1 Samuele 17:42 - Ma Jou ai Demo-demo o Totobelohoka

⁴² De naa ka idadi ona yomakamake itararonoka de o Goliata ai hiningaka ka o hohedu dika ipuda o Dautika angamoi wimake una naa abe iwihidingoto ka o ngofaka dika abe ai kai inouhu de ai rupa worahai!

1 Samuele 17:42 ပူးပေါင်းရင်းမြစ်များ

1 Kokoano 20:18

De o Bene-Hadada wahingahu ai tentara ma dimo-dimonika wato, “O Isiraele ma nyawa manga tentara naa yoboaino masara ngaro ufa niatoma, ka niakokitaokino dika, de ngaro ona naa yoboa la homakadame eko yoboa yoparangi ma ka niataoko dika.” Hokogea o Bene-Hadada ai sade ma demo.

Sosawaro 16:18

Nako ngone homahigiriiri ngone ma hirete, gea kiani homahitiari done o dodotoko ma dubuho inadaene. Angamoi nako hiadono homagorakiye, gea ko itedekanua de inaotakuku.

1 Samuele 16:12

Ho o Isai o nyawa wahidingoto ai ngofaka gea iwile. De ipaha una ahao woboaino de Ma Jou witemo o Samuelika wato, “Naa una abe tiirikoka ho naa una nihitunguu de o debi-debini ma minya.” De o ngofaka o goduuru gea worahai de ai kai inouhu de ai lako de ma garagoka.

1 Samuele 17:33

De o Saulu wopaluhu, wato, “Ko idadiua! Angamoi ngona ka o goduuruohi dika. De una abe nato niparangi unangika wotobaparangi dika ai wowangoka!” Hokogea o Saulu wiheranga o Dautika.

1 Samuele 17:41

De o Goliata unangoo woboaino wotagi o Dautu wibuhuku. De ai dodiawo abe wigao ai dadatoko naga wihihira-hira o Goliata ai himangoka. De una ka wotigi moduku o Dautika.