De duru ma oraha gea Ma Jou o Yawe ai hohowono ma hingahu wihidoaka ai uru ma dodofanga womatengoika, abe ai hohowono ma demo gea kiani wapake o Yerobeama ai huhuba ma ngi iharo-harongika. De kiani ma hingahu ma demo gea wohidemo duru o huhuba ma ngi ma himangoka abe naga o Yerobeama wodiai o Betele ma kotaka. De gea Ma Jou ai uru ma dodofanga naga o Yehuda ma tonakoka ho wosobo woiki o Betele ma kotaika. De ka de womahiadono o huhuba ma ngiika o Beteloka gea de o Yerobeama naga womahigokoino genangoka duru ai huhuba iharo-harongo ma ngi ma himangoka abe una womahidiaioka o huhuba abe bootino ahao wahihuba.
1 Samuele 2:27 - Ma Jou ai Demo-demo o Totobelohoka27 Ka de uku de naga womatengo Ma Jou o Yawe ai uru ma dodofanga woboa witutumu o Eli de Ma Jou ai hingahu wadofanga unangika wato, “Eli, ngona nohioriki abe ma dihira Ngohi, Ma Jou o Yawe tomahimatoko to ngona ani totoforaika ma oraha o Isiraele ma nyawa mata-mata yodadioka o Mesiiri ma koano ai huhuloko o Mesiiri ma tonakoka. အခန်းကိုကြည့်ပါ။ |
1 Samuele 2:27
14 ပူးပေါင်းရင်းမြစ်များ
De witemo ipaha de ahao o Saloomo wihiguti o Abiatara ai gogeroka de wauku la ibootohi wilelelani de wodadi Ma Jou o Yawe ai hidemo ma nyawa. De abe iwihigutiuku, gea duru imakiniiki de Ma Jou ai demo moi abe ma dihiraino wotemoka o Silo ma kapongoka. Abe ma dihiraino gea de Ma Jou ai uru ma dodofanga yotemo to Una ai demo abe wato ahao wohibobaha o Eli de ai ngofa-ngofakuku manga leleani la ibootohi yodadi Ma Jou ai hidemo ma nyawa. Ho naa duru igoungu idadi imaketero dika hoka Ma Jou ai demo ma dihiraino gea.
De ma oraha o Musa de o Harunu ko yomakamakeuahi de Ma Jou o Yawe wihingahuokau o Harunika wato, “Harunu, naa Ngohi toigo tinihikamake de ani dodoto o Musa ho kiani noiki nibuhuku o tonaka ma kakaahaika.” Ho o Harunu woiki de ma oraha abe ahao una de o Musa yomakamake gea o loku ma timiuku abe ma dihira Ma Jou womahimatoko o Musaika. De genangoka o Harunu de ai dodoto yomahikomorene.
Masara ngona, o Timotiusu, ngona nitobaleleani Ma Jouika. Gea ho kiani ma dorou mata-mataika abe ahao kangano tafetongo ahi huratoka naa nodokaowara done nahowono Unangika. Ma koaho ma rorahai dika nanii-niiki. Abe Ma Jou ai totiai de ai hininga kiani nomahinoauku, de ani ngongaku de ani dora o nyawaika, de ani dongohono, de ani hininga ibole-bole o nyawaika, gea mata-mata kiani naniiki la hiadono gea mata-mata naga ani wowangoka.
Angamoi nako Ma Jou ai hingahu ma demo, gea duru ko moiua la o nyawa manga mauoka de aino iboa, masara gea mata-mata Ma Jou o Womaha abe wahilufungu o nyawa manga hiningaka de ai kuaha de wahingahu ai demo onangika, de ahao onangoli yadofanga o nyawaika, de hokogea Ma Jou wotemo manga uruoka de aino. Ho koaho ngini duru nitotoihene ma demoino gea.
De o malaekata gea wosoboka de ahao o Manoa ngoi fekata mitutumu ami rokata de mihingahu unangika, mato, “Manoa! Kangano naga womatengo Ma Jouoka de waino ngohino de ai rupa marai hoka o malaekata angamoi ngohi de ahi hawana ma heranga timake. De ngohi ko tilehaua una o kiaino ma nyawa de una gea ko womahingahua abe ai romanga onaguna.
De wihidingoto ai uru ma dodofanga womatengo abe una Ma Jou wihiakunu de o hohininga ma demo la wahitararono o Isiraele ma nyawaika manga kangela ma titi. Abe manga kangela ma titi ona ko yomahijouokaua Unangika. Ho una Ma Jou ai uru ma dodofanga wahingahu onangika wato, “Hokonaa Ma Jou o Yawe, o Isiraele ma nyawa nanga Jou, ai demo nginika: ‘Ngohi naa nia Jou abe ma dihira tinihihupu ngini, o Isiraele ma nyawa, o Mesiiri ma tonakino abe genangoka ona inihidadi manga huhuloko.
De abe ma wange gea adonoka idadi de mata-mata idadi imaketero abe ma dihira Ngohi tihingahuokau o Elika abe tihohowono. Abe ko unangua dika adaene masara ka hiadono ai ngofa-ngofakuku adaene ka hiadono to una ai tauikaoo tahohowono. Ho ma oraha ahi hohowono imulaenge de Ngohi tohigila-gila ka hiadono ma bahaika.
De o Saulu ai baba wihigihene ho una de manga duduhunu womatengo yosobo de o Efaraimi ma tonaka ma loku-lokuika yokokiloliti yaika yaino masara manga keledai ko yamakeua. De ahao yogila-gilaka yolingirohi hiadono o Salisa ma tonaka de o Salimi ma tonaka yaika yaino yolingiri. De ahao yomahiadono o Benyamini ma nyawa manga tonakika de genangokaoo yolingiri mata-mataika masara ngaro hokogea ma, ko yamakeuahi manga keledai abe ihihangoka gea.
Masara ai duduhunu gea wopaluhu wato, “Ahao naa ipuda ahi hiningaka abe tonganono naga womatengo wogogere nenangoka duru witobaleleani Ma Jou. De o nyawa mata-mata duru manga horomati ilamoko unangika angamoi ato bari mata-mata wotemo ma gou-goungu dika hiadono wato o kia dika ahao idadi, de igoungu, ahao idadi. Abeika una hilingiri. De marai una ka idadi wonahingahu o kiaika ma ngekomo la ka idadi nanga keledai hamake.” Hokogea ai dodiawo wihigaro o Saulika.
ကြော်ငြာတွေ