1 Samuele 19:18 - Ma Jou ai Demo-demo o Totobelohoka

¹⁸ Ho o Dautu woara de woiki o Rama ma kotaika la witutumu o Samuele de wiade-ade unangika mata-mata abe o Saulu wodiaioka unangika. Hokogea o Dautu womahingahu ibooto de ahao o Samuele o Dautu wiao ai kota ma honongaika abe ihiromanga o Naioto de genangoka ona yahinooto yogogere.

1 Samuele 19:18 ပူးပေါင်းရင်းမြစ်များ

Yakobusu 5:16

Ho mangale ma titi nanga Baluhu idodutu ka idadi wonahitogumu nanga popanyakeino de ka idadioo wonahiapongo nanga howono ma titi nanga niniatino, ho duru tinihigaro nginika la nia howo-howono nimangaku nia gogianongoruika de nimakokagahoko Ma Jouiye la ngaro nia kangela nia bada-badangoka eko ngaro nia gogao Unangika itoakoka, ma gea mata-mataika de Una ka idadi winihitogumu genangino. Angamoi nako womatengo wataana de Ma Jou ai mau, to una gea ai gogahoko naga duru de ma kuahaka angamoi Ma Jou ahao wihigihene unangika de hiadono wohingodumu ai gogahokino gea.

1 Samuele 1:19

De ahao ma dawangeino o Ekana de ona ai tauoka duru o ngoru-ngorumino yomomiki de yoiki yomahuba-huba Ma Jou o Yaweika. Yomahuba ibooto de ahao yosobo yolio manga tauika o Rama ma kotaka. De ma oraha o Ekana womaidu de o ngo Hana, Ma Jou o Yawe womihininga de ami niniata wapaluhu ho hiadono ahao muna de ami badangoka.

1 Samuele 15:34

De ahao o Samuele wolio ai tauika abe o Rama ma kotaka de o Saulu wolio to una ai tauika abe o Gibea ma kotaka.

1 Samuele 19:19

De ma oraha ahao adono o hingahu iboa o Saulino abe o Dautu naga o Naiotoka abe o Rama ma kota ma dobikoka.

1 Samuele 19:22

Ho ma bahaika o Saulu una ma hirete wosoboka woiki o Ramaika de womahiadonika de naga o humu moi ma amoko genangoka ma romanga o Seku. De genangoka wahuloko o nyawaika, wato, “Nohihingahuohi o kiaka ka idadi tamake o Samuele de o Dautu.” De ona yopaluhu ato, “Ona naga o Naiotoka o Rama ma kota ma goronaka doka.” Hokogea woihene de wosobokali.

1 Samuele 19:23

Masara o Saulu una ai dodagi ma goronaka de Ma Jou o Womaha de ai kuaha unangoo wihawo hiadono unangoo womulaenge wohidemo Ma Jou ai Demo-demo ma hitararono ka hiadono wowohama o Naioto ma goronaika.

1 Samuele 20:1

De o Dautu woaroli ho o Naioto wanoaikali de woiki o Yonatanika de wileha ai dodiawoika, wato, “Ngohi o kia todiai ani babaika hiadono ai hininga kuranga ngohino ma amokoholi? O kia ahi howono? Una naa ai hininga ka moi dika de gea wato kiani wohitoma.”

1 Samuele 21:11

Masara o Akisi ai nyawa abe manga gogere hatoli ikokurutiye ona iwigurubungu manga koanoika ma titi o Dautu. Abe ona yotemo ato, “Boteua una naa o Dautu abe wodadi ai tonaka ma koano! Abe to una ai nyawa duru iwihigiriiri unangika manga dakoro ma demoka, de gea yonyanyi ato, ‘Nako o Saulu una wahohonenge nanga musu yasana, Masara o Dautu wahohonenge nanga musu yasana ngimoi yofoloi.’ Hokogea ai nyawa iwihigiriiri unangika ho koaho ufa hihigunoa womanoa ngoneoka!”

1 Samuele 28:3

De marai ma oraha gea o Isiraele ma tonakoka de o Samuele una wopahaka, ho o Isiraele ma nyawa mata-mata duru kahumutaigarika manga dekana. De una gea iwilungunu o Rama ma kotaka angamoi gea to una ai kota. De abe ma dihiraino o Saulu una wodiaioka o pareta moi de genangino wahuloko ai kokawaaha mata-mataika wato duru ko idadiokaua o nyawa yahoko de yomakoketemo de o hone-honenge ma nyawaika. Ho onagona dika abe naga manga hiakunu gea kiani yohupu o Isiraele ma tonakoka de yaika ma homoaika.

1 Samuele 7:17

Ho nako genangoka ai nyawa waurusu ibooto de ahao wolio ai tauika o Rama ma kotaka. De genangokaoo naga o nyawa abe kiani manga howono watailako de ona abe itaana yahowonoka gea una manga hohowono waputuhu. De o Rama ma kotaka gea una wodiai o huhuba ma ngi abe wapake la o huhuba womahihuba Ma Jou o Yaweiye.