Ho o Arama ma nyawa manga koano ai hidee gea mata-mata ka ihikaika ko idaa-dadiua hiadono una ka wongamo de watae ai tentara ma hidimo-dimonika angamoi ona dika ihioriki manga parangi ma putuhu. Ho ona mata-mata manga koano wabehehongo la yoboa unangino de ahao waleha onangika, wato, “Marai tinihiorikoka abe naga womatengo nginioka abe wonafukunu nanga musuika. Ho onaguna nenangoka abe una ka ihikaika yahingahu nanga parangi ma hidee o Isiraele ma nyawaika?”
1 Samuele 22:8 - Ma Jou ai Demo-demo o Totobelohoka8 De bote ena gea ma titi hiadono nihihidee itorou ngohino! Angamoi abeika, nengokadau ma oraha una gea de to ngohi ahi ngofaka yomahiketehibehehongo de ngini ko moiua nihihingahu ngohino! Ho itararono abe nia hininga ko itagiua ngohino. De o Dautu una gea ma dihiraino de wodadi ahi duduhunu, masara ma oraha naa de ahi ngofaka wihigaro o Dautika la ka idadi o Dautu wohihagogono de wohitoma! Masara ngini naa ko moiua nihihingahu ma titi manga hidee gea!” အခန်းကိုကြည့်ပါ။ |
1 Samuele 22:8
12 ပူးပေါင်းရင်းမြစ်များ
De o Yonatana wato, “Duru hokogenangua! Ngona ko nohonengua! Marai ahi baba ai hidee hokogea ko iwa angamoi ngaro ai hidee o kia dika naga de ko wodiaiuahi de wohihingahuoka ngohino. Ho nako naga ai hidee hokogea de duru ngohi tihioriki abe una ko wagogonua la ufa tohioriki. Ho ko igoungua!” Hokogea o Yonatana widemo ai baba.
De ma bahaika o Yonatana wihingahu o Dautika wato, “Ngaro naa noiki ma tonigahoko la ani hininga Ma Jou o Yawe wonihiriidi. De ngohi hokogea tonigahoko ma owa angamoi ngone ma dodihiraino homaketedodiawo homahiketehibehehongoka de Ma Jou o Yawe ai romanga. Abe nanga behehongo ma demo naga la nanga ngofa-ngofaka de nanga dano-danonguku ka imahikauku yaniiki nanga behehongo gea.” Hokogea manga dodiawo ma behehongo ihigalioli de ahao o Dautu wosobo woara de o Yonatana wolio ai tauika o kotaka.
Ahi dodiawo nako hokogea ai hininga wohimatoko, ngohi togahoko la ani dora ma hiokoo ngohino itagi angamoi hokogea ngona de ngohi Ma Jou o Yawe ai himangoka homahiketehibehehongoka. Abe gea ngone hato ko moiua hohigunoa ihirusaka nanga gogao ka hiadono hohonenge. Ho nako igoungu tahowonoka ani babaika ngohi toigo la ngona dika nohihohonenge. Iti ufa ngona nohifukunu ani baba ai hidee ma dorouika.” Hokogea o Dautu womagahoko ai gerika.
De ahao o Saulu wotemo wato, “Ho, done sarakia ngona de o Isai ai ngofaka o Dautu? Abe ngini inihinooto nihihidee itorou ngohino! Nengokadauino ngona nihidoaka unangika o roti de o humaranga, de nagali abe nigahoko Ma Jouika la Una wihihira-hira o Dautika. Ho ma bahauku de o Dautu gea wohilawana de hiadono wohihidee wato wohitoma ngohino!”
ကြော်ငြာတွေ