1 Samuele 18:5 - Ma Jou ai Demo-demo o Totobelohoka

⁵ Ho o Dautu duru wileleani ai koano itiai de o kia dika o Saulu wihikarajaanga o Dautika de ai karajaangino gea wamake ma hasili duru irahai. Ho o Saulu o Dautu wigoraka la wihidadi ai tentara ma hidimono moi. De o Isiraele ma nyawa mata-mata de manga tentara ma dimo-dimono ona duru yosanangi ma titi o Dautu unangoo wodadioka manga tentara ma hidimono.

1 Samuele 18:5 ပူးပေါင်းရင်းမြစ်များ

Dodadi 39:23

De o bui ma tau ma hidimono gea ko wopusingokaua ma titi ai hiaturu onangika abe yabui-buika genangoka angamoi Ma Jou o Yawe widuhunu o Yusupu. De gea mata-mata o Yusupu wahiaturu irahai hiadono manga karajaanga mata-mata de ma hasiloka o bui ma tau ma goronaka gea.

2 Samuele 5:10

De ma oraha gea o Dautu ai kuaha enangoo idogo-dogo ilamoko angamoi Ma Jou o Yawe abe duru Wokokurutiye Una ka ihikaika naga o Dautoka.

2 Samuele 5:2

De ngomi mihioriki abe ma dihiraino ma oraha mimahikoanohi o Saulika de ngona naa to ngone o Isiraele nanga tentara ma hidimono ma gou-goungu. De gea Ma Jou o Yawe wonihingahu ngonaika wato ngona ahao nomihipareta. Abe wato ngona ahao nodadi nomaketero hoka to ngomi o Isiraele ma nyawa mata-mata mia gogoana de ngomioli hoka to ngona ani domba.”

2 Tawari 17:3

De Ma Jou o Yawe ka ihikaika wihiowa o Yosafata angamoi ai wowango ma datoro hoka ai tofora o Dautoli. De una duru ko womahuba-hubaua o pangao o Baalika.

Higiriiri 1:3

Ona gea ahao manga wowango imaketero de o hofoko ma gota Abe o nyawa yodatomo o akere ma ngairi ma datekoka. Ho ma oraha adonoka ihofoko de duru itohofoko ma rorahai ma gota gea, De ngaro o hiwara masara ma gutufuru de ma rorahai ko ihihangua. Hokogea ona abe manga wowango ihibitumuku Ma Jou ai Demo-demoka, De gea mata-mata ona yodiai ahao ihiboa ma hasili ma owa.

Matiusu 10:16

De o Yesusu ka wohigila-gilahi ai behehongo ma demo abe iwitobanii-niiki yangimoi de yahinootoika wato, “De naa abeika nitotoihene to Ngohi ahi demoino, angamoi naa tinihitiari nginika abe ma titi ahao hokokia idadi nginika. De ngini naa tinihidingoto o nyawaika la nihiabari ma titi abe ma oraha itigioka Ma Jou wahikoano ai nyawaika. Masara tinihiketero ngini abe ngade-ngade hoka o domba abe duru imura, de naa tinihidingoto o fuhuku ma kaho ma ngi-ngiika, ho kiani duru ngini nimahidodiai onangoka. Abe kiani nimahidodiai ma titi nia demoino de nia wowango ma datorino la ufa niaruwae onangika abe yototualono, done ahao inihikangela nginika. De gea nia datorino kiani nihidodiai la nia sosawaroino niapake de abe nia hiningaka de duru niabole-bole o nyawaika.

Hidingoto 7:10

de witobaduhunu ai kangela mata-mataino. De Ma Jou wokarajaanga o Mesiiri manga koano ai hiningaka la ma koano duru wisanangi o Yusupika, de nagali abe Ma Jou wihiowa o Yusupu la ai sosawaro duru o fara moi. Ho ma bahauku de ma koano gea wigoraka la o Yusupu wodadi o Mesiiri ma nyawa manga haeke wokokurutiye. De hongoli wihitagongo o Yusupika la wohiaturu ma koano ai tau ma karajaanga mata-mataika.”

Efesusu 5:17

De ngini ufa nimaaduru hoka onangoli abe ko kia-kiauahi ihioriki Ma Jou ai hiningaino, masara koaho nihidodiai la niataoko itiai nanga Baluhu idodutu ai mau nginika.

Kolose 4:5

De ti ngini nia wowango kiani niao irahai abe de nia sosawaroka la ngaro naga o nyawa abe ko iwingakuahi o Kristusika, masara ona ko idadiua initae nginika. De nako naga ma oraha la ka idadi niahitararono o nyawaika ma titi Ma Jou ai Demo-demoino, gea ma oraha ma getongo kiani niale de niapake.

