1 Samuele 22:14 - Ma Jou ai Demo-demo o Totobelohoka

¹⁴ De witaere ipaha de o Ahimeleke wipaluhu ma koanoika wato, “Koua, ahi koano! Abe nako o Dautu una gea to ngona ma hirete ani toroa, de una wodadi ani gogoana ma nyawa manga hihira. De hongoli to una ai romanga duru ikurutiye ani tauoka. Abe ngaro ani nyawa mata-mataika masara ka unangohi duru wotobagou-goungu ai wowangoino.

1 Samuele 22:14 ပူးပေါင်းရင်းမြစ်များ

1 Samuele 17:25

De mangale ma titi manga hawana ho ona ato, “Abeika to una ai lamoko! De nitoihene ai demoika gea! Gea ho hiadono nanga koano o Saulu wonahibehehongo ngoneino abe nako womatengo naga abe wimoroini hiadono o Goliata gea witoma de duru ai hadia ilamoko unangika. Abe ahao o Saulu ngoi ora womihigogilaka unangika de to unangoo ai baba ai tauino manga utumu angamoi ona mata-mata ai tauoka nanga koano wato ahao ka ihikaika ngaro ufa o pajaka ma tiwi yofangu unangika. Hokogea ai hininga o koano angamoi wato kiani o Goliata gea wohonenge.”

1 Samuele 18:13

Ho ma bahaika o Saulu womaputuhu abe ko idadiokaua una de o Dautu yomahingi moi ho o Dautu wihitagongo la waparangi manga musuika de wihidoaka ai tentara yasana moi abe o Dautu ka ihikaika wahihira-hira. De gea duru ai tagongo wao itiai abe ona ihigali-gali yoiki manga musu yaparangi.

1 Samuele 18:27

Abe una de ai tentara yoiki de yatoma manga musu o nau-nauru ko yaratuhu moiua dika masara yaratuhu hinooto abe yakokitomaka. De manga mamaleke ma kai abe o Saulu womagahoko ka idadi o Dautu wihidoaka ma koanoika. Ho o Saulu kiani ai behehongo waniiki ho ngoi ora o ngo Mikala o Dautika wihidoaka la womihidadi ngoi fekata.

1 Samuele 20:32

Masara o Yonatana duru wileha ai babaika, wato, “To una ai howono o kia? Duru ko iwa! Ho de ma titi o kia hiadono ngona nato kiani nihohonenge?”

1 Samuele 21:2

De o Dautu wipaluhu wato, “Marai nanga koano wohihitagongo o karajaanga moi abe duru ko tadadiua tahingahu o nyawa utuika. Ho ngaro ahi nyawa abe ihitobaniiki masara tahuloko la yomanoahi o ngi moiokali de ihidamaa, ho de ahao ngomi mimakamakeoli genangoka.

1 Samuele 22:13

De ahao o Saulu wotemo wato, “Ho, done sarakia ngona de o Isai ai ngofaka o Dautu? Abe ngini inihinooto nihihidee itorou ngohino! Nengokadauino ngona nihidoaka unangika o roti de o humaranga, de nagali abe nigahoko Ma Jouika la Una wihihira-hira o Dautika. Ho ma bahauku de o Dautu gea wohilawana de hiadono wohihidee wato wohitoma ngohino!”

1 Samuele 24:11

Ahi baba, nomalega ngohino, naa o kia tasoino ahi giamoka? Nenanga ani baju ma guru-gurutu ma dobiki moi abe ahao kangano taluitino masara ko tonitomaua. Naa ma dodunguu abe ihihitaana abe ngohi ko iwa ahi hidee la tonihikangela. Abe ngohi duru ko tahowonua ngonaika ngaro ngona ka ihikaika nohilingiri la nato nohitoma ngohi.

1 Samuele 25:28

De tomagahokoo la ngona ka idadi naofi ahi howono o kia dika abe namake ngohioka. Abe nako hoka ani hininga ieteke ma titi ahi demo eko ahi datoro, ngohi duru tomahilooa ma titi ena gea. De ngohi duru tonganono la Ma Jou o Yawe wonihibalaha de ma rorahai ngonaika ma titi ngini naa ka ihikaika nimakalawana de to Una ai musu. De tohioriki abe ani hininga ma datoro ka ma rorahai dika ani wowangoka. Ho Una ahao kiani wonihibalaha de ma rorahai ngonaika la hiadono duru ma dekana ngona de ani ngofa-ngofakukuoli niahikoano to Una ai nyawaika.

1 Samuele 26:23

De abe ma titi ngone o nyawa nako nanga datoro itotiai de hitobagou-goungu Ma Jou o Yaweika, gea de ahao Una wonahibalaha de ma rorahai ngoneino. De igoungu kangano Una wonihidoaka ngona to ngohi ahi giamino masara ngohi ka toluku todiai itorou ngonaika, angamoi tohioriki abe Ma Jou wonigoraka ngona la nodadi nanga koano.