1 Samuele 20:33 - Ma Jou ai Demo-demo o Totobelohoka

³³ Ka de hokogea o Yonatana o Dautu widemo, de o Saulu itodokanino de ai kuama o hokiiki ai datekoka wagoraka de wituduku o Yonatanika angamoi womahiboi abe doka ai hiningaka womatemo wato, “Ngaro ahi ngofaka idodutu ma ka titoma dika.” Ho ngaro o Saulu ka wingofu dika masara naa o Yonatana duru ai baba wihioriki abe igoungu womaputuhoka ahao o Dautu witoma.

1 Samuele 20:33 ပူးပေါင်းရင်းမြစ်များ

1 Kokoano 11:40

Ka de o Saloomo wohioriki abe o Ahia hokogea wihingahu o Yerobeamika de duru widohata unangika hiadono wihideeoka la witoma. Masara o Yerobeama una woara o Mesiiri ma tonakika de womagahoko o Firaunu o Sisakika la wihigunoa wogogere ai tonakoka. Ho o Yerobeama wogogere o Mesiiri ma tonakoka ka hiadono o Saloomo wohonenge de ahao womoroini wolio o Isiraele ma tonakika.

1 Samuele 18:11

De itodokanino de o Saulu wituduku o Dautika abe ai hiningaka womatemo wato wihidobututukika ma dadaduhika. Masara o Dautu ma kuama gea woditoko ho o Saulu ka wingofu. De ipaha ahao naga ma oraha utuoli abe o Saulu wihigalioli de ai hokiiki gea wituduku o Dautika ho hiadono idadiokali duru imaketero abe hoka idadi ma dodihiraka.

1 Samuele 19:10

De itodokanino de o Saulu wohitailoli wituduku o Dautika abe ai hiningaka la wato witoma. Masara o Dautu woditokoli ma kuama gea de woara wohupu ma fufutuika. Ho o Saulu ka wingofuoli de ai kuama ka yodubuku ka ma dadaduhika dika o koano ai tau ma goronaka.

1 Samuele 20:34

De duru o Yonatana de ai ngamo ilamokoholi ho woikoka, manga ngolo-ngolomo wanoaika de duru woluku wolomo o wange gea angamoi ai hininga duru ihuhaholi ma titi ai baba ai datoro hokogea duru iwihimaleke. De utuohi wohuha ai baba ai dohata ihititi o Dautika.

1 Samuele 20:7

Abe nako ani baba wotemo, wato, ‘Ka idadi waniiki dika, adodoaua.’ Nako hokogea ai demo de gea hihioriki ai hininga ma hohailoa dika. Masara nako wongamo hiadono ai hininga ko wohiorikokaua de gea womahitunguu ai hidee ma dorou naga ngohino.