1 Samuele 18:8 - Ma Jou ai Demo-demo o Totobelohoka

⁸ De o Saulu ko wosanangiua manga higiriiri ma nyanyiangika gea ka hiadono duru wongamo, wato, “Adodoa hokogea yonyanyi ato ngohi yosana dika abe tahohonenge masara o Dautu wahohonenge nanga musu utuohi yofoloi manga sana? Done ahao yoigo una iwigorakiyeoli hiadono iwihidadi manga koano!” Hokogea o Saulu ai hininga ma oraha gea.

1 Samuele 18:8 ပူးပေါင်းရင်းမြစ်များ

Dodadi 37:11

De ma titi ai buluhara gea hiadono ai ria-riaka manga daleana ka idogo-dogo masara manga baba duru womahihohininga ma titi o Yusupu ai buluhara gea.

Dodadi 37:8

Ka de gea yoihene de ai ria-riaka ato, “Iya, ya, ya, ngona naa nato nomihikoano e? De done sarakia ngona o dodoto de ngomi naga to ngona ani kuahaka?” Hokogea iwimia-mia de to ona manga dohata unangika ka idogokali ma titi ai buluhara de ai ade-ade gea.

1 Kokoano 2:22

De gea o Saloomo woihene ami demo de ahao wopaluhu wato, “Ho done sarakia ngona naa nogahoko hokogea ngohino? De ma titi o kia hiadono nihidemo ahi riaka ai mau la o ngo Abisaga tihidoaka dika unangika? Angamoi nako hokoga ani gogahoko, koaho nigahokoo la tihidoaka ahi kadera de ahi kuahaoo unangika la unangoli wodadi o koano! Abe nako nanga hidemo ma nyawa Ma Jouika o Abiatara de nanga tentara ma hidimono o Yoaba, ma dihirainohi de ona yomaketehiningamoioka de ahi riaka gea ho ona yoigo la una dika iwigoraka de wodadi o koano. Ho naa marai ka ngonali nadomoteke onangika.”

Estere 3:5

De ahao o Hamana ma oraha woboaino eko o ngorana gea watilakuru de duru wilega-lega o Modekaiika de igoungu, o Modekai ko watilabukukua de moioo de duru ko iwa ai horomati ma dodunguu unangika ho o Hamana duru wongamo de ai dohata ifae hiadono wato o Modekai wihohonenge.

Gegetongo 11:1

O Isiraele ma nyawa manga dodagi ma goronaika ko itedekanuahi de yomulaenge iwihigurubungu Ma Jou o Yaweika ma titi yamake manga kangela ma ngoe manga dodagioka. De Ma Jou o Yawe ko wosanangiua ka ihikaika woihene manga gurubungu ma demoika ka hiadono ai ngamo itagi onangika. Ka itodokanino de naga o uku itokara manga tau ma doomu ma datekoka abe Ma Jou o Yaweoka de aino ma uku gea. De ma uku Ma Jou o Yaweino gea duru itokara ma amokika manga doomu ma ngi ma honongaka hiadono naga o nyawa utu yauku hiadono yotinoka. De ngaro ikuranga yowoe abe yohonenge o uku ma goronaka, masara manga tau o ngoerino manga doomu ma datekoka kohangoe ko iwaka angamoi youku de ma uku gea.

Gegetongo 22:34

De o Bileama wipaluhu Ma Jou o Yawe ai malaekatika, wato, “Ngohi naa tahowonoka! Ngohi ko tonihiorikua abe ngona nomaokoiye ahi himangoka la ahi dodagioka nohitatoko. Ho naa, nako ngona ko noigoua ngohi togila-gila de tolio dika ahi tauika.”

Yakobusu 4:5

Masara tanu nako Ma Jou ai hininga, gea ka idadi hamake to Una ai Demo-demoka abe ma dodihiraino ihitulihukuoka. De ai demo gea inahingahu ato Una duru de ai hininga ma gahumu wohafini la wato to ngone nanga jiwa ma hidumutu duru ingodumu itagi ka Unangika dika. Abe Una wohigogere nanga jiwa to ngone homoi-homoi nanga badangoka, de Una ai hininga la wato ka Unangika dika ngone hidora. De hokogea Ma Jou ai Demo-demo ngoneino ma dodihiraino, de gea inahitaana abe Ma Jou duru ko woigoua la ngone hadodiawo o duniaika, masara ai hininga la wato ka Unangika dika ngone hidora. Ho bote ma titi o kia naga hiadono ngini ka niadodiawohi o duniaika? Mode ngini niafetongo Ma Jou ai Demo-demoika niato gea ko kia-kiaua?

1 Samuele 13:14

Masara naa ko idadiokaua hokogea ngini niahikoano o Isiraele ma nyawa ho ani oraha abe nahikoano onangika naga ma batingi. De mangale ma titi gea ko nihingounua ho hiadono Ma Jou o Yawe wilingiroka womatengoli abe ai hininga duru ma dumutu ka ihikaika la waniiki Ma Jou ai hininga. Ho una gea Ma Jou o Yawe marai wiirikoka la una gea ahao wonituruuru de unangoli wahikoano Ma Jou ai nyawa. De hokogea Ma Jou o Yawe kiani wodiai angamoi ngona Saulu ko nihingounua abe ko naniikua ai behehongo ngonaika.” Hokogea o Samuele ai dodaere ma demo o Saulika.

1 Samuele 15:28

De o Samuele wihingahu, wato, “Abeika, imaketero hoka ngona ahi baju natoaka, de hokogenangoo o koano ma karajaanga Ma Jou o Yawe watoakoka ngonaino! De o koano ma karajaanga gea Ma Jou wihidoaka o nauru moiikali, abe womatengo gea nako ngona de una ka unangohi ai wowango ma datoro itiai.

1 Samuele 16:13

De to una ai romanga o Dautu de una ahao womaokoino ai ria-riaka manga hidogoronaka de o Samuele wasoino o debi-debini ma minya ma ngi o domba ma nauru ma tatadukino gea de wigopoa o Dautu ai pea daku ai mumukuku. Hokogea wihitunguu de duru o wange gea de imahikaika de o Dautu iwilufungu de Ma Jou o Yawe ai Womaha. Ho gea o Samuele mata-mata abe Ma Jou wihikarajaanga wodiaiokau de ahao wolio ai tauika o Rama ma kotaka.

1 Samuele 18:9

Ho o Saulu ai daleanoo imulaenge ipuda o Dautika de ahao ka ihikaika o Dautu wigoana de wolingiri ai howono.

1 Samuele 19:1

De o Saulu wahigaro ai nyawaika, abe duru ai datekoka iwileleani, la kiani yolingiri ma ngekomo la ka idadi o Dautu iwitoma. De ka hiadono ai ngofaka o Yonatanika unangoo wihigaro hokogea masara o Yonatana duru woigo la o Dautu widuhunu dika angamoi duru yomaketedodiawo ma gou-goungu.

1 Samuele 20:31

Nako o Isai ai ngofaka gea ka wowangohi de ahao ngona ko idadiokaua nahikoano o Isiraele ma nyawa manga tonakoka naa. Ngona naa tonihuloko la ngona noiki nile de niao nenangino angamoi adonoka ma oraha abe kiani una gea wohonengoka!” Hokogea o Saulu ai daleana ma dohata o Dautika.