1 Samuele 17:28 - Ma Jou ai Demo-demo o Totobelohoka

²⁸ Masara o Dautu ai riaka o Eliaba woihene yomakoketemo de wingamo o Dautika ma titi ai demo onangika gea, wato, “Ngona nododoa nenangoka? Adodoa nanoaika o domba ma duduono ma eteteke gea abe ngona inihitagongoka la nogoa-goana? Ngona tonihiorikokau de igoungu, abeika to ngona ani sade ma demo de ngona ko nagou-goungua notemo. Marai noboaino noigo dika nomiwuni-wuningi o parangi ma goronaka.” Hokogea o Dautu ai riaka wihitipokouku.

1 Samuele 17:28 ပူးပေါင်းရင်းမြစ်များ

Dodadi 37:11

De ma titi ai buluhara gea hiadono ai ria-riaka manga daleana ka idogo-dogo masara manga baba duru womahihohininga ma titi o Yusupu ai buluhara gea.

Dodadi 37:4

Masara ai ria-riaka iwitaleana ma titi manga baba duru ka o Yusupohi wilegaika de ai dora. De ona igoungu iwidohata manga dodotika hiadono ko iwihidodiaiokaua iwitemo unangika.

Dodadi 37:8

Ka de gea yoihene de ai ria-riaka ato, “Iya, ya, ya, ngona naa nato nomihikoano e? De done sarakia ngona o dodoto de ngomi naga to ngona ani kuahaka?” Hokogea iwimia-mia de to ona manga dohata unangika ka idogokali ma titi ai buluhara de ai ade-ade gea.

Matiusu 10:36

De barikua ona abe ti ngini ma hirete nia tau-tauoka masara naga utu ahao yodadi nia musu.”

Matiusu 27:18

De hokogea o Pilatusu waleha ona yowoe-woeika angamoi una wato wahigaro la hiadono ona yogahoko la o Yesusu wihiluasa. Angamoi o Pilatusu wahiorikoka o Yahudi ma nyawa manga hohidimono manga hininga abe duru iwitaleana o Yesusika. Abe wahioriki ona iwitaoko o Yesusu ma titi o nyawa yodogo-dogo yowoe abe iwiniiki Unangika ho hiadono ma hohidimono manga daleana ipuda.

Maruku 3:21

De ma oraha gea o ngi moiokali naga o nyawa utu iwihiade-ade ma titi o Yesusu abe ona ato, “Una gea iwitogohanga!” Ho ka de o Yesusu ngoi meme de ai gogianongoru yoihene manga hiade-ade gea de yosobo yoboaino la ato iwile o Yesusu.

Yudasa 1:10

De masara ona abe naga nginioka, ona gea o nyawa biaha dika, masara ona yongelo-ngelo o kiaika dika abe ma titi ko yomangaratiiua. De gea manga hininga ka imaketero dika abe hoka o aewani o fuhukoli ma hininga, angamoi manga badanga ma hafini o kia dika naga ma gea ka yaniiki. Gea ena dika ona ihioriki, masara duru manga hafini gea abe ahao yahibinaaha onangika.

1 Samuele 16:13

De to una ai romanga o Dautu de una ahao womaokoino ai ria-riaka manga hidogoronaka de o Samuele wasoino o debi-debini ma minya ma ngi o domba ma nauru ma tatadukino gea de wigopoa o Dautu ai pea daku ai mumukuku. Hokogea wihitunguu de duru o wange gea de imahikaika de o Dautu iwilufungu de Ma Jou o Yawe ai Womaha. Ho gea o Samuele mata-mata abe Ma Jou wihikarajaanga wodiaiokau de ahao wolio ai tauika o Rama ma kotaka.

1 Samuele 16:7

Masara Ma Jou witemo o Samuele ai hiningaika wato, “Ko unangua abe naa tiiriki. Ufa ngona natailako o Isai ai ngofa-ngofakika ka manga rupaika dika, eko ani hininga yadaene manga gurutiye dika, angamoi o Eliaba gea ko unangua tiiriki Ngohi. O nyawa manga biaha hokogea dika yatailako o nyawa utuika, de yahidotelega de yairiki ka manga rupa manga poretino dika. Masara Ngohi Ma Jou o Yawe hokogenangua tatailako, Ngohi tomalega manga hiningaika abe ipuda o kiaika manga hininga ma goronaka de hokokia manga hidee ma dumutu. Gea ena abe Ngohi tahidotelega la o nyawa tairiki ona abe ka idadi tapake.” Hokogea Ma Jou wihitararono o Samuelika.

1 Samuele 17:29

De o Dautu wipaluhu wato, “Ahi howono o kia? Abe ngohi bowahu toleha dika.”