1 Samuele 17:33 - Ma Jou ai Demo-demo o Totobelohoka

³³ De o Saulu wopaluhu, wato, “Ko idadiua! Angamoi ngona ka o goduuruohi dika. De una abe nato niparangi unangika wotobaparangi dika ai wowangoka!” Hokogea o Saulu wiheranga o Dautika.

1 Samuele 17:33 ပူးပေါင်းရင်းမြစ်များ

Higiriiri 11:1

Ngohi naa ko tohawanua abe tomahitatokokau Ma Jou o Yaweoka. Ho done sarakia de nihihuloko la ngohi toara tomagogono ahi lokuika? Abe hokogea ngini nihihiowa ngohino niato, “Kiani hoka o totaleoli nomadotoko, Abe ka de o totaleo yamao o bodito itigino de o lokuika ihohoka.”

Gegetongo 13:31

Masara ai doo-dodiawo abe yomakiniiki o Kanani ma tonaka yatotailako gea, ona yangimoi duru manga hininga imakohowono ho yopaluhu de manga boaka ato, “Ngone duru ko hapoaua hangika haparangi o nyawa gea! Nako ona de ngone ka onangohi duru de manga buturungoka ho!”

Himatoko 13:4

De ona mata-mata yomahuba ma nagaika angamoi ena yahidoakoka to ena ma kuaha abe naa o aewani moiinoli. De ona gea yomahuba naa ma aewani moiinoli ato, “Ka onagona yomatoteroino de ma aewani naa? De ka onagona yakunu yaparangi de yahikala enangika? Ko moiua!” Hokogea o nyawa manga higiriiri ma demo abe yomahijou ma aewanika gea.

1 Samuele 17:34

Masara o Dautu ko wohingounua ai demoika, wato, “Ahi koano, ngohi ahi baba ai domba ma duduono totobagoana de nako o boki o singa ma amoko iboa, eko ngaro o beruanga de yagoli o domba ma ngofaka de yaoka, de ngohi ko tomodongua enangika.

1 Samuele 17:42

De naa ka idadi ona yomakamake itararonoka de o Goliata ai hiningaka ka o hohedu dika ipuda o Dautika angamoi wimake una naa abe iwihidingoto ka o ngofaka dika abe ai kai inouhu de ai rupa worahai!

1 Samuele 17:56

De ahao ma koano wihuloko wato, “Nako gea ngona kiani noikohi naleha-leha o nyawaika hiadono inihingahu una to onaguna ai ngofaka.”