1 Samuele 20:42 - Ma Jou ai Demo-demo o Totobelohoka

⁴² De ma bahaika o Yonatana wihingahu o Dautika wato, “Ngaro naa noiki ma tonigahoko la ani hininga Ma Jou o Yawe wonihiriidi. De ngohi hokogea tonigahoko ma owa angamoi ngone ma dodihiraino homaketedodiawo homahiketehibehehongoka de Ma Jou o Yawe ai romanga. Abe nanga behehongo ma demo naga la nanga ngofa-ngofaka de nanga dano-danonguku ka imahikauku yaniiki nanga behehongo gea.” Hokogea manga dodiawo ma behehongo ihigalioli de ahao o Dautu wosobo woara de o Yonatana wolio ai tauika o kotaka.

1 Samuele 20:42 ပူးပေါင်းရင်းမြစ်များ

2 Samuele 9:1

De o wange moiuku duru o Dautu womahohininga abe ai behehongo ma dihira wihibehehongo o Saulu ai ngofaka o Yonatanika abe duru widodiawo. Ho waleha ai duduhunika, wato, “Sarakia, naga o nyawa o Saulu ai tauoka abe nagahi la ka idadi ahi dora ma hiokoo tahimatoko onangika? Ma dihira ngohi de ai ngofaka o Yonatana duru mimaketedodiawo irahai de ma titi gea ho duru toigo la ona taduhunu nako nagahi.”

Gegetongo 6:26

De ngomi minigahoko la Ma Jou o Yawe winipaliara de winihimatoko nginika to Una ai hininga ma owa. De winihiriidi ngini homoi-homoiika nia hiningaka de to Una ma hirete ai hininga ma miriidi.”’”

Lukasa 7:50

De ahao o Yesusu wotemoli ma ngofekaika gea wato, “To ngona ani ngongaku iniduhunoka ani howo-howonino, ho naa ngona ka idadi nolio dika ani tauika de ani hininga de ma riidoka.”

Hidingoto 16:36

Ho ma gogoana ma haeke wihingahu o Paulusika wato, “Ngona de ani dodiawo ka idadi nihupu dika ma hoanika. Ho ngaro nilio de nia hininga ma goguwini dika angamoi nia hohowono gea ibootoka.”

1 Samuele 1:17

De o Eli wopaluhu wato, “Nako gea ngona naa ka idadi nolio de ani hininga iriidi. De angamoi o Isiraele ma nyawa nanga Jou ahao wonihidoaka ena gea abe ngona nomagahoko Unangino.” Hokogea womilaru o ngo Hanaika.

1 Samuele 20:15

Ho togahoko la ngona ka ihikaika naduhunu ona abe naga ahi tauoka, la ani dora duru ko itoa-toakua ka hiado-adonika. De ahao ma oraha adonoka to ngona ani musu Ma Jou o Yawe wakokihohonengoka de ona ahi tauoka kiani naduhunohi.

1 Samuele 20:16

De tonganono nanga behehongo mata-mata abe homahiketehibehehongoka ko iwa ma oraha abe ahao ngona ko naniikokaua. Ho kiani nogoana la ufa ngohi ani dodiawo o Yonatana ahi romanga ko yafetongokaua ani tauoka. Abe tomagahoko ngonaika la ka ihikaika ahi ngofa-ngofakuku de ahi dano-danonguku ngona de ona ani tauoka yao itiai.” Hokogea o Yonatana womagahoko o Dautika.

1 Samuele 23:18

De gea wotemo ipaha de ahao ona yahinooto yomahiketehibehehongokali Ma Jou o Yawe ai himangoka la yomakao irahai dika. De ipaha ahao o Yonatana una wolio ai tauika masara o Dautu ka womanoahi o Horesoka gea.

1 Samuele 25:35

De wotemo ipaha de o Dautu wosanangi wodafongo to muna ami hidoaka gea de womihingahu wato, “Ngona nolio dika de ani hininga ma goguwini. Angamoi ngohi tonihigihene ani demoino de tomodeke, ho ko tahohonenguali ani rokata de ai nyawaika.”