1 Samuele 20:10 - Ma Jou ai Demo-demo o Totobelohoka

¹⁰ De ahao o Dautu wileha wato, “Ho hokokia ani ngekomo la ka idadi nohihingahu ngohino ani baba ai hininga abe nako wopaluhu de ai ngamo eko koua?”

1 Samuele 20:10 ပူးပေါင်းရင်းမြစ်များ

Dodadi 42:30

Iwiade-ade ato, “Una gea abe o Mesiiri manga popareta manga baluhu duru wotemo de ma buturungu ngomino. De womitae wato ngomi de mia hideeoka o Mesiiri ma nyawaika ho hiadono miboa la manga tonaka miatailako la mihioriki o kiaka ko iwa manga gogoana.

Dodadi 42:7

De o Yusupu ka de wamake de wahiorikoka ona gea ai ria-riaka, masara wotemo onangika hoka wahidadi o nyawa ma homoa dika ho hiadono wabobanarata onangika wato, “Ngini gea o kiaino niboa?” De ona yopaluhu ato, “Ngomi naa o Kanani ma nyawa, de ngomi miboaino la o inomo mimaija nenangoka.”

1 Kokoano 12:13

Masara o Rehabeama ko wagihenua abe manga gogahoko de ai demo duru ko iwa ma horomati onangika de angamoi woluku o nauru yapoperekika manga sosawaro ma demo unangika.

1 Samuele 20:11

De o Yonatana wopaluhu wato, “Abeika, olo, hoiki o kota ma hoanika gea.” Ho yosobo yomakiniiki genangika.

1 Samuele 20:9

De o Yonatana wato, “Duru ko ma iwa ma oraha abe ko toniduhunua! Olo, ngona nohihioriki ngohi, abe ngaro duru ma hohutulu dika tamake ahi baba ai hidee wonitoma de ngohi duru tomataiti tonihingahu ngonaika!”

1 Samuele 25:10

Masara gea o Nabala ai demo itorou onangika abe una wato, “Nako o Dautu abe o Isai ai ngofaka, una gea tanu onaguna? Angamoi igoungu ma oraha naa naga o huhuloko ma nyawa manga ngoe abe ona ka yoara dika manga dutuoka de yaika de ko yahingounokaua. De bote hokogea dika to Dautu ai hininga ma dorou hiadono wiporete ai koano o Saulika de woara unangoka de waika.

1 Samuele 25:14

Ho ona yosoboka de manga dumutu o Nabalika. De ona yotagi-tagi manga gogiriakahi de doka o Karameloka o Nabala ai huhuloko womatengo woiki ai dutu ngoi fekata o ngo Abika de woade-ade abe hokokia idadioka. Abe una womihingahu wato, “O Dautu wahidingoto ai nyawa yamuruono naga la yoboa naangino de yomakoketemo de ani rokata, de manga demo irahai dika unangika. Masara marai to una ai bobaluhu itorou, abe una ka wahitipokouku de wabobanarata onangika.

1 Samuele 25:17

Masara naa ahi dutu una wahibalaha to ona manga rorahai de ma dorou dika angamoi duru ko wotobagihenua o nyawa manga demo. De ma titi ai hininga ma dorou gea hiadono tohawanoka tato bote o Dautu de ai nyawa yoboaino de iwitoma, de marai ngoneoo mata-mata inahidotadaene de ma bodito gea. Ho naa ma titi gea ngohi toniade-ade ngonaika la marai ngona ka idadi nahiriidi o Dautu de ai nyawa la ufa ngone hobodito.”