1 Samuele 21:12 - Ma Jou ai Demo-demo o Totobelohoka

¹² De o Dautu woihene de wongano-nganono to ona manga demo gea ho duru wohawanoka. Abe una wato bote manga koano o Akisi wiao itorou unangika.

1 Samuele 21:12 ပူးပေါင်းရင်းမြစ်များ

Dodadi 26:7

De ma oraha o nyawa genangoka imimake o Isaka ngoi fekata de iwileha ato, “Ho naa muna o ngo kia?” De una wopaluhu onangika wato, “Muna gea ngohi firanga o ngo Ribeka.” Hokogea o Isaka ai demo angamoi wohawana womahingahu abe muna ngoi fekata. Abe una womatemo doka ai hiningaka wato, “O ngo Ribeka duru mohailoaholi ho marai ahao o nau-nauru nenangoka duru imihafini ho done ahao ihitoma ngohi la ka idadi imile nako tahingahu muna gea ngohi fekata.”

Higiriiri 34:4

Ngohi tomaniata Ma Jou o Yaweiye de Una wohipaluhu wohihiputurungu, To ngohi ahi hawana duru wohihihanga de wohihiriidi.

Lukasa 2:19

Masara o ngo Maria mata-mataika abe idadioka o futu gea de to ona manga ade-ade enangoo duru magogono ami hiningaka de ka ihikaika momahihohininga.

Lukasa 2:51

De ahao ona yomakiniiki yolio manga kapongo o Nasaretika de Una ka ihikaika watobahingounu ai dimonika. De to Una ngoi meme muna ami hiningaka de duru mongano-nganono gea mata-mata abe idadioka de Una.

1 Samuele 18:7

“O Saulu wahohonenge nanga musu yasana, Masara o Dautu wahohonenge nanga musu yasana ngimoi yofoloi.” Hokogea o Saulu ka ihikaika woihene manga ngekomoka ma oraha yolio.

1 Samuele 21:10

De o wange gea o Dautu ka idadi woara o Sauloka de waino ho woiki o Gaata manga koanoika. De manga koano gea ai romanga o Akisi.

1 Samuele 21:13

Ho o Dautu womaputuhu la woduru / wohiaka dika hoka iwitogohanga la ufa ona gea iwimodongo. Abe una ka ihikaika wakaragoho o ngorana ma dadatokika de womahigunoa la ai kibiri itobauihi ai uruoka de auku ai gumiuku.