1 Samuele 17:52 - Ma Jou ai Demo-demo o Totobelohoka

⁵² De abe ma oraha o Isiraele manga tentara yamake o Goliata wohonengoka de ona ihiboa-boaka o lolaku ma hagaaga de ka ma moi yomapopaata yokokiuti dau ma dolauku. De yakiniiki o Filistina ma tentara abe naa yokokiloara manga poretoko. De o Isiraele ma tentara yakokidaene manga musu gea de manga ngoe yatoma. De yogila-gila yanii-niiki de yatoma ka hiadono o Gaata ma kotaika de hiadono o Ekono ma kota ma ngoranika. Ho o Filistina ma tentara manga honenge de ona abe yonabo-naboka hiadono ko idadiokaua yomangakunu yotagi naga yahikabarihi o Saraimi ma ngekomoka ka hiadono o Gaata ma kotaika de o Ekono ma kotaika.

1 Samuele 17:52 ပူးပေါင်းရင်းမြစ်များ

1 Kokoano 20:21

Ma, ngaro hokogea o Arama ma tentara utu yoaroka, masara utu naga duru ko manga ngoe yohonenge ka hiadono manga kuda de manga parangi ma gogoroba enangoo kohangoe ihibinaaha.

Hihira 7:23

De o Gideono ai tentara utu, abe yowoe-woe gea, abe ma dihiraino o Isiraele ma nau-nauru gea wahokino o Nafatali manga dutuino, de o Asere ma dutuino, de o Manase ma dutuino, ahao naa adono onangika o Gideono ai huhuloko abe wato ona kiani yoiki yaniiki yaparangi o Midiana manga tentara abe naa yokokiloara. De o Gideono ai huhuloko yahingounu ho yakiniiki o Midiana manga tentara de yaparangi.

1 Samuele 17:53

De ahao o Isiraele manga tentara yogilio o Filistina ma tentara manga dodogumu ma ngioka de yomakokigoraka manga kiahonanga mata-mata angamoi ko moiokaua ma dutu genangoka.

1 Samuele 5:10

Ho onangoli o Gaatoka Ma Jou ai Peti yao o Filistina ma kota moiikali ma romanga o Ekono. Masara ka de o Ekono ma kota ma nyawa yamake ona yoboa ihidomoku Ma Jou ai Peti gea de onangoo duru yomodongo enangika de yopoa-poaka ato, “Abeika yaoino Ma Jou ai Peti gea la ngomioo imihohonenge!” Hokogea manga hawana ma demo.

1 Samuele 5:8

Ho ona yabehehongo manga haeke yamotoaika la ona yokokiboa yatutumu o nyawa abe yogogere o Asodo ma kotaka. De ma oraha manga haeke yamotoa gea yoboa de yaleha onangika ato, “Mia balu-baluhu kiani nimihingahu abe hokokia ngomi naa midiai de o Isiraele ma nyawa manga Jou ai Peti gea.” Hokogea manga gogahoko manga poparetaika. Ho manga haeke yamotoa gea yomakoketemo ma titi Ma Jou ai Peti gea ka hiadono naga manga putuhu de ahao yahingahu o Asodo ma nyawaika ato, “Ka idadi o Isiraele ma nyawa manga Jou ai Peti gea niao nanga kota o Gaataika.” Ka de hokogea manga popareta manga putuhu yoihenoka de o Isiraele ma nyawa manga Jou ai Peti yagoraka de yaturuuru abe yao o Gaata ma kotaikali.