1 Samuele 19:20 - Ma Jou ai Demo-demo o Totobelohoka

²⁰ Ho o Saulu ai tentara o doomu moi wahidingoto genangika la iwitaoko o Dautu. Masara yomahiadono de ko yomadaenuahi o Dautu iwitaoko de yamake Ma Jou ai uru ma dodofanga o doomu moi de ona o Samuele wahihira abe Ma Jou ai Demo-demo ma hitararono ihidemo. De ahao Ma Jou o Womaha o tentara ma nau-naurikaoo wahawo hiadono onangoo Ma Jou ai Demo-demo ma hitararono ihidemo.

1 Samuele 19:20 ပူးပေါင်းရင်းမြစ်များ

Gegetongo 24:2

Abe genangoka ka idadi wamake o Isiraele ma nyawa yongodumu de manga gogere duru de ma hiaturoka. Abe manga dutu ma doomu ngimoi de hinooto naga homoi-homoiika manga ngi imaketemomomoi abe ihigoko manga tau o ngoerino. Ka de o Bileama wadamaana o Isiraele ma nyawaika de Ma Jou o Womaha wihilufungu.

Yohanese 7:32

Hokogea o nyawa yotemo yomakokuhudu dika ma titi o Yesusu, masara manga demo gea naga yoihene o Farisi manga doomuino ma nyawa. Ho o Farisi ma nyawa gea de o hidemo ma nyawa Ma Jouika yomakoketemohi abe hokokia yodiai la ibootohi o Yesusu wodotoko hokogea. Ho yomakoketemo ibooto de ahao yomakiniiki yoiki onangika abe yogoa-goana Ma Jou ai Tau de yahuloko onangika ato, “Niloiki, o Yesusu gea kiani niwitaokoka!” Ho ona gea yogoa-goana Ma Jou ai Tau yaduhuloko la ato iwitaoko o Yesusu, masara ona ko iwimoroinuahi iwitaoko.

1 Korintusu 14:3

De masara nako yomatengoli yapake manga hiakunu abe yalufungu de ai kuaha hiadono ka idadi yahingahu o nyawa utuika Ma Jou ai hingahu ma demo, gea de ahao ona yaduhunu manga gogianongoruika manga ngongaku. Abe mangale ma titi manga hiakunu gea yapake la ka idadi yahiputurungu de yahilaru onangika manga gogianongoruika.

1 Samuele 10:10

Abe ma oraha o Saulu de ai duduhunu yomahiadono o Gibea ma lokuika de igoungu yamakeika o doomu moi Ma Jou ai uru ma dodofanga yoboaino. De o Saulu ka de ona wamake de Ma Jou o Womaha wihawoka hiadono unangoo womulaenge Ma Jou ai Demo-demo ma hitararono wohidemo.

1 Samuele 19:11

De ahao o Saulu ai tentara yamuruono naga wahidingoto o Dautu ai tauika la iwigoana de wahuloko onangika la o ngorumino ka de o Dautu wohupu ai tauino de kiani iwitoma. Masara o ngo Mikala, o Dautu ngoi fekata, mihitiari mato, “Ahi rokata kiani duru o futu naa dika de noara abe nako hiadono itebinoka de ngona nohonengokau.” Hokogea mihingahu.

1 Samuele 19:14

De ma oraha o tentara manga tauino yowohama la o Dautu iwitaoko de muna mahingahu onangika abe ami rokata iwigogama de ko idadiua womomiki.

1 Samuele 19:19

De ma oraha ahao adono o hingahu iboa o Saulino abe o Dautu naga o Naiotoka abe o Rama ma kota ma dobikoka.

1 Samuele 19:21

De o Saulu ai nyawa utu naga genangoka yamake abe idadioka gea de yomataiti yoiki iwihingahu o abari gea o Saulika. Ho ahao ai tentara ma doomu moioli wahidingoto de idadi onangika imaketero hoka ai tentara ihira-hirali abe Ma Jou ai Demo-demo ma hitararono ka ihidemo onangoo. Ho ai tentara yamuruono naga wahidingotoli masara imaketero dika idadiokali ho naa ma hangeou ai tentaraoo Ma Jou ai Demo-demo ma hitararono ihidemo hoka Ma Jou ai uru ma dodofanga onangoo ihidemo.