1 Samuele 19:23 - Ma Jou ai Demo-demo o Totobelohoka

²³ Masara o Saulu una ai dodagi ma goronaka de Ma Jou o Womaha de ai kuaha unangoo wihawo hiadono unangoo womulaenge wohidemo Ma Jou ai Demo-demo ma hitararono ka hiadono wowohama o Naioto ma goronaika.

1 Samuele 19:23 ပူးပေါင်းရင်းမြစ်များ

Sosawaro 21:1

Ma koano ai hininga tanu imanoa Ma Jou o Yawe ai giama ma hoatoka, abe gea imaketero hoka Ma Jou wahidumutu o akere ma dodagi la ma dumutu imakiniiki de to Una ai hininga, hokogenangoo Una wahihira-hira ma koano ai hininga la ufa irehene Ma Jou ai hiningaka de aino.

Gegetongo 23:5

De Ma Jou o Yawe naga ai demo o Balakika abe o Bileama kiani wadofanga unangika, wato, “Bileama, kiani nigilio o Balakika de ahi demo duru naniiki itiai abe hoka tohingohamoka ani hiningaika.” Hokogea o Bileama de Ma Jou yomakoketemo.

Gegetongo 24:2

Abe genangoka ka idadi wamake o Isiraele ma nyawa yongodumu de manga gogere duru de ma hiaturoka. Abe manga dutu ma doomu ngimoi de hinooto naga homoi-homoiika manga ngi imaketemomomoi abe ihigoko manga tau o ngoerino. Ka de o Bileama wadamaana o Isiraele ma nyawaika de Ma Jou o Womaha wihilufungu.

Matiusu 7:22

Ho nako ma wange adonoka gea abe o nyawa mata-mata manga wowango ma datoro atailako, de genangoka o nyawa manga ngoe ahao yomagahoko Ngohino la tadafongo ma titi manga datoro yodiaioka. Abe ona gea ahao yomademo ato, ‘Ahi Baluhu, nohidafongo ngohi naa ma titi ma dihiraino de ngohi tahingahu-ngahu ani Demo-demo o nyawaika. De abe yakitokata ona gea taduhunu abe ma tokata tohititoko onangoka de aino, de naga utuohi o heheranga todiai. De gea mata-mata tapake to Ngona ani romanga la todiai, ho kiani nohidafongo ngohi!’

Yohanese 11:51

Masara o Kayafasa ai demo gea ko to unangua ai hiningaka de aino idadi. De ma oraha gea una o hohidemo Ma Jouiye manga hidimono wokokurutiye. Ho ma titi ai tagongo Ma Jouika gea hiadono Ma Jou wipake la wahingahu abe o Yesusu kiani ahao wohonenge la waduhunu o Yahudi ma nyawa mata-mataika.

1 Korintusu 13:2

De ngaro ngohi ihilufungu de to Una ai kuaha hiadono ka idadi tahingahu o nyawaika Ma Jou ai hingahu ma demo, eko ngaro Ma Jou ai dogogono mata-mata ngohi tohiorikoka, de ngaro hiadono o tobahioriki mata-mata nagau ngohioka, ma nako o dora ko iwa ngohioka, gea ahi hiakunu mata-mata duru parahaja dika. Eko nako ngohi duru de ahi ngongakuoka hiadono o loku moi tahuloko enangika de ma loku gea imaturuuru o ngi moiikali. Ma nako ngohioka o dora ko iwa, ngaro ahi ngongaku hokogea ma amoko, ma, ngohi naa ko kia-kiaua.

1 Samuele 10:10

Abe ma oraha o Saulu de ai duduhunu yomahiadono o Gibea ma lokuika de igoungu yamakeika o doomu moi Ma Jou ai uru ma dodofanga yoboaino. De o Saulu ka de ona wamake de Ma Jou o Womaha wihawoka hiadono unangoo womulaenge Ma Jou ai Demo-demo ma hitararono wohidemo.

1 Samuele 10:12

Masara naga womatengo abe wogogere manga datekoka manga demo gea woihene de wotemo wato, “Ko ma titiua o nyawa manga baba Ma Jou ai uru ma dodofanga hiadono manga ngofakoo wahiakunu imakadaene. Angamoi onagona dika Una woigo wahiakunu la yodadi ai uru ma dodofanga ma ka idadi mata-mata.” De gea ma titi hiadono o demo ma dulu ma hungi idadioka. Abe nako o nyawa yoheranga o nyawaika abe itodokanino naga manga hiakunu Ma Jouino, abe ma dihiraino de ko iwa, de yotemo, ato “Gea igoungu o Saulu una wodadioka Ma Jou ai uru ma dodofanga?” Hokogea manga demo ma dulu ma hungi.

1 Samuele 10:6

De ka de nimakamake de ona gea de Ma Jou o Yawe ahao de ai Womaha wonihawo ngona hiadono ngonaoo nomulaenge nohidemo Ma Jou ai Demo-demo. De itodokanino to ngona ani hininga idadi hoka o hininga ma hungioli abe ahao ani wowango ma datoro aturuuru.

1 Samuele 18:10

De duru ma dawangeino dika de o tokata ma dorou Ma Jouino gea iwidutukoli o Saulika de duru iwihikangela hiadono wohidogohanga wopoa-poaka. De hoka ma dihiraino nako ai koano wokangela hokogea de o Dautu waleino ai totabua de waragoho la wihilaru hiadono ai hiningaka wohiriidi. Masara kangano ka de o Saulu womulaenge wohidogohanga wopoa-poaka de wasoino o kuama o hokiiki.

1 Samuele 19:18

Ho o Dautu woara de woiki o Rama ma kotaika la witutumu o Samuele de wiade-ade unangika mata-mata abe o Saulu wodiaioka unangika. Hokogea o Dautu womahingahu ibooto de ahao o Samuele o Dautu wiao ai kota ma honongaika abe ihiromanga o Naioto de genangoka ona yahinooto yogogere.

1 Samuele 19:20

Ho o Saulu ai tentara o doomu moi wahidingoto genangika la iwitaoko o Dautu. Masara yomahiadono de ko yomadaenuahi o Dautu iwitaoko de yamake Ma Jou ai uru ma dodofanga o doomu moi de ona o Samuele wahihira abe Ma Jou ai Demo-demo ma hitararono ihidemo. De ahao Ma Jou o Womaha o tentara ma nau-naurikaoo wahawo hiadono onangoo Ma Jou ai Demo-demo ma hitararono ihidemo.

1 Samuele 19:22

Ho ma bahaika o Saulu una ma hirete wosoboka woiki o Ramaika de womahiadonika de naga o humu moi ma amoko genangoka ma romanga o Seku. De genangoka wahuloko o nyawaika, wato, “Nohihingahuohi o kiaka ka idadi tamake o Samuele de o Dautu.” De ona yopaluhu ato, “Ona naga o Naiotoka o Rama ma kota ma goronaka doka.” Hokogea woihene de wosobokali.