1 Samuele 20:41 - Ma Jou ai Demo-demo o Totobelohoka

⁴¹ Ho ka de o ngofaka gea woiki ai gurutikaka de o Dautu wohupu ai gogogono ma ngiino abe duru imakadateke de o hakaru ma doomu gea. De o Yonatana ai himangoka ma hange o Dautu womaponuku hiadono ai himanga itiki ma tonakuku. De ona yahinooto duru manga dora itagi hiadono manga koongo itifa angamoi kiani yomakitingaka ho yomakokooino yoari-ari de yomahiketehilooa. Ma nako o Yonatana ai huha de o Dautu ai huha ma ka o Dautohi ai hininga duru ihuha.

1 Samuele 20:41 ပူးပေါင်းရင်းမြစ်များ

Dodadi 29:11

De womibounu o ngo Rahelika de womihingahu wato, “Ngohi naa ani dutu adaene abe ngohi meme o ngo Ribeka, ani baba ngoi firanga.” Gea womihingahu ibooto de ahao duru woari de ai ilingi ma amokiye. Woari ibooto de o ngo Rahele momataiti moiki momapopaata ami babaika la mihingahu womatengo manga dutu naga o humuoka.

Dodadi 29:13

De o Labana ka de woihene abe ai daho woboa watutumu de unangoo duru womataiti woiki dokaika la o Yakubu wibuhuku. Gea yomakamake de o Labana ai daho wikooino de wibounu. Gea yomakobounu ibooto de ahao o Labana wiao ai tauika. Genangoka de ahao o Yakubu wiade-ade ai pepeika hokokia mata-mata ho hiadono naa woboa.

Dodadi 33:4

Ma, ka de gea wimake de o Esau duru womapopaata wibuhuku ai dodoto de wikooino de wibounu de ona o ria-dodoto yoari.

Dodadi 42:6

De mangale naa o Yusupu wodadioka o Mesiiri ma tonakoka manga hidimono wokokurutiye ho una dika wofuku-fukunu ma inomo o nyawa mata-mataika. Ho o Yusupu ai ria-riaka o Mesiirika yomahiadonoka de yoboaino o Yusupino de manga horomatioka yomaponu-ponuku ai himangoka.

Dodadi 43:28

De ona iwipaluhu ato, “Marai una nagahi gea doka mia tonakoka abe ma oraha ngomi wiwinoa de una ka woputurungohi.” Hokogea yotemo ibooto de ahao yomaponukokali o Yusupu ai himangoka hiadono manga pea itiki o tonakuku.

Dodadi 45:15

De gea o Yusupu ka woariohi de ai ria-riakoo homoi-homoiika wakokikooino de wakokibounu. Gea de ahao yomulaenge yogogarago yomaketeade-ade una de ai roria-dodoto.

2 Samuele 1:2

De ahao ma wange hangeoka de womatengo ka o goohi abe o Saulu ai tentaraino manga dodogumino woboa. De woboa o Sikaga ma kotaino de naga ma abari wototaka. De una gea ai pakeanga wakakihoka de duru wokutu ai mumukuku de o tonaka ma kafo la wohitunguu abe duru wohuha. Ka de womahiadono o Dautu ai himangino de womahimotumuku o tonakuku la duru wohitunguu ai horomati o Dautika.

2 Samuele 1:26

Ho ngohi ahi hiningaka de duru tonigari ma titi ngona o Yonatana, Abe tonietongo nomaketero dika hoka ahi dodoto ma gou-goungu, ho duru tonidora! De tohioriki abe ngonaoo duru nohidora ngohino, Abe nako to ngona ani dora de o ngo-ngofeka manga dora, Masara ka to ngonahi ani dora ilamoko ngohino!

2 Samuele 9:6

Ho ona yoiki o Mefibosetika de gea iwiaoino de una duru womaponuku o Dautu ai himangoka hiadono ai himanga itikiuku ka hiadono o meheluku. De o Dautu wato, “Mefibosete!” De o Mefibosete wopaluhu, wato, “Iya, ngohi naa ani gilaongo.”

1 Kokoano 1:16

De o ngo Baseba muna momamotumuku ai himangoka. De ahao o Dautu womileha munangika wato, “Iya, ngohi fekata. Marai ani perelu o kia naga?”

1 Kokoano 1:23

De ma koano ai duduhunu ona iwihingahu ato, “Mia koano, naga woboaka Ma Jou ai dodofanga o Natana.” De ahao o Natana woboa de womamotumuku ma koano ai himangoka.

1 Kokoano 1:31

De o Dautu wotemo ibooto de ngoi fekata o ngo Baseba momamotumuku ai himangoka de ahao motemo mato, “Ahi baluhu de ahi koano, ngohi tonganono la ka ihikaika to ngona ani wowango naga de ma owaka duru ma hohailoa!”

Hidingoto 20:37

De ona mata-mata duru yoari ma titi kiani yomakitingaka de una, de iwikokikooino de iwibounu la manga dora unangika yomahimatoko.

1 Samuele 10:1

De ahao o Samuele naga wasoino o saitunu ma hofoko ma minya de wigopoa o Saulu ai mumukuku hiadono yodahahuru ai badanguku. De ahao wibounu de wihingahu wato, “Hokonaa tonibounu de tonihituagi de o minya atingakoka Ma Jouika nena la taniiki Ma Jou o Yawe ai behehongo ngohino. Abe hokonaa todiai la tonihitunguu abe Una wonihiakunoka la wonihidadi to Una ai nyawa o Isiraele ma nyawa manga hihira.

1 Samuele 18:3

De o Yonatana widora o Dautika imaketero hoka to una ma hirete ai roehe wodora ho una woigo la ona yahinooto yomahiketehibehehongo abe duru ko iwa moi abe o nyawa yakunu ihirusaka manga gogao ma rorahai gea.

1 Samuele 20:40

De ahao o Yonatana ai toimi de ai hihiipi mata-mata wihidoaka ma ngofakika de wihuloko la wohigilio ai tauika o kota ma goronaka.

1 Samuele 24:9

De o Dautu ahao womaokoinoli de wiboakoli ai toroa o Saulika, wato, “Ahi baluhu, adodoa ho o nyawa nagihene manga demoino, ona abe ato ngohi toigo tonihikangela?

1 Samuele 25:23

Ka de o ngo Abi mimake o Dautu de momataiti mouti ami keledaioka de mauku ma tonakuku. De ahao muna duru momaponuku ai himangoka.