1 Samuele 17:45 - Ma Jou ai Demo-demo o Totobelohoka

⁴⁵ De o Dautu wopaluhu de ai ilingi ma amokiye, wato, “Ngona noboa ngohino de ani humaranga, de ani kuama, de ani hokiiki. Masara ngohi toboa ngonaino de Ma Jou o Yawe ai romanga abe Una Ma Jou Wokokurutiye, Ma Jou abe wahihira-hira o Isiraele ma nyawa manga tentara abe ngona nahoheduoka onangika.

1 Samuele 17:45 ပူးပေါင်းရင်းမြစ်များ

Higiriiri 18:2

Ngona o Yawe duru nomaketero hoka ahi loku ma tubu angamoi ko nokelu-kelua. Abe ngona nodadioka ahi dadatoko ma ngi abe genangoka duru ko idadiua ihihikala! De Ngona dika abe nohiduhunu hiadono o bodito ko ihidaenua, de gea ma titi abe Ngona duru de ani bobuturungoka, ho ngohi ka idadi tomahitatoko Ngonaka!

2 Korintusu 10:4

Abe ngomi naa ko miapakeua o duniaka ma dae masara ngomi miapake to Ma Jou dika ai dae abe ena gea duru de ma buturungoka. De ngomi miapake ai dae gea angamoi ngaro ai musu ma buturungu naga, masara ka to Ma Jouohi ai dae duru iputurungu hiadono ka idadi wohiwedere ai musu ma buturungu. De ngaro naga o hilawana ma demo o nyawa manga hiningaka abe yongaku enangika hiadono iwioluku Ma Jouika, masara ngomi ka idadi mihibinaaha manga demo gea ma titi Ma Jou ai kuahaino miapake.

2 Korintusu 3:5

De nako hoka to ngomi dika mia hiakunu, gea duru mihioriki abe ko kia-kiaua miakunu midiai abe to Una ai karajaangino. Masara ngomi naa miapake to Ma Jou dika ai hiakunu la ka miakunu mihidagi to Una ai karajaanga abe womihitagongo ngomino.

Filiipi 4:13

De ma titi o kia hiadono ka idadi toriidi? Ngohi ka tapoa toriidi angamoi ma buturungu o Kristusoka de aino wohihidoaka. Ho ngaro o kia dika naga iboa ngohino, ma, ngohi ka tapoa tolaku angamoi naga ngohioka ma buturungu gea abe Una wohihidoaka ngohino.

1 Samuele 17:10

Ho ngohi naa tinidodanauru ngini o Isiraele ma tentaraika! Ngini ko o tentaraua nako ko moiua naga nginioka abe ka idadi niwiiriki la una woparangi ngohino.” Hokogea o Goliata ai hohedu ma demo o Isiraele manga tentaraika.

1 Samuele 17:26

De ahao o Dautu waleha o tentara yamuruonika abe naga ai datekoka wato, “De nako naga o nauru ngoneoka abe ka idadi wimoroini witoma o Filistina ma nyawa gea, ahao o kia una wamake? De ko enangua dika masara una wolamo-amoko gea duru wonahimaleke ngone o Isiraele ma nyawa! Abeika una o Filistina ma nyawa abe ona gea duru ko iwihiorikua Ma Jouika! Ho done sarakia de hihigunoa la Ma Jou Wowango-wango ai tentara wahitipokouku hokonaa! Ho kiani naga womatengo witoma una gea la ibootohi wonahimaleke ngone o Isiraele ma nyawa!”

1 Samuele 17:36

De una o Filistina ma nauru gea ahao wodadi hoka o aewani gea angamoi ngohi tolakuoka o beruanga de o singaino ho hiadono ngohi ihimoroini tihimanga o Filistina ma nauru nenanga abe una duru ko Ma Jou ai nyawaua. Abeika una waemono Ma Jou Wowango-wango ai tentara de una o Filistina ma nyawa abe inamusu ngone, ho done sarakia de hiadono ngohi tihigunoa la ka wowangohi?

1 Samuele 17:6

De ai lou enangoo naga ma dadatoko o tabaagaino de naga ai hokiiki enangoo o tabaagaino, de ai hokiiki gea de ma talioka abe ai biaha womahilaketuku ai belekauku.