1 Samuele 18:29 - Ma Jou ai Demo-demo o Totobelohoka

²⁹ Ho o Saulu utuohi idogo ai hawana abe o Dautika. De duru o Saulu wodadioka o Dautu ai musu ka hiadono ai wowango ma bahaika.

1 Samuele 18:29 ပူးပေါင်းရင်းမြစ်များ

Yohanese 11:53

Ho ma wange gea abe o Kayafasa wotemo wato, “Koaho o nyawa moi dika wohonenge la ufa hokokibinaaha,” duru o wange gea de yomulaengoka duru yolingiri ma ngekomo la ka idadi yamake ma titi hiadono iwihidadi iwitoma o Yesusu.

Yakobusu 2:19

“De ngini niangaku ma demoika abe inahingahu ato Ma Jou Una gea ka womatengo dika. De gea niagoungu. Masara ngaro o toka-tokata ma enangoo yangaku ma demoika gea, de hongoli ena gea duru ifafara angamoi ihioriki ahao Ma Jou wahohowono enangika. Ho gea itararono abe ngaro o toka-tokata naga de ma tobahiorikoka ma titi ihioriki abe naga Ma Jou, masara gea ko ihiutumua enangika la ufa Ma Jou wahohowono enangika.”

1 Samuele 18:12

De hokogea ka idadi itodokanino o Saulu ai dohata itagi o Dautika angamoi wimodongo unangika. De angamoi ihititi ai daleanoka de aino abe ma oraha naa Ma Jou o Yawe ko winiikokaua o Saulika mangale o Dautikali winiiki.

1 Samuele 18:15

De ai karajaanga ma hasili gea o Sauloo wamake ho hiadono ai hawana ka ihikaika idogo ilamoko abe ihititi o Dautoka.

1 Samuele 18:28

De abe ma oraha o koano wamake hokokia ma ngoe Ma Jou o Yawe widuhunu o Dautika de ai hininga ma huha ka idogo dika. De wamakeoli abe ngoi ora o ngo Mikala duru midora ami rokatika de ma titi enangoo hiadono ma koano ai hininga ma huha ka idogo.

1 Samuele 18:30

De ngaro o Filistina ma nyawa manga tentara ihigali-gali yangino o Isiraele ma nyawaino yaparangi masara ka ihikaika o Dautu de ai tentara duru yahikala hiadono nako una de o Isiraele ma tentara manga hihira utu ka o Dautohi wotobalaku. Ho o Dautu o Isiraele ma tonaka ma amokika o nyawa iwifetongo ai romanga duru de manga horomatioka.