1 Samuele 19:11 - Ma Jou ai Demo-demo o Totobelohoka

¹¹ De ahao o Saulu ai tentara yamuruono naga wahidingoto o Dautu ai tauika la iwigoana de wahuloko onangika la o ngorumino ka de o Dautu wohupu ai tauino de kiani iwitoma. Masara o ngo Mikala, o Dautu ngoi fekata, mihitiari mato, “Ahi rokata kiani duru o futu naa dika de noara abe nako hiadono itebinoka de ngona nohonengokau.” Hokogea mihingahu.

1 Samuele 19:11 ပူးပေါင်းရင်းမြစ်များ

2 Samuele 3:13

De o Abanera ai nyawa yadofanga ai demo gea o Dautika de o Dautu wosanangi de wotemo wato, “Ka idadi homahiketehibehehongo hokogea, iti ma oraha ngona noboaino de nomiao ngohi fekata o ngo Mikala abe o Saulu ngoi ora gea de nomihigilio ngohino.”

Hihira 16:2

De ona yogogere o Gasa ma kota ma goronaka yomahikokangahu abe o Simsono naga manga kota ma goronaka. Ho naga o nau-nauru yomatoomuino o futu-futuoka iwihidee ato manga musu o Simsono gea kiani iwihigilolitino la ka idadi iwitaoko. Abe ona ato, “Naa adonoka nanga oraha ngone ka idadi hitoma angamoi una naga nanga kota ma goronaka o futu naa. Ho ngade-ngade itawange de ngone higoana o kota ma ngoranoka la ka de wolio de ka idadi hitoma.” Ho ona yomahitigino o kota ma ngoranoka de genangoka iwigoana ka hiadono yahidetebiniye iwihidee ato ka de o Simsono wolio de ka idadi iwitoma.

1 Samuele 19:20

Ho o Saulu ai tentara o doomu moi wahidingoto genangika la iwitaoko o Dautu. Masara yomahiadono de ko yomadaenuahi o Dautu iwitaoko de yamake Ma Jou ai uru ma dodofanga o doomu moi de ona o Samuele wahihira abe Ma Jou ai Demo-demo ma hitararono ihidemo. De ahao Ma Jou o Womaha o tentara ma nau-naurikaoo wahawo hiadono onangoo Ma Jou ai Demo-demo ma hitararono ihidemo.

1 Samuele 20:31

Nako o Isai ai ngofaka gea ka wowangohi de ahao ngona ko idadiokaua nahikoano o Isiraele ma nyawa manga tonakoka naa. Ngona naa tonihuloko la ngona noiki nile de niao nenangino angamoi adonoka ma oraha abe kiani una gea wohonengoka!” Hokogea o Saulu ai daleana ma dohata o Dautika.