1 Samuele 20:29 - Ma Jou ai Demo-demo o Totobelohoka

²⁹ De woiki mangale ma titi waniiki ona o tau moi manga huhuba yodiai. De angamoi ai riaka wihuloko unangika abe kiani unangoo naga ho ngohi tihingahu o Dautika abe ka idadi woiki waniiki. De hokogea ma titi hiadono una ko iwiwa nenangoka.” Hokogea o Yonatana ai demo.

1 Samuele 20:29 ပူးပေါင်းရင်းမြစ်များ

1 Samuele 16:2

De o Samuele wopaluhu de ai hawana, wato, “Masara, ahi Jou, nako hokogea todiai de ahao o Saulu woihene! De una marai wongamo ka hiadono wohitoma ngohi!” De Ma Jou o Yawe wopaluholi wato, “Hokonaa ani ngekomo, ngona noiki de nao o huhuba ma hapi abe ma beka ka ma goohi, de ma oraha nomahiadono o Beteleheemika de nahingahu manga dimo-dimonika, nato, ‘Ngohi naa toboa nginino de ahi huhuba ma hapi nenanga la ngone homahihuba Ma Jou o Yaweika.’

1 Samuele 17:28

Masara o Dautu ai riaka o Eliaba woihene yomakoketemo de wingamo o Dautika ma titi ai demo onangika gea, wato, “Ngona nododoa nenangoka? Adodoa nanoaika o domba ma duduono ma eteteke gea abe ngona inihitagongoka la nogoa-goana? Ngona tonihiorikokau de igoungu, abeika to ngona ani sade ma demo de ngona ko nagou-goungua notemo. Marai noboaino noigo dika nomiwuni-wuningi o parangi ma goronaka.” Hokogea o Dautu ai riaka wihitipokouku.

1 Samuele 20:28

De o Yonatana wihilooa wato, “Baba, o Dautu duru womahilooa ngohino de womagahoko la ka idadi o Beteleheemika woiki.

1 Samuele 20:30

Ka de hokogea wihingahu ai babaika de o Saulu ai ngamo duru ifae kohaamoko hiadono widoana ai ngofakika, wato, “Ngona naa tonietongo o ngofeka abe momafuku-fukunu ami badanga ami ngofaka hiadono ani bodo hokonaa! Ngona nofikiri ko tonihiorikua abe to ngona ani mau la o Dautu wonituruuru hiadono una wodadi o koano! Ho done ngona ko namakeua o koano ma kuaha de ko nopusingua? Ngona tonihiorikoka! Ngona naa duru nomahimaleke ngaro ngona, de ngaro ngoni memeikaoo, ma, nomihimaleke munangoo!