1 Samuele 20:12 - Ma Jou ai Demo-demo o Totobelohoka

¹² Ho ona genangoka de o Yonatana ai hininga ma hidee wihingahu ai geri o Dautika, wato, “Ngohi naa tonihibehehongo ma gou-goungu abe de Ma Jou o Yawe ai romanga tapake abe Una to ngone o Isiraele ma nyawa nanga Jou. Marai itebini adonoka o wange hokonaa de ngohi de ahi baba ka idadi mimakoketemo. Masara nako ma oraha ko tamakeuahi de ahao hinootoka mimakoketemo la tolingiri ma titi ahi baba ai hininga ngonaika. De ngaro itebini eko hinootoka ma ka de ai hininga tihioriki de tomataiti tohidingoto ahi hingahu ngonaika. De duru tonganono ahao ka idadi tonihingahu abe o baba ai hininga ma hohailoa dika ngonaika.

1 Samuele 20:12 ပူးပေါင်းရင်းမြစ်များ

1 Samuele 20:11

De o Yonatana wopaluhu wato, “Abeika, olo, hoiki o kota ma hoanika gea.” Ho yosobo yomakiniiki genangika.

1 Samuele 20:13

Masara nako una ahao duru wongamo de ahao tihioriki woigo wohiaturu ma ngekomo la wapake o nyawa utuino la ona inihohonenge. De nako hokogea ai hininga ngohi duru tagou-goungu ahao tonihitiari la ka idadi noara la ufa nohonenge. De ahi behehongo ma demo naa ka idadi ngona nangaku angamoi ngohi naa tomahikoboto abe tomagahoko la Ma Jou o Yawe wohihohonenge ngohi nako ko toniduhunua tonihitiari. De naa tonigahoko la Ma Jou o Yawe ka ihikaika woniniiki ngona imaketero hoka ma dihira Una winiiki ahi baba.

1 Samuele 23:18

De gea wotemo ipaha de ahao ona yahinooto yomahiketehibehehongokali Ma Jou o Yawe ai himangoka la yomakao irahai dika. De ipaha ahao o Yonatana una wolio ai tauika masara o Dautu ka womanoahi o Horesoka gea.