angamoi Ngohi naa ka idadi tahidoaka o Filistina ma nyawa gea to ngona ani giama ma hoatika.”

1 Samuele 23:4 ပူးပေါင်းရင်းမြစ်များ

2 Samuele 2:1

De ipahaino de o Dautu woleha Ma Jou o Yaweika la ka idadi wohioriki ai hininga, ho wileha wato, “Sarakia, irahai ngohi tomaturuuruoli de tolio o kapongo moiika abe o Yehuda manga tonakoka?” De Ma Jou wipaluhu wato, “Iya, irahai nomaturuuru genangika.” Ho o Dautu wilehali wato, “Masara koaho o kapongo o kiaika?” De gea Una wipaluhu wato, “Irahai ngona noiki o Heboronika.”

2 Samuele 5:19

Ho o Dautu wamake ai musu gea de ahao woiki wileha Ma Jou o Yaweika wato, “Sarakia, koaho toikohi la ngomi miaparangi o Filistina ma nyawaika eko koua? Abe nako mimaketeparangi de ona gea de ahao Ngona nohiduhunu la ka idadi tahikala onangika?” De gea Ma Jou wipaluhu unangika wato, “Ka idadi. Noikohi la nimaketeparangi de ona, de ahao Ngohi naa tahidoaka ona gea to ngona ani giama ma hoatika.”

2 Kokoano 3:18

Hokogea to Una ai demo nginika. De ai karajaanga gea ngaro o heheranga wodiai masara gea duru igapanga de hatoli ko kia-kiaua. Angamoi Unangoo winiduhunu hiadono ngini ka idadi niahikala o Moaba manga tentara ma nyawaika!

Yosua 8:7

Masara duru ma oraha gea de ngini naa nia hagogono ma ngioka de kiani nimasikaa nimakokiokoino de nimataiti niangohama manga kota ma goronaika la niahikala onangika. Angamoi nanga Jou o Yawe Una ahao wahidoaka manga kota gea nia giama ma hoatika.

Hihira 6:39

Masara ahao o Gideono womagahokoli wato, “Ma Jou ufa ani ngamo ifae ngohino angamoi ma moioli toigo totemo Ngonaika. Ngohi duru toigo todiaioli la tamake o dodunguu moiokahi dika de ahi domba ma kai nenanga. Ho naa ena gea takelengali o rorero ma ngioka masara naa togahoko la nohikawalimi idadi ho togahoko la nohitunguu la o domba ma kai ma gogo duru yodudungu masara abe yopehaka de o gagini gea o rorero ma ngi ma tonaka mata-mataika.”

Hihira 7:7

De ahao Ma Jou o Yawe wihingahu o Gideonika wato, “Ngohi naa tapake ona yaratuhu hange dika nenanga abe yaale-aleme yokere de manga akiri la ngini o Isiraele ma nyawa tinihihupu nia kangelaino de o Midiana ma nyawa tahidoaka ti ngini nia giamino. Ho ona o doomu ma amoko naa nahigunoa la ona yokokilio nia dodogumika manga tauika.”

Hihira 7:9

De ma futuku gea Ma Jou o Yawe o Gideono witumomiki de wihuloko wato, “Ngini naa ka idadi niuti manga dodogumuku niaparangi angamoi tinihidoakoka o lolaku.

1 Samuele 10:22

Masara ko iwimakeua manga doomuoka ho hiadono ona iwileha Ma Jou o Yaweika de Una wahingahu, wato, “O Saulu gea una womagogono nia kiahonanga ma hidogoronaka.”

1 Samuele 23:2

Hokogea woihenino ho o Dautu wileha Ma Jou o Yaweika wato, “Sarakia, irahai la ngohi toiki de talawana o Filistina ma nyawaika gea?” De Una wipaluhu o Dautika wato, “Nagoungu, koaho ngona noikohi la ka idadi naduhunu o Kehila ma nyawa to ona gea manga giamoka de aino.”

1 Samuele 23:3

Masara ipahaino de o Dautu ai nyawa ko yosanangiua de ma hidee gea ho ona ato, “Abeika, ma oraha naa ngaro ngone ka nagahi to ngone nanga tonakoka abe o Yehuda ma tonakoka naa masara hohawanoka! Ho hongoli nako hoiki o Kehila ma kotaika gea la homakalawana de o Filistina ma tentara. Gea de ahao duru hohawanaholi hiadono inatomomonoka!”

1 Samuele 23:5

Ho o Dautu de ai nyawa ona yosobo de yoiki o Kehila ma kotaika la yomakalawana de o Filistina ma nyawa. De duru igoungu abe ona duru yahikala onangika de nagali abe o Filistina manga hapi mata-mata yomahitoona. De hokogea o Dautu ka idadi waduhunu o Kehila ma nyawa abe manga musu manga giamoka de aino.

1 Samuele 28:6

Ho o Saulu wileha Ma Jou o Yaweika wato, “Done hokokia koaho ngohi todiai?” De ngaro hokogea wileha masara Ma Jou duru ko wipalu-paluhua o Saulika. Abe ko wohidoakua o himatoko o nyawaika la genangino de o Saulu ka idadi wohioriki ai hininga. De ngaro Ma Jou ai uru ma dodofanga o Saulu ai leleha gea iwidofanga Unangika masara ko wopaluhua. De ngaro manga hidemo ma nyawa una waumo o Urimi de o Tumimi gea la genangino de ka idadi ihioriki Ma Jou ai hininga abe koaho hokokia o Saulu wodiai masara genangoo de Ma Jou ko wopaluhua ai leleha.

1 Samuele 30:8

De gea o Dautu wileha Ma Jou o Yaweika wato, “Sarakia, koaho ngohi tahidoduru mia musu gea? De nako tahidoduruika ka idadi tadaene?” De Una wipaluhu wato, “Irahai la ngona nahidoduruika angamoi ahao ka idadi nadaene, de hongoli ka idadi naduhunu ani nyawa mata-mata nia musu manga giamoka de yaino!”