1 Samuele 17:39 - Ma Jou ai Demo-demo o Totobelohoka

³⁹ De ahao o Dautu wale ai humaranga de womahidubulu ai goronaino abe o parangi ma baju ma poretoka. De angamoi ko ma moiuahi wapake o tentara ma pakeanga hokogea ho wataili wotagi masara ka de woaguru de wamao iwihikangela ma baju. Ho womademo, wato, “Ngohi tomahilooa, masara ko tabiahauahi de o dadatoko ma pakeanga hokonaa ho marai ngaro ufa dika e?” De o koano ai parangi ma pakeanga gea wakokihuputoka.

1 Samuele 17:39 ပူးပေါင်းရင်းမြစ်များ

Sakaria 4:6

Ho una wohitararono ngohino wato, “Gea ena ihitunguu Ma Jou o Yawe ai Demo abe wihingahu o Serubabelika o hiketero abe ma titi ai karajaanga ma oraha wodiai Ma Jou ai Tau. Abe Ma Jou wato, ‘Ahao idadi ko ma titiua o buturungino, de hokogenangoli ko ma titiua o kuahaino de idadi. Masara gea ahao idadi de duru ihititi to Ngohi ahi Womahino dika.’ De hokogea Ma Jou o Yawe abe duru Wokokurutiye wotemo.”

1 Samuele 17:38

De ahao o Saulu woigo widuhunu o Dautu hiadono wihidoaka unangika to una ai parangi ma dadatoko abe o parangi ma sapeo o tabaagaino de ai baju abe yodiai o behi ma alu-aluhu ihikokangohamika. De o koano ai parangi ma pakeanga gea wihinoauku o Dautu ai badanguku.

1 Samuele 17:40

De ahao waleino ai domba ma gogoana ma tutukunu de wouti ma dolauku abe genangoka naga o akere ma ngairi ma eteteke de genangoka womagoraka o hakaru ma eteteke ma nou-nouhu o gahumu motoa de wonoa ai domba ma gogoana ma popojeuku. De ai kawai naga ai giamoka wasoino de wogila-gila womahitigi o Goliatika.