1 Samuele 17:20 - Ma Jou ai Demo-demo o Totobelohoka

²⁰ Ho ma dawangeino o Dautu ka de womomiki de ka wongorumu wosobo de ma inomo wao abe una o futuinohi womahidiaiokau. De to una ai duruuru wohiaturokau la unangoli ka idadi manga domba wogoana. De woiki waniiki ai baba ai behehongo mata-mata. De ka de womahiadono o Isiraele ma tentara manga doomuika de wadaene ma oraha yomahidiai yosobo manga loku ma geleforino yomatatorika. De o parangi ma hagaaga yaamo-amokiye la yomahitunguu manga dohata manga musuika.

1 Samuele 17:20 ပူးပေါင်းရင်းမြစ်များ

Lukasa 19:43

De ahao nia hohowono ma oraha adonoka de ti ngini nia musu yoboaino de inihigilolitino. De ona ahao ihitou-touniye o tonaka nia kota ma dadaduhu ma lifunoka ka hiadono yodoporono ma batingiye ho ka idadi yodoa ma tonakiye de iningohama nginika, de ko iwaka ma ngekomo la niloara onangino.

Yosua 3:1

De duru o ngoru-ngorumino o Yosua de o Isiraele ma nyawa yokokimomiki de ona yosobo ho manga ngi o Sitimi yanoaka de yoiki manga dumutu o Yorodani ma akerika. Masara ko yogila-gilauahi yotobongo o akerika ho yomahitigika dika de genangoka manga tau ihigokokali.

1 Samuele 15:12

Masara ma dawangeino abe ka o ngoru-ngoruminohi de o Samuele wosobo wilingiri o Saulu. De naga o nyawa iwihingahu ato o Saulu wosoboka woiki o Karamelika de wohigoko genangoka o hohininga ma dodunguu la ka idadi o nyawa manga horomati itagi una ma hireteika. De wohigoko ibooto de ahao wogila-gila o Gigalika. Ho gea o Samuele woihene de ahao wogila-gila ai dodagi ma dumutu o Gigalika.

1 Samuele 17:21

Hokogea o wange-wangeiye manga biaha ma oraha o Filistina manga tentara de o Isiraele manga tentara yomarihimanga abe yomatobataa-tatoro genangoka.

1 Samuele 17:28

Masara o Dautu ai riaka o Eliaba woihene yomakoketemo de wingamo o Dautika ma titi ai demo onangika gea, wato, “Ngona nododoa nenangoka? Adodoa nanoaika o domba ma duduono ma eteteke gea abe ngona inihitagongoka la nogoa-goana? Ngona tonihiorikokau de igoungu, abeika to ngona ani sade ma demo de ngona ko nagou-goungua notemo. Marai noboaino noigo dika nomiwuni-wuningi o parangi ma goronaka.” Hokogea o Dautu ai riaka wihitipokouku.

1 Samuele 26:5

De ahao o Dautu de ai nyawa yamuruono naga yosobo yomatohiki o Saulu ai dodogumu ma ngiika. De o Sauloka nagaoo o Abanera abe una ai tentara manga hidimono duru wokokurutiye. De o Abanera gea ai baba o Nere. De ona yahinooto yakiookoka manga dodogumu duru ma gogoronaka, de naga manga tentara ma nyawa manga ngoe abe yahigororomino la yagoa-goana ona yahinooto, de onangoo mata-mata yomaiduoka.

1 Samuele 26:7

Ho ma futu gea dika de ona yahinooto yomatohiki yowohama ma dodogumu gea ma gogoronaika de iwimake o Saulu iwikiooko genangoka. De nagali o Abanera de ma tentara ma nyawa utuoli manga ngoe abe yahigororomino manga koano, masara onangoo yakokikiookoka. De kanganohi o Saulu wohibeloho ai kuama ma tonakuku, ho gea naga imaokoino duru ai pea ma datekoka.