Ho naa o hurata mata-mata yodiai ibooto de yahidoaka o koano ai hidingoto ma nyawaika de ahao o koano wahuloko onangika la yomataiti yototaka. Ho ona homoi-homoi yokokifarene manga kuda ma poretuku de imaketero hoka o kuda ma roreebe yokokisobo abe duru ipalesa imapopaata manga kuda. De duru ma oraha genangoo o hurata gea yahidoaka o popareta ma nyawaika o Susana ma kota ma honongaka abe o koano ai tau naga genangoka de ona yomulaenge o pareta ma hurata gea yakokibasa o kokawaahaika o Susana ma kotaka.
1 Samuele 21:8 - Ma Jou ai Demo-demo o Totobelohoka8 De o Dautu wadafongoka ma roti de ahao wilehali o Ahimelekika wato, “De sarakia, naga ngonaka ani kuama eko ani humaranga? Abe marai ma oraha nanga koano wohihitagongo ngohino de duru tomataiti tosobo ho ko tadaenua tagoraka o parangi ma dae!” အခန်းကိုကြည့်ပါ။ |
1 Samuele 21:8
6 ပူးပေါင်းရင်းမြစ်များ
De nia dodagi naa de ufa nia tiwi nimagao. De ngaro ufa dika de niao nia beta-beta abe biaha nia kiahonanga nihilulu genangino. De ka idadi nimasandaaliye, masara nako nia sandaala ma dodagali gea ngaro ufa dika de niao. De nia dodagi ma goronaka de ufa nia dekana nimaketeade-ade dika de o nyawa abe nimakamake o ngekomoka ma hatoli nimataiti nigila-gila nia dumutika.”
De ma wange gea naga womatengo genangoka abe wamake hokokia o Ahimeleke wihidoaka o Dautika. De una gea o Edomo ma nyawa abe ai romanga o Doege, de unangoo wodadi o Saulu ai duduhunu womatengo. Abe ma titi naga o Saulu ai nyawa manga ngoe yatobagoa-goana ma koano ai domba ma duduono, de o Doege naa to ona mata-mata manga hihira. De una naga ma kapongoka ma wange gea la manga agama ma pareta moi waniikohi. Ho una wamake o Ahimeleke ai hidoaka o Dautika.
De wipaluhu o Dautika wato, “Abe naga naangoka ka o humaranga moi dika, de gea to Goliata, abe una gea o Filistina ma nyawa de ma dihiraino ngona nitomaka o Ela ma tonaka ma dolaka. De ma humaranga gea yahawo de o ngoere de yakelenga ahi baju o efodo gea ma poretoka. Ho nako ngona nosanangi gea ena napake, ka idadi nomale dika, masara ko iwa utu naangoka.” De ma demo gea o Dautu woihene de duru wosanangi ho wato, “Gea duru irahaiholi! Abe o humaranga utu moioo de ko iwa imakadaene de gea ena! Ho abeika nohihidoaka ngohino!” De gea o Ahimeleke wihidoaka unangika.
Gea woihene ipaha de o Dautu wato, “O Doege gea tanu tihiorikoka ai hininga! Abe nengokadauino ma oraha una naga ani babaka de timake de ngohi tato maraioka una ahao wihingahu o Saulika. Ho ngohi naa duru tamao abe ngohi ma hirete tahowonoka! Abe to ngona ani baba de ani dutu mata-mata manga hohonenge imaketero hoka ihitapaluku ngohiuku!
De gea ma oraha wataere onangika de naga ai nyawaka o Doege abe o Edomo ma nyawa gea. Ho o Saulu wataere ipahaino de ahao o Doege wihingahu o Saulika wato, “Ma dihiraino abe ma oraha ngohi naga o Nobo ma kapongoka de timake o Isai ai ngofaka gea, de una yomakoketemo de o Ahimeleke abe ma hidemo ma nyawa genangoka.
ကြော်ငြာတွေ