De naga o Dautu ai ngofaka womatengo ai romanga o Adonia de una gea ngomi meme o ngo Hagiti. Abe una ai riaka o Abasalomo widatekuku, masara ai riaka gea wopahaka. De o Adonia una duru worahai, de ai baba o Dautu duru ikuranga widotoko unangika. Ho ai datoro o kia dika wodiai masara ko iwa ma hohowono ai babaka de aino, ka wihigunoaika dika wodiai. De abe ma oraha o Dautu iwiperekioka gea de o Adonia woigo wituruuru ai baba la unangoli wodadi manga koano. Ho una watoomuino o kuda de o parangi ma goroba ma ngoe, de nagali ai nyawa yamoritoa abe wahuloko la ona iwitobagoana.
1 Samuele 22:17 - Ma Jou ai Demo-demo o Totobelohoka17 De ahao wahuloko ai gogoana ma nyawaika wato, “Ngini kiani niahohonenge ona naa abe o hidemo ma nyawa Ma Jou o Yaweika, angamoi ona yomahikeketoka de o Dautu la ihilawana ngohino! Abe ona iwihioriki o Dautu womahiloara ngohioka de waino masara ko ihihingahua!” Hokogea ma koano ai huhuloko ma demo, masara ai gogoana ma nyawa ka yoluku yahohonenge Ma Jou o Yawe ai hidemo ma nyawa gea. အခန်းကိုကြည့်ပါ။ |
1 Samuele 22:17
15 ပူးပေါင်းရင်းမြစ်များ
Abe una ma dihira duru waduhunu abe Ma Jou ai uru ma dodofanga yaratuhu moi ma oraha o koano ngoi fekata, o ngo Isebele, muna duru momagawe matoma Ma Jou o Yawe ai uru ma dodofanga manga ngoe. Masara o Obaaja, una waduhunu Ma Jou o Yawe ai uru ma dodofanga gea la wato ufa o ngo Isebele gea makokitoma hiadono mamataka. Ho o Obaaja waduhunu ona Ma Jou o Yawe ai uru ma dodofangika abe yaratuhu moi wao o loku-lokuika de ahao ona wagogono o aruku hinootoika. Ho naga o regu moi yamoritoa wagogono o aruku moioka, de o aruku naga moiokali onangoo wagogono naga yamoritoa genangoka. De o Obaaja Ma Jou ai uru ma dodofanga mata-mataika gea wahidailako manga inomo de manga akere.
Masara duru ma oraha gea de ai nyawa manga ngoe yatoaka o Saulu ai demo ho onangoli yotemo ato, “Duru ko idadiua hahigunoa la o Yonatana iwihohonenge! Angamoi mangale ma titi una gea hiadono ngone o Isiraele ma nyawa ka idadi hahikala nanga musu ho nanga lolaku ma amoko naa hamakeoka! Ho naa ngomi mimahikoboto Ma Jou o Yawe ai himangoka, miato ngaro o Yonatana ai tadauru o ngai moi dika yaruwae masara gea duru mioluku! Angamoi duru itararonoka ngone mata-mataino abe kangano Ma Jou Una ma hirete widuhunu o Yonatanika la wakunu wodiai ai datoro duru ma amoko gea ho ka idadi wahikala nanga musu!” De manga demoino gea de o nyawa manga ngoe iwiduhunu o Yonatana ai boditoka de aino la ufa iwihohonenge.
Ka de hokogea o Yonatana o Dautu widemo, de o Saulu itodokanino de ai kuama o hokiiki ai datekoka wagoraka de wituduku o Yonatanika angamoi womahiboi abe doka ai hiningaka womatemo wato, “Ngaro ahi ngofaka idodutu ma ka titoma dika.” Ho ngaro o Saulu ka wingofu dika masara naa o Yonatana duru ai baba wihioriki abe igoungu womaputuhoka ahao o Dautu witoma.
De ahao o Saulu wotemo wato, “Ho, done sarakia ngona de o Isai ai ngofaka o Dautu? Abe ngini inihinooto nihihidee itorou ngohino! Nengokadauino ngona nihidoaka unangika o roti de o humaranga, de nagali abe nigahoko Ma Jouika la Una wihihira-hira o Dautika. Ho ma bahauku de o Dautu gea wohilawana de hiadono wohihidee wato wohitoma ngohino!”
Masara naa ahi dutu una wahibalaha to ona manga rorahai de ma dorou dika angamoi duru ko wotobagihenua o nyawa manga demo. De ma titi ai hininga ma dorou gea hiadono tohawanoka tato bote o Dautu de ai nyawa yoboaino de iwitoma, de marai ngoneoo mata-mata inahidotadaene de ma bodito gea. Ho naa ma titi gea ngohi toniade-ade ngonaika la marai ngona ka idadi nahiriidi o Dautu de ai nyawa la ufa ngone hobodito.”
De hokonaa ai hitiari ma demo abe wahingahu onangika, wato, “Nako adonoka ngini niamake nia koano de ahao ai hiaturu nginika hokonaa, ti ngini nia ngofaka o nau-nauru ahao wahokino wahidadi o tentara ngaro ona yoigo eko ko yoigoua ma kiani ona iwihingounu. De ona utu wahokino gea ahao wahikarajaanga yapaliara ai kuda ma ngoe de yapake ai kuda gea la yao-ao ai goroba parangi. De utu wahuloko la ai gogoroba parangi ma himangoka yomapopaata o parangi ma goronaka.
ကြော်ငြာတွေ