1 Samuele 2:5 - Ma Jou ai Demo-demo o Totobelohoka

⁵ De ona abe ma dihira ka ihikaika yapunuhu de manga inomo, Ma oraha naa kiani yomalingiri o karajaanga la ma hewaino o inomo yamake. De ona abe ma dihira ka ihikaika yohafini, Ma oraha naa manga pokoro yapunuhoka. De o ngofeka abe ko iwa to muna ami ngofaka, Ma oraha naa ami ngofaka yatumidi mamake. De o ngofeka abe ma dihira ami ngofaka yowoeoka, Ma oraha naa ko yaiwaka de muna ami hininga ihuha.

1 Samuele 2:5 ပူးပေါင်းရင်းမြစ်များ

Higiriiri 34:10

O boki o singa ma goohi ngaro duru de ma buturungoka, Masara ma moi ma moi ma inomo ko amakeua de yahafini. Ma abeika ona abe manga nganganono duru Ma Jou o Yaweika, De Una ai hidailako ma owa onangika moioo de ko wakurangua.

Lukasa 1:53

De ona yahafi-hafini Una wahibunuhu de ai hiowa, Masara abe o nyawa de manga tiwi-tiwioka, Ona wakiniikoka ho ona ka manga homoa dika.

Lukasa 16:25

“De o Abarahaama wipaluhu wato, ‘Ahi ngofaka, abeika nomahohiningahi hokokia ani wowango ma dihiraino! Abe ma oraha ngona ka nowangohi de ka ihikaika ngona namake ma rorahai dika ani wowangoka, masara o Lasarusu ka ihikaika ma dodorou dika wamake unangika. Ho naa una wamake o sosanangi ma lolaru nenangoka, masara ngona gea ani kokangela inidaenoka. De gea ho ko itiaiua toniduhunu ngonaika.

Galatia 4:27

De gea ma dodihirainohi de ihitulihukuoka Ma Jou ai Demo-demoka o Yesaya ai demo moi abe duru imakiniiki de ihitaana de ahi hiketero ma demoino naa ma titi o ngo Sara de o ngo Hagara. De abeika ai demo gea itemo ato, “Ngona abe ma dihiraino de duru ko ma moiuahi de ani badangoka, ngona ma oraha naa ka idadi nogogaragoka. De ngaro ko ma moiuahi ngona namao abe ani pokoro igoli la nomagerewoto, masara naa ka idadi ngona nohiboa-boaka de ani garago. Angamoi ma dihiraino de igoungu ani rokata woninoaikahi de ma ngofeka moioli gea womale la gea wato ai ngofaka womamake munangino. Masara ngaro hokogea, ma nako ngona de ma ngofeka gea, de ka to ngonahi ani ngofa-ngofaka ahao duru yowoe. Ho genangino ma titi ho hiadono ngona kiani nogogaragoka.” Hokogea o Yesaya ai demo ma dihiraino.

Ruutu 4:15

Abe ma oraha o ngofaka naa namake de to ngona ani hininga idadiokali itobasanangi hoka o ngofeka o gooli! De gea angamoi una naa nimake ngoni hunungino abe muna duru monidora ngonaika de gea munangino namake o nauru naa. Ho ngaro hoka ma dihira ani ngofaka o nauru yatumidi manga ngoe masara ani utumu onangino ko imakadaenua de ma utumu ngona namake o wange naa o ngo Ruutino.” Hokogea manga garago ma demo o ngo Naomika.

1 Samuele 1:20

Ho ami gahe adonoka de muna mamake ami ngofaka hoka momagahokoka. De ma oraha momagerewoto ami ngofaka o nauru de mihiromanga o Samuele angamoi mato, “Ngohi tomagahoko Ma Jou o Yaweiye la una ahi ngofaka naa tamake.”

1 Samuele 1:6

Abe nako o ngo Hana naga to muna ami huha ma ngoe ma titi Ma Jou ami ngofaka ma ngi wohitatoko hiadono muna ko idadiua mamake o ngofaka. De ami dodiawo, o ngo Penina, ka ihikaika momihitipokouku o ngo Hanaika de o hohedu ma demo ma titi muna ko mamakeua o ngofaka.