Hihira 1:19

De ma oraha gea Ma Jou o Yawe Una naga de de o Yehuda ma nyawa gea de waduhunu la ka idadi yahikala o nyawa abe o loku-lokuoka de manga tonaka gea ka idadi yomahitoona. Masara o Yehuda ma nyawa ko akunua yahikala o nyawa abe yogogere o tonaka ma dola-dolaka, angamoi ma nyawa gea naga de manga goroba parangi. De manga goroba gea duru irahai, abe naga ma roda yodiai o behino.

1 Samuele 13:2

De ma moiuku o Saulu wairiki o Isiraele ma tentaraino o nau-nauru yasana hange abe duru yososawaro yoparangi de ona utu wahuloko la yolio dika. De ahao ai tentara yasana hange gea o Saulu waregu abe yasana hinooto wato iwiniiki una. De o tentara yasana moi wahuloko la ona iwiniiki ai ngofaka o Yonatana. De ahao o Saulu de ai tentara yasana hinooto yoiki o Mikamasika itigi o loku-lokuika abe naga o Betele ma tonakoka. De o Yonatana de o tentara yasana moi, abe una wahihira, ona yoiki o Gibeaika abe o Benyamini ma nyawa manga tonakoka.

1 Samuele 14:52

De o Saulu ai dekana wahikoano o Isiraele ma nyawa de hokogenangoo ai dekana waparangi o Filistina ma nyawaika. De mangale ma titi gea hiadono ka de una wimake ai kokawaahaka o nauru womatengo abe de ai buturungoka eko abe wotobamoroini de o Saulu itaiti una gea wihidadi ai tentara ma hidogo.

1 Samuele 18:16

Masara o Isiraele ma nyawa mata-mataika hiadono ona o Yehuda ma tonakokaoo duru manga hininga ma dora adaene o Dautika angamoi una de ai tentara wahihira-hira ka ihikaika ona yolaku ma oraha manga musu yaparangi.

1 Samuele 18:30

De ngaro o Filistina ma nyawa manga tentara ihigali-gali yangino o Isiraele ma nyawaino yaparangi masara ka ihikaika o Dautu de ai tentara duru yahikala hiadono nako una de o Isiraele ma tentara manga hihira utu ka o Dautohi wotobalaku. Ho o Dautu o Isiraele ma tonaka ma amokika o nyawa iwifetongo ai romanga duru de manga horomatioka.

1 Samuele 18:4

Ho gea yomahiketehibehehongo ibooto de ahao o Yonatana ai baju ma guru-gurutu wahuputoka de ena gea wihidoaka o Dautika de naga utuohi o Yonatana ai hidoaka unangika abe ai badanga ma dadatoko ma baju abe wapake o parangioka, de ai humaranga o dopo-dopoino abe ma doto arihononga, de ai toimi, de ai ban abe wapake womahidubuluino o parangioka. Ho to una ai kiahonanga ma rorahai gea mata-mata ka ma moi o Yonatana wihidoaka ai dodiawo o Dautika la wohitunguu manga behehongo de ai dora unangika.

1 Samuele 18:6

Masara ahao naga ma oraha o Saulu ai daleana imulaenge ipuda o Dautika de hokonaa ma titi. O Dautu o Goliata witomaka de o Filistina manga tentara yahikalaka ho ahao o Isiraele manga tentara yolio. De manga tentara yotagi o ngeko-ngekomika ho yoboa manga kota-kotaino de o Isiraele ma nyawa abe yogogere genangoka ihirame-rame manga lolaku. De hokogea idadi o kota mata-mataika abe yatilakuru abe naga o ngo-ngofeka ko manga ngoe yohupu o ngekomo ma datekino de duru yorame-rame de manga garago de iwihigiriiri manga koano o Saulu. De yoselo-selo de manga gogereenge ihiboha-boha de nagali ma rupa hoka o dodai o tabaagaino abe ihikokaboha de yonyanyi. De manga higiriiri abe o ngo-ngofeka gea ihinyanyi hokonaa ma demo, ona ato,

1 Samuele 3:19

De ipahaino o Samuele ai gurutiye ka idogohi ka hiadono wobaluhiye, de ka ihikaika Ma Jou o Yawe naga widuhunu unangika. Abe Ma Jou wohiaturu la to Una ai hingahu ma demo mata-mata abe o Samuele wohidemo ahao idadi duru imakadaene de abe wotemoka